بنُت المّدينةة🕊💫

بارت العاشر 🍒🔥

سلااام عليكم حبايبي🍒🔥

عذروني على التاخيرر بس والله مريضةة🍒

.
.
.
.ديمه : فزيت علي عياطهم
طلعت اركض من خوفي عبالي اكو شي
وعياط قوي
نزلت كم درجه من الدرج
واشوف عمه بيداء واكفه تعيط
بيداء : هااااي عوود انت ابني الجبير وهيج
اسوووي لا عتب على اخوووتك الصغار
علي : حقهاااا هذااا اعيط حقهااا يمعوده رحمه للنبي هذاا حقهااا
بيداء : هييي مررايدته انتتت ليشش اذب كل هاااي الفلوس علموودها
علي : مرررتي يمعوودين وحتى اذااا هي مررايدته شررع رب العالمين يجبررني عليه
بيداء : اقنععع روحك بهذا الكلام لاتقنعني هاااي مسويتلك سحرر
مخليتك تمشي وراهاااا
نصير : هسه انتي ليش تدخلين
بيداء : ابني وكااعده اشوفه يروح يشتري ذهب الهاي الصخله وهيي متريد ذهب شكو يذب هيج فلوس عليها
نصير : ديمه صخله صدك كلمن برى الناس بعين طبعه لما انتي صخله متحجين عليها
بيداء :كاااعد تهيني ينصير كدام الكل
نصير: ماااهينج بس انتي كااعده تهينين نفسج
غيرج يتمنون ديمه
شو بنيه مثقفه وحلوه ودارسه واخلاق والف واحد يتمناها
وغير كل هااي بنت عمه
على شنوو انتي مموافقه عليها
بيداء : ماااحبيتها ماااريدها الابني
نصير :وطز بيج وبحبج
ديمه :كلش انقهرت من كلامها وخصوصا هي تحجي كدام بابا وجدي وامي
محد بيهم دافعلي
نزلت كلهم ضلو يباعون عليه
توجهت علي بابا
هسه انت مرتاح ومقتنع
ضميرك مكاعد يأنبك
شفت هاي الهوسه كدامك علمود الذهب
الي هو حقي
طلعتني اني ولا شي
مرتاح بعدم احترامها الك
محمد : هاي قسمتج
ديمه : نوو هاي مو قسمتي هاي سوء اختيارك
وانت جدي
مقتنع بالي كاعد اشوفه
الشيخ رسن : افصملج ياها البيداء اذا تحجي وياج
ديمه: هههه تفصملي ياها كلتلي
اني ماريد تفصمها على كولتك
بس هاي كدام الكل
ايي شي صاروراح يصير يقهرني او يأذيني
مراح اسامحكم بي انت ياجدي وانت يا ابويه
عفتهم وطلعت للحديقه واني كارهتهم
كمت اتمشى
سمعت صوته
علي : هم راح اضيعين وادور عليج
ديمه : ياريت ضايعه وملاكيني
علي: على شنو هل تشائم
ديمه : عاجبك الي صار
علي : لا معاجبني بس اني ماامشي ورى كلام احد
حقج يجيج ومعليج بالباقي
اخذي كلامي طابوا
ديمه : مااعرف كل شي عليك
وبعد يومين العرسنا
علي : شتريدين تعرفين
ديمه: انت شكد عمرك
علي: 33 سنه
ديمه : ويي جبير
علي: هههههه حلوه هاي الوي بس لاتكوليها كدام احد
ديمه : ليش
علي : احسن
ديمه : اول مره اشوفك تضحك
علي : لان انتي ضحكتيني
ديمه : ضليت اباوع عليه وهو يباوع عليه
اكو شي بعيونه كلش حلو
بس ياربي حتى عيونه غامضات
علي
علي : ها
ديمه : عيونك يا لون وليش هيج لونهن
علي : هه متعرفين ساعه زرك وساعه رصاصيه
واذا اللبس ملابس على خضار ينكلبن على خضار
ديمه : يي هسه من اباوع عليهن كل شويه يتغير لونهن
علي : لا موالهل درجه
هاي انتي مركزتي بيهن
ديمه : لعد شو خلي اركز بيهن
علي : هههه هاي ليش كمتي وكفتي
ديمه : غير اركز بيهن
علي : تعاي اكعدي يمي وركزي بيهن
ديمه : اوك
هاي كعدت يمك شو خلي اباوع بيهن
علي : هاا صار وياج
ديمه : شكد حلوات تحسهن كزاز
علي : هههههه تعرفين روحج طفله
ديمه : والله علي شبيك شايف هذني الدعابل الي جنا نلعب بيهن واحنا جهال
مثلهن
علي : الي اعرفه الدعابل يلعبون بيهن اللولد انتي شلون تلعبين بيهن
ديمه : يي مو جنت اللعب اني هم وياهم اخواني وولد خوالي
علي : يي وتعرفين تلعبين لو لا
ديمه : لا جنت اخذ الدعابل واخليهم يركضون ورايه
علي: شكد خبيثه لعد
ديمه : بس هاي الشي الي خبثت بي
معقوله رب العالمين حاسبني عليه
علي : ليش شايفه هذا الزواج عقاب
ترى صدكي مراح اخليج تتأذين
وحياتج راح اسير مثل مجنتي بالبصرة
ديمه : بعد يومين لازم يزفوني الك
وانت متريدني ومامتقبلني
اصلاً يمكن عندك حبيبه
وبالك يمها راح يضل
علي : شعرفج عندي حبيبه
ديمه : نزلت راسي
شفتك بعرس قاسم تحجي بالتلفون
اكيد جنت تحجي وياها
علي : لاتاخذين بالج هيج اشياء بنيتي
ديمه : يعني عندك حبيبه
ليش متكوللهم خلي يزوجولك ياها بدالي
خطيه هي هم راح تنضلم ويانه
شنو ذنبها
اكيد هسه كاعده تدعي عليه
علي : ابويه سدي هذا الموضوع وادخلي للبيت اكلي
معقوله مااجعتي
ديمه : دخلت للبيت واني متعصبه من عنده
هوو هم مثلهم راح يضلم حبيبته بهذا الزواج
ليش مكللهم اني احب واريد ازوج
كلهم نفس الشي كلهم ضلام
صعدت الغرفتي
واني بس ادردم عليهم
وكلبي صاير ناار
اختنكت كلش
اندكت الباب
فتحتها
عزالدين : سمعتج مثل العجايز ادردمين
شبيج
ديمه : حطك راح اتخبل عزوو
عزالدين : ليش شكو منو
ديمه : اذا هو يحب وعنده حبيبه ليش مكللهم
اني عندي حبيبه
ليش خلاهم يستمرون بهذا الزواج
عزالدين : منو عنده حبيبه
ديمه : المتعجرف اكوو غيره
عزالدين : علي اخويه عنده حبيبه واني ماادري
لكم اهمدااايه اخويه يحب واني مااادري
اهمدا استخباراتي
اطم روحي احسن
ديمه : امشي اطلع برى اني وين احجي وانت وين تحجي
عزالدين : اعذريني من صدمتي
علي يحب لج هذا مايعرف يكول كلمه حلوه شلون يحب
ومنو الي يحبها
شلون متحملته وهو ميحجي وياها برومانسيه
ديمه : لك يارومانسيه اني كاعده اكلك هو ليش مكللهم
وانت تكلي رومانسيه
عزالدين : يي صدك ليش مكللهم اني احب وحده واريد ازوجها
بس انتي شلون عرفتي
ديمه : بيوم عرس قاسم شفته يخابر
واليوم سألته يكلي لاتخلين بالج
عزالدين : هذا مال ادخله بغرفه
مليانه صابون وزاهي وادخل ثور ويا
واسمع اعياطه
ديمه : قصدك تسمع عياط الثور
عزالدين : يي والله حتى الثور خطيه ميتحمله
ديمه : ضلينا نسوالف اني وعزالدين
بس بقيت مخنوكه
طلع من الغرفه عزالدين ساعه 1بالليل
واني افكاري كلها بيها كلمه ليش
ليش وليش وليش
اني ليش اجيت هناا
مو مكاني
ضليت ابجي واشهك
ليش مصارلي عرس مثل بقيه البنات
ليش ماحبيت ونحبيت
ليش مااصرت سعيده بهيج يوم
ليش كلشي واكف ضدي
مسحت دموعي
ونزلت علي الدرج
شفت علي مثل كل مره
واكف باب المطبخ ويباوع على الحديقه ويدخن
لابس شورت وكيمونه
بس هل مره تختلف لان جان يخابر
ومبينه ويا بنيه
نزلت على كيف
اسمع شيحجي
جان صوته كلش ناصي
بس سمعت مقتطفات
علي : يي خطبت
يي حلوه
لا
مادري
مراح يكون زواج كامل
يعني بس بيوم العرس
يي عكب باجر العرس
استغفرالله
هسه شكو هذا الكلام
ديمه : اكيد يحجي وياها
وكاللها زواجنه مو كامل علمود مايقهرها
نزلت دموعي على حضي
على زواجي من شخص ماايحبني ولا راح يجي يوم يحبني لان يحب وحده غيري
تقدمت داخل المطبخ وطلعت صوت بمشيتي
هو بسرعه ندار وباوع عليه
علي : بعدين نحجي
يي باي
ديمه : باوعت عليه
وحجيت
انت ليش كاعد تضلمها وتضلمني
اذا تحبها ليش تريد مكلتلهم
علي : انتي شكاعده تحجين
ديمه : الي كاعد تسمعه
ناازل تالي الليل تحجي وياها وتقنعها وكلتلها زواجنه مو كامل
ليش
قابل روح كوللهم اني احب وحده واريد ازوجها ليشش
كااعد تكذب عليها
علي : اصعدي فوك
ديمه : ماااصعد
واسمعني لو اطك وتتخبل مااخليك تلمسني
ومااخلي هذا الزواج يكمل
علي : مو هي بكيفج
ديمه : ييي بكيفي مو تكسرني وتخليني معلكه لاطايله سما ولا طايله كااع
وبعدين انت شلون الك نفس بيه
تتقربلي وانت تحب وحده
لو انت حيووان ميهمك
محسيت غير راشدي وكعني بالكاع
ونزل جرني من ايدي ويخض بيه
علي :الله رحمج دنيا ليل وكلهم نايمين
جان خليتهم هسه ياخذوج للمكبره
انتبهي واعرفي ويامن كاعده تحجين
ديمه : ويا واحد همجي
ضربني الراشدي الثاني
علي : عينج صلفه
وكويه شكل المدينه والدلال طلعوا عينج
ديمه : احسن من المتخلفات الي هنا همهن بس النومه والخلفه
نترت جسمي من عنده
مراح اصير مثلهن
ولا راح اخضعلك
اني ديمه مستحيل يجي واحد يكسرني
علي : هه انشوف عكب باجر
اذا بعرس قاسم 5 دقايق وكاموا الولد يحجون
انا مانتظرهم يحجون
وهسه اصعدي الغرفتج
وفكري زين
علمود لاتتأذين
ديمه : حقير
وسافل
كلتها وطلعت اركض اخاف يضربني
صعدت الغرفتي واني كلامه بأذني
يعني ميريد يحجون عليه
واني طز بيه
خلي نشووف اذا مااخليتهم يعيروك
ويضحكون عليك يا علي ميكون اسمي
ديمه
انتظرلي
________
لاتنسون النجمه والتعليقات الحلوة🤒❤