بنُت المّدينةة🕊💫

بارت التاسع

سلااام عليكم🥺❤
.
.
.
.
.
لا أُقارن نفسي بأحد حتى ولو كُنت الأسوء
‏فأنا أحب سوئي بقدر ما أحببت الحُسن فيني💎🔥

ديمة : عشت ايام الضياع
والتفكير المكثف
والعزله والهموم
مجنت متوقعه ابداً حياتي هيج يصير بيها
ولا جنت متوقعه هيج يكون عرسي
ولا متوقعه بهيج مكان اعيش او ويا رجال هيج
علي عبارة عن كتله من الغموض والحيره
رغم غموضه لكن نفذ متطلباتي و وفه بوعده
خلاني اداوم امتحن
وطلع عمال يبنون الغرفه
وكلهم حايرين بالعرس
لان هذا عرس علي
كلهم فرحانين وحايرين شلبسون لو شيسون
لو منو يعزمون
اما اني كاعده بالغرفه انتظر مصيري
انتظر شوكت اخلص من هاي الايام
بقى اسبوع على يوم العرس
كاعده بغرفتي وقافله الباب
سمعت صوت الباب يندك
منو
علي : انا علي
ديمه : كمت فتحت الباب
تعال ادخل
علي : شلونج
ديمه : تمام وانت
علي : من الله زين
هاي الغرفه كملت مخلينه بيها شي
علمود انتي تخلين الاغراض الي تريديها
وغرفه النوم اليوم راح يجون العمال يفكون غرفتي
ويجيبون وياهم كتلوك اشوفين الغرفه الي تعجبج
وهسه اذا ماعندج شي بدلي علمود اخذج اجهزين نفسج
ديمه : صافنه عليه هو ليش كل هذا كاعد يسووي
مو جان رافض الزواج مني
ممكن اسألك سؤال
علي : تفضلي
ديمه : ليش كاعد اسوي كل هذا
علي : لان انتي عروس حتى وان كان هذا العرس غصب عنج
بس لازم كل تفاصيل العرس تكون جاهزه
ديمه : انت مو جنت رافض الزواج مني
علي : بطلي تسألين بدلي وانزلي انا راح انتظرج
ديمه : طلع وعافتي
واني سمعت كلامه غيرت ملابسي لبست بنطرون جنز
اسود وفوكا قميص سمائي
نزلت
لكيت علي كاعد بالهول يحجي ويا بابا وجدو
ديمه : علي اني جاهزه
الشيخ رسن : اول شي كولي السلام عليكم
سلمي علينا
ديمه: علي اني طالعه برى انتظرك يم السياره
بيداء : وليدي وين رايحين
علي : يمه ماخذ ديمه اجهز نفسها
بيداء : جا متاخذنا انا وامها وخواتك
علي : ديمه متريد احد
بيداء : شنوو متريد احد وليدي الجبير شلون مااجهز مريته بيدي
علي : يمه مو سالفه جبيره
بيداء : لااا سالفه جبيره من هسه كامت تخوط بشاربك
علي : استغفرالله
امشي بنيتي خلي اخذج لان اذا نضل هنا يصير العرس وانتي ممجهزه روحج
ديمه : طلعت ورى علي امشي
صعدنا بالسيارة والهدوء جان سيد الموقف
ماعرف وين ماخذني او اني ششتري
لو شنو احتاج علمود اجهز روحي
علي
علي: ها يابه
ديمه : احم اني ماعرف ششتري لو شلون اجهز روحي
علي : عود صدك
ديمه : يي والله
الي اعرفه يشترون ملابس
واغراض
علي : راح اوديج المجمع حلو مال صديقي
بي كل شي الي تريدي
ونشتري الي يعجبج
ديمه : صدك علي اخذني المجمع جان كلش جبير وكلش حلو
واصدقائه كلهم رحبوا بي واباوع عليهم يتفدوا تفدي
علي : محسن اريد جهاز مال عروس
بس احلى جهاز
محسن : يدلل علينه ابو نسر
ديمه :طلعولي احلى المديلات للملابس
تراكات وبرمودات ودشاديش
اخذت كم وحده
علي : اخذي بعد
ديمه : هواي هذني
علي : الموديلات حلوه
اخذيلج الالوان الي تحبيهن
ديمه : اخذت الالوان الي احبها
محسن : هسه اخذك يم مازن الكوزمتك بي كل شي
ديمه : اخذنا للكوزمتك
اخذك معطرات جسم ومكياج وغسولات
الحلو جانت بنيه تشتغل بالكوزمتك
ومن عرفت بيه عروسه
طلعتلي ملابس داخليه وسيتات نوم
اني خجلت لان علي موجود
هو حس بيه وطلع
اختاريت كم سيت لان اني وهو نعرف شنو زواجنه
خلصت من الكوزمتك
علي خلصت
علي : تمام
هسه نروح نشتري بدلات
ديمه : بدله وحده اريد
علي : ليش
ديمه : مااريد اسوي حنه
ااريد بس عرس
علي : ليش متريدين اسوين حنه
ديمه: احسن
علي : على راحتج
ديمه : طلعنه السنتر بي بدلات
ردت ائجر بدله بس علي مقبل
كال لا اشتريها
اشتريت البدله يمكن هاي السالفه الوحيده الي حبيتها
البدله جانت مثل مااريد واحب
وعلي مامنعني رغم هي مو مستوره بس كلي اذا عجبنج اخذيها واشترة وياها الغطا الي يصير على شكل كبوس
علي تعبت كلش
علي : اوك خلي اخذج المطعم ناكل بي شنو رئيج
ديمه : ياريت معاجبني اكل وياهم
علي : ماشي
ديمه : رحنا للمطعم علي نزل مندي
واني بيتزا
علي مو ثكيل على معدتك المندي باليل
علي : ههههه متعود
هسه بقى الصالون ونخلص مو
ديمه : يي الصالون بقى
بس اريد اروح للبصرة
علي : ليش
ديمه : اهلي اكيد مراح يرجعون غير ورى العرس
واني اريد اروح هسه
علمود اجهز غراضي الي بيتنا
واسوي شعري هناك ويا صديقاتي
علي : لازم باجر تروحين
ديمه : نطلع الفجر
علي : اشوف مناف
ديمه : ماريد احد غيرك
علي : ماشي باجر اني اخذج ونروح للبصرة
نبات هناك يومين
ديمه : اخاف ميقبلون
علي : منو
ديمه : اهلي واهلك
علي : انتي مرتي هسه بالشرع وبالقانون
واتمنى يحجون
ديمه :اوك لعد باجر نطلع

وصدك مثل متوقعت مقبلون نروح سويه للبصرة
بس علي عصب وكام يعيط
وكللهم هي مرتي
وانتو متخافون عليها بكدي
ولا سمعتها راح تأثر عليكم مثل متأثر عليه
واذا متوافقون هسه اطلكها
واخذ غراضي وبعد مشوفوني
جدي من سمع كلام علي سكت
لان يعرف علي يسويها
وجدي روحه بعلي اذا علي غاب على البيت يوم واحد جدي يتمرض
طلعنا الفجر للبصرة
والطريق كله اني ابجي
اذكر شلون راح افارك مكاني واهلي رغم قساوتهم وصديقاتي
والمعهد
قابل من وصلت للبيت فرفحت من البجي
الم بااغراضي وابجي
اخذت ملابسي كلهن
واخذت كتبي
ومكياجي
اخذت اللوحات الي رسمتهن
صارتلج 5 جنط ماعدى اللوحات
علي نام بالاستقبال واني نمت بغرفتي
اسولف ويا غرفتي
واكللها راح اودعج بعد ماارجعلج
بعد ماانام بيج ولا تشهدين فرحي وحزني
مراح انزل من عندج واني لابسه بدله العرس
من كثر معاتبت غرفتي واهلي وحياتي
نمت
وكعدت على صوت المنبه
غسلت ونزلت
لكيت علي كاعد بالمطبخ يدخن
صباح الخير
علي : صباح النور
ديمه :تاكل
علي : لا ماريد
اكلي انتي علمود نروح للصالون
ديمه : تمام
سويت اكل اليه
غسلت وبدلت
وطلعنه اتفقت ويا صديقتي نتلاكه بالصالون
اجتي وعلي كال عندي شغله
من تخلصين خابريني
واني صبغت شعري
وسويت جسمي
وبديكير ومنكير
طلعت لوز
بس ابد مابيه بهجه عروس
كل مااذكر سالفه زواجي انقهر ودموعي تنزل
خابرت على علي اجه اخذني
وهو كل شويه صافن بوجهي
ثاني يوم رجعنا للعمارة
والوجوه كلها مكلوبه
اني ماهتميت اخذت اغراضي وصعدت فوك
وسمعت اعياط عمه بيداء ويا علي
على مسويتك مثل المطي
وهو يعيط
يكللها مو ردتيني ازوج هااي راح ازوج بعد شتريدين
اني من تعب الطريق
خليت راسي ونمت
عسى نارهم تاكل حطبهم
______
لاتنسون النجمه والتعليقات الحلوة