بنُت المّدينةة🕊💫

بارت12

سلااام عليكم🥺❤
.
.
.
.
ديمة : كعدت الصبح اواجه مصيري وقدري
دخلت للحمام سبحت سبحه العروس
وعطرت نفسي خليت الجسمي كريمات مرطبه
ولبست دشداشه قصيره علمود يرتاح جسمي
ملبست ملابس داخليه
رفعت شعري بااهمال
وكعدت ارطب وجهي
واسويله مساجات واعدل حاجبي
اني من رحت للصالون سويتله تقشير بشره
وانطوني قناعات للوجه
خليت قناع
وكعدت ابرد اضافيري واصبغها
بين ميخلص وقت القناع
احاول بكل قدرتي اسوي جو النفسي
واطلع من التوتر
واحجي ويا نفسي انتي اليوم عرسج افرحي بي واركصي
تلحكين على الشلعان القلب
شغلت اغاني اليسا رومانسيه
شلت القناع مال وجههي
كاعده اباوع على المرايا
وندكت الباب
منوو
علي : انا
ديمه : فتحت الباب
شو هذا كصني من فوك ليجوه
وضل صافن
علي شكو
علي : احم صباح الخير
ديمه : صباح النور
علي :شنو متروحين للصالون
ديمه : لا مراح اروح صديقتي راح تجي اسويلي شعري
واني امكيج نفسي
علي : ليش جان وديتج للصالون
ديمه : لا ابدال الصالون
وديني للمصور اريد اخذ كم صوره اليه بالبدله
علي :جهزي نفسج ويصير خير
ديمه : كعدت امكيج روحي على كيفي
بين متجي صديقتي لما
بعدني ممخليه الحمره وندكت الباب
طلعت صديقتي
لما : هاا عمري اجيتج عبالج اتركج بهيج يوم
ديمه : حضنتها قوي
وجودج بهذا اليوم ويايه يخفف من خوفي وقهري
لما : على شنو عيشي اليوم بكل لحضاته
تخيلي عريسج جنتل مان الي جنتي تحلمين بي
اعرف زوجج مو حلو وعنده كرش وسمين
وماينشاف
بس انتي تخيلي جنتل مان وحليوه
ديمه : انتي منو كلج هو موحلو وعنده كرش وسمين وماينشاف
لما : هذا الولد الي صعدتي عليج
ديمه : شنو اسمه
لما : كلي اسمه عزالدين
ديمه : ههههههه ولا يكعد راحه عزو
هسه تعاي سويلي شعري صارت ساعه 12
لما : يالله تعااي
ديمه : لما سوت شعري تسريحه كلش بسيطه
وخلته مفتوح على طوله
شعري طويل ماخذ كل ضهري
حبيت كلش التسريحه
لما الطرحه شكلها عدل
والتاج هم خلي عدل
لما : هاي خلصنا بقت البدله والحمره
ديمه : انطيني التلفون خلي اخابر علي
لما : تخابرين زوجج
ديمه : يي اخلي يجيبلي اكل علمود اكل شويه واخلي الحمرة
لما : تمام هاج
ديمه : دكيت على علي
بسرعه جاوب
الو
علي : نعم
ديمه : اكلك اني جوعانه ياريت اجيبلي اكل
علي : انزلي اكلي
ديمه : لا ماريد ومااكدر انزل انت جيبلي
علي : استغفرالله ماشي هسه ادز بيد وحده من البنات
ديمه : اوك
لما : اكلج زوجج من صوته مبين شاب مو عجوز
ديمه : لا عجوز
شويه ودكت الباب فتحتها لما
زينب جايبه علاليك اكل من المطعم
لفات بركر وكولا
كعدنا ناكل ونضحك اني ولما
صارت ساعه 3
كمت لبست بدلتي وخليت الحمرة
ضليت اباوع على نفسي
بعجاب
لما طالعه حلوه مو
لما : تخبلين ياعمري
صلاوات على النبي
نياله الشايب بيج
ديمه :كاعده احجي وندكت الباب
زينب : علي يكول انزلي نروح للمصور نسوان اخر وكت
ديمه : اوك
لما تعاي ويايه علمود اساعديني
وجيبي وياج هذا الوشاح علمود من اطلع اخلي عليه
لما : اوك قلبي
هاج الماسكه مال الورد
ديمه : تمام
لزمت الماسكه
ونزلت على كيف ولما شايله البدله من ورى
من نزلت كلهم كاموا يهلهلون
واباوع عليهم كلهم بعيونهم نضره الاعجاب
لكيت جدي واكف وبابا وعمو نصير
تعديتهم ورحت العمو نصير
شبكته وهو حضني
نصير : احلى البنات
ديمه : طالعه حلوة
نصير : انيال ابني بيج
ياالله واكف ينتظرج برى
ديمه : اوك
لما الوشاح
لبستني لما الوشاح
ولزمت ايد عمو وطلعني اللعلي
من شفت علي ضليت صافنه عليه
لابس قاط اسود وقميص ابيض
والشعر والعيون والاناقه
كلت بكلبي هنيالها حبيبتك بيك
نصيرو  هذا المزه ابنك
نصير : ههههههه يي ابني
ديمه : شهل جمال اذوب
اجه علي باتجاهنا
بس عيونه مابيها ايي فعل كانما شي عادي ولا عبالك عرسه
نصير : علي انت قطعه من روحي واعز ولدي واغلاهم
امانتي ديمه لان اذا انت قطعه من الروح هي الروح بحد ذاتها
علي : بعيوني
انطيني ايدج بويه
ديمه : انطيته ايدي وهي ترجف
لزمها ومشاني للسيارة ولما ويايه
صعدت بالسياره ليكدام
وهو يسوق
ولما صعدت ليوره
اخذنا الطريق كله ساكت
ولما اصفك واصور
واني اضحك على سوالفها
نزلنا يم المصور واخذنا صور
بس كل مايتقرب مني علي جسمي ينخض
رجعنا للبيت برجعتنا لكيت المزيقه
ادك بالباب
والشباب كومه
يهوسون ويركصون ويرمون طلقات
كومه شباب
دخل السيارة ونزلتي دخلني للبيت
كعدني بالاستقبال وشويه كعد يمي وراح
اجتي لما كعدت يمي
اول مكعدت كرصتني
اووي ليش كرصتيني
لما : هذا الشايب لج هو غير هوت جوكلت
لج يخبل
ديمه : شيفيد وهو يحب غيري ومجبور على الزواج من عندي
لما : تكدرين تاخذين كلبه وتخلي يحبج
ترى باعي الداير مدايرج حشى مو نسوان تكولين وكر مال حيايه
ديمه : خلي يولي
اذا مااضحكهم عليه
لما : شسوين يالخبله والله اباوع على ايده اذا يضربني راشدي انحول
ديمه : اذكرت كلامه
سار الوقت وصار موعد الزفه
اجتي عليه عمه ريحانه صعدتني
للغرفه جانت كلش حلوه واول مره ادخلها
بيها باب ثانيه الي عرفته هاي الباب الي اطل على الغرفه الي طلبتها من عنده
ريحانه : يمه عين النبي ترعاج وتحفظج
ارفعي راس ابوج واخوانج
وشيكلج علي نفذي
ماشي حبيبه
ديمه : ماشي
طلعت عمه ريحانه
ولما : سمعتي كلامها لازم تتونسين اليوم
ديمه : مراح اخلي
لما : مو بكيفج اذا ماقبلتي ادخل اني اربطج
ديمه : انتي ويايه لو وياهم
لما : ويا الهوت جوكلت
ديمه : اريد اعيط عليها وسمعت الهوسات
اني سمعتها واني جسمي كام ينخض
وبطني وجعتني
لما : خلي انزلج الطرحه
ولاسوين مشاكل بنيتي
وشمتين الحيات بيج
ديمه :خايفه اخذيني وياج
لما : يي من اشوفين الهوت جوكلت بعد يا لما يا دنيا
ديمه : ثواني ودخل علي
علي : سلام عليكم
وعليكم السلام
لما : مبروك منك المال ومنها العيال
ديربالك عليها عليك الله
ترى تخاف وجبانه لايغرك اللسانه
علي : ههه بعيوني
لما : اني راح اعوفكم
تصبحون على خير
ديمه : طلعت لما وهو تقرب مني
اني كمت وكفت
مااخليك تتقرب
علي : مراح اتقرب بس اريد اشيل الطرحه علمود اشوفين عدل
ديمه : هااي شلتها لاتتقرب مني
من شلتها هو ضل يباوع
جانت بدلتي مكشوفه الصدر والضهر
علي : من كل عقلج انتي اليوم مااخذج
ديمه : لا تاخذني بس موقبل مااخليهم يضحكون عليك
علي : هههههه والله خبله
ديمه : شو هذا نزع الستره والقميص والحذاء
ولبس دشداشه بيضه
وكف كبال المرايه خربط شعره
واخذ مسدسه وطلع وقفل الباب عليه
ثواني وكمت اسمع صوت الطلقات
ضليت صافنه عليه
ليش هيج سوى
زين اذا سألوا على بياضي شيكول
دقايق ودخل
انت ليش هيج سويت
علي : علمود ابينلج انتي مو كدي
ديمه : افرض هسه اني هسه طلعت مو بنيه
علي : مستحيل انغش ببنيه
اعرف البنيه بس اباوع عليها
وهسه خطتج فشلت ياحلوه
ولازم اخذج
ديمه : تقرب من عندي علي بس مو مثل ماجنت متمنيه
او متخيله
تقربلي واني محابته
وهو احسه مامتقبل هذا الشي
ماعرف ليش على كد مااخذني وكام
وضعي الكافر ينقهر عليه
وعلي كام يصرف بغضب
واعصاب
من شفته هيج كمت ابجي
معناها هو حس بخيانته الحبيبته
كمت على كيفي امشي
دخلت للحمام سبحت وضليت ابجي
طلعت على كيفي
شفته واكف مقابيل الشباك يباوع ويدخن
لابس بس شورت من سمع صوتي
اندار شافني لابسه البرنص
وعيوني حمره
تقرب مني
وباسني من راسي
وخلى شفته على جبيني
علي : لاتبجين يااطهرالبنات
اوعدج بعد مااتقربلج اذا مو برضاتج
ديمه : كال كلامه ودخل للحمام
واني لبست شورت عريض وكيمونه ونمت على الجربايه
من فتح الباب مال الحمام اني غمضت عيني
دقايق وهو نام هم على الجربايه
ضليت اتحرك من القلق
والتوتر
هو خلى ايده على خصري
علي : اهدئي ونامي
اني انطيتج وعد
ديمة : ضل مخلي ايده على خصري
واني دقايق ونمت
_____
وهذا البارت الثاني
لاتنسون النجمة والتعليقات الحلوه 😍