مرحبا حبايبي
بِـ عيونَّك هَسه شبَّدلني؟
يَ رخص الحِلفان و حَچيك
چا موش انه المامِش منّي !
ديمة : كعدت المغرب من النوم ومشتهيه توت
اريد توت
كمت من الجربايه
غيرت ملابسي وخليت شال على راسي ونزلت
اركض اريد توت
نزلت على الدرج مثل المخروعه الكل يباوع عليه
بيداء : على كيفج مو حتى الجهال انخضوا
ديمه : علي وين
بيداء : بالاستقبال
ديمه : مشيت للاستقبال
فتحت الباب ودخلت
شفتهم كلهم موجودين
علي
بس صحت بسمه بسرعه باوع عليه
علي : ها بنتي
ديمه : توت
علي : شنو
ديمه : علي توت توت
علي : شبي التوت
ديمه : شبيك علي اريد توت
علي: يعني مشتهيه توت
ديمه : ييي اريد توت احمر
الشيخ رسن : ههههههه وليدي هاي مرتك كاعده تتنسى على توت
علي :ومنين اجيبلها توت بهذا الوقت وحتى هذا مو موسمه
ديمه : علي عليك الله جيبلي توت حموت
الشيخ رسن : كوم وليدي شوفلها توت
علي : جدي منين اجيبلها
ديمه تنسي على غير شي وكون بموسمه
ديمه : جدوو احجي ويا اريد توت يمعود
نصير : دكوم ياابني شوفلها من المحلات
ديمه: يي علي عليك الله اريد توت
علي :هسه انتي جنتي نايمه شكعدت
ديمه : التوت
علي : شنو
ديمه :التوت كعدني علي كووووم
جدو احجي
الشيخ رسن : دكوم ياابني فرفحت روحها
مناف : علي ترى اكو مجفف اذا ملكيت طازج
علي :كايم امري ال الله
ديمه : اريده احمر
علي :واذا ملكيت احمر شلون
ديمه : معليه
طلع علي يدردم ومعصب
واني بالي كله يم التوت
الشيخ رسن : تعاي بنيتي اكعدي يمي
ديمه : رحت كعدت يم جدي
جدو اخاف مايلكي علي توت شلون
الشيخ رسن : هههههه هو انتي ماتنسيتي غير على التوت
ديمه : شسوي
زهرة : جده ديري بالج تحكين بجسمج لان اصير وحمه التوت بجسم الطفل
ديمه : جده حكيت بطني يعني راح تشوهه بطن الطفل
زهرة : ههههههه عقلج بكد الحمصة
لا متشوهه
خلي شنو منو من الجهال مشتهي توت
ديمه : يعني هسه راح تطلع ابطن ابني المشتهي توت
زهرة :ييي
ديمه : لزمت بطني
وكمت احجي ويا جهالي
يمه بعد عمري مشتهي توت
هسه بابا يجيبلنه توت احمر
اروح فدوه لليشتهون توت
الكل : ههههههههههه خبال
سما : هسه انتي طلعتي علي بهذا الوقت علمود العياره
ديمه : والله زوجي واني حره بي
اطلعه ابقي انتي معليج
سما : شلون معليه وهو ابن عمي
ديمه : وزووجي وابو جهااالي
واني حره بي
سما : وشبيج هيج تتباهي يما جدي جبره عليج
الشيخ رسن : انجبي بنت يعقوب لا اطيحلج حظج
ديمه : دقيقه جدو
خلي احجي وياها
باوعت عليها
صح جبره عليه
بس لاتنسين هسه اني حبيبته وزوجته وام جهاله
وطلع هسه علمود يجيبلي التوت الي مشتهيته
سما : هههه طلع علمود جهاله
ديمه : صح جهاله من عندي اني
شايلين روحي وماخذين نص كلبي
يعني اذا يحبهم يعني يحبني
سما : اقنعي روحج
ديمه : اوك انتي جاهله وعلاج الجاهل التجاهل
الشيخ رسن :كافي سما
ترى ساكتلج
ديمه : جدو عوفها معليك بيها
وخابر على علي
شوفه لكه توت لو لا
ضليت منتظره علي اكثر من ساعتين
اريد بس التوت
واخيراً دخل
علي : باالله هاي سالفه تشتهين واني اركض ادور
وانوب تتشهه توت بالكوه لكيتلج
ديمه : حبيبي المهم لكيت
عليك الله اغسله وجيبلي يا
سما : متكومين انتي
ديمه : معليج مره ورجال تدخلين
علي : استغفرالله اني ويني وين هاي السوالف
ديمه : اروحلك فدوه
علي: رايح
ديمه : راح علي يغسل التوت وسما بس تخزر بيه
عبالك كاتله ابوها الحيه الصفره
علي : هااج اكلي
ديمه : يمه بعد عمري شكد احبك
علي : بالعافيه
ديمه : الله يعافيك بابا حبيبي
علي : راح اصعد اسبح لان عركت
ديمه : ماشي
راح علي واني كعدت اكل بالتوت مثل الي كاطعين عليه الاكل سنتين وجابوله وليمه مال اكل
من كثر ما جنت مندمجه بالتوت
نسيت انتبه على فقدان سما
مثل الاحساس الي جاني فجئه بدون كل مقدمات
مثل الواحد الي كلي شو سما ماكو
ضليت اباوع كلهم موجودين
بس هي ماكو
مختفيه وين راحت
وليش محد ماذكرها
اهلها كلهم موجودين بس هي ماكو
تركت التوت وكمت
الشيخ رسن : وين جدي
ديمه : اغسل ايدي واشيل الماعون
زينب :هاا لا ابقي كاعده اليوم تحركتي هواي
ديمه : تفاجئت من كلام زينب
اول مره تحجي هي
لا بس اغسل ايدي واجي
زينب : هسه ارتاحي وبعدين كومي
ديمه : مابيه شي
هدى: اني راح اكومها
شو انطيني ايدج
ديمه : فدوه العمرج تسلمين حبيبتي
هدى : تدللين
ديمه : اباوع على زينب مثل الضامه شي وتخاف واحد يكشفه
طلعت للمطبخ خليت الماعون
وصعدت على كيفي ليفوك
تقربت من باب غرفتي
وسمعت صوت سما وشهكاتها
سما : انت ليش متحس بيه
علي: استغفرالله لج بابا انتي بعدج صغيرة
سما : والله احبك ازوجني علي واني مستعده اعيش خدامه يمك
علي : لج بابا اني مزوج. شزوجج
سما : الشرع حلل اربعه
هذا جدي مو زوج مرتين
انت هم ازوجني والله احبك حموت من وراك
علي : وموتتهم متموتين
سما : بشنو هي احسن مني
علي : منو هي
سما :مرتك ديمه
بشو احسن مني بس كلي
علي :اني مامجبور اكلج
سما :كلي متحبها ريحني وكلي متحبها
علي :شلون مااحبها غير هي مرتي وام جهالي
سما : واني علي
علي :انتي بنت عمي ومثل زينب وزهراء
سما :مااااريد اصيرر مثل خوواتك
اريدددد اصيرر. مررتك
مثلهااااا
علي : لااااتعلين صوتج مااريد اجاوز عليج
اكول خطيه صغيره ومراهقه
سما :موو مراهقه افهمها ولا اني صغيره
كلشي اعرف حتى بالامور الزوجيه اعرف
علي :لج انتي بكد النعال شلون تحجين هيج
سما : حبك هو الي خلاني هيج احجي
علي : لج بابا انتي ليش ماتفهمين اني مزوج ياامه الاسلام اني مزوج
ماحسيت غير سما حضنتني
وتبجي حتى الدشداشه مالتي تنكعت
صعدت نفسها وخلت راسها بركبتي
تبجي واشم بركبتي
سما : احبك والله احبك
حس بيه حتى عطرك اتمنى
ريحتك وجسمك وطولك وعيونك
حتى حضنك اني اتمنى
ديمه : جنت اسمع كلام سما كله واني مصدومه من جرئتها واسلوبها
ماكول ماتأذيت لا تأذيت منها
بس الي اذاني تصرف علي
الي مابعدها من حضنه والي كاعد يسايرها بالكلام
ويحجي وياها
قويت روحي
ومسحت دموعي
وفتحت الباب ودخلت
انصدموا من شافوني
علي : ديمه اصعدج
ديمه : خلصتوا المسرحيه لو لا
علي : شبيج
ديمه : اذا بعدكم تريدون تتحاضنون وتحجون عادي كولولي
اطلع برى وانتو احجوا او ادخل للغرفه الثانيه
علي : مفتهمه الموضوع غلط لايروح بالج بعيد
ديمه :رجاءاً علي مااريد تحجي وتبرر لان مراح اسمعك
وانتي سما
راح اكلج نصيحه واعتبريها نصيحه من وحده غريبه
لان بعمرنا مراح انصير خوات اني وياج
الي تقبل على روحها المذله وتهين نفسها علمود رجال مزوج
بعمرها مراح تعيش لامرتاحه ولا عدها كرامه
لان بالمقابل هي قبلت على نفسها تاخذ شخص وشاركه ويا غيرها
سما : بس اني احبه وقابله اصير مرته الثانيه
ديمه : اوك نتفاهم بهذا الموضوع
وانت يازوجي يابو جهالي
مراح احجي شي ولا اتناقش وياك باي شي
بس راح اكلك خلي نفسك بمكاني
وهي مادام تقربتلك وحضنتك وشمتك
لو ضل طول عمرك تسبح مراح اتقبلك
علي :شكاعده تحجين انتي شبيج
ديمه : ينتهي الكلام وياك
وانتي قابله اصيرين زوجه ثانيه موو
سما : ييي اذا العلي قابله
علي : انتي انجبي
ديمه :اوك
طلعت من الغرفه
وعلي يصيح ورايه
واني نزلت للاستقبال
بعدهم كلهم كاعدين
عليت صوتي وحجيت
كلكم هسه موجودين
واريدكم تسمعوني
علي : ديمه لاتتخبلين
ديمه : دقيقه شبيك
الشيخ رسن : شكو خوفتوني
ديمه : جدي اريد اكلك شغله
صعدت اني الغرفتي
لكيت
علي : اسكتيي لااا تحجيييين
ديمه : لا راح احجي
الشيخ رسن : علي اسكت
احجي بنتي شلكيتي
ديمه : جدي لكيت سما حاضنه علي
وتعترفله بحبهاا وعلي مكيف على الموضوع
وسألت سما وهي قابله تكون زوجه ثانيه
المهم عدها علي
واني ياا جدي تحملت كل شي
تحملت انجبر على الزواج
وتحملت عمه بيداء هي والبنات يسوني خدامه
وتحملت ابني يروح مني
وتحملت البيئه الي موبيئتي
كلشي تحملت
بس مال اتحمل هذا الموضوع اعذرني
كرامتي وكبريائي وشخصيتي متتحملها
اني ارريد اطلك من علي
علي : انتييييييييي شتحجين
ديمه : جدي اتررررجاك طلكني من عنده
ماااريده خلي هو يزوج سما
واني راح اتخرج واشتغل واكدر اربي اطفالي وحيدي
طلكني جدي ابوس ايدك
الشيخ رسن :______
_________
تعتقدون قرار ديمه صائب لو لا
انطوني رئيكم ؟
ولا تنسون التعليقات الحلوه والنجمة ⭐️
أنت تقرأ
بنُت المّدينةة🕊💫
Mystery / Thrillerبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
