بنُت المّدينةة🕊💫

بارت13

سلاامي عليكم🕊🤒🍒
.
.
.
.
الليلهَ كلّش مـُوش زينَ،
للصبّح مثل المسـُودن آنا صُاحي !
وكـٰاظ شباجـّي
وآدوّر طيفهُ وين ؟

!!!!!!!!!!!!!!!!!!!!!!!!!!!!
ديمة : كعدت الصبح لكيت روحي نايمه وحيدي على الجربايه
وعلي نفس عادته واكف مقابيل الشباك ويدخن
ضليت اباوع عليه
واحجي بكلبي
شكد حلو انت بس لو بضروف غير هاي
لو انت مو من هذا البيت
لو مو من هاي المحافظه
لو مثلاً انت واضح يمكن جان حبيتك
ماحسيت عليه من يباوع عليه
علي : مضيعه شي بوجهي وهيج تباوعين
ديمه : لالالا بس صفنت
علي : على شنو صفنتي
ديمه : على وضعي
علي : اها اني راح اطلع
وانتي انزلي ويا اهلي
لان اهلج رجعوا للبصرة من الفجر
ديمه: من كال اهلج رجعوا بسرعه دمعتي نزلت
علي : ليش تبجين ياابويه
ديمه : راحوا حتى من دون ميودعوني
عافوني وراحوا
علي : وين عايفيج بنيتي
ترى انتي صرتي بنيه مزوجه
كومي شو انطيني ايدج
شكد تحبين تبجين
يالله ادخلي اسبحي وبدلي وانزلي
واني راح اطلع
ديمه : وكفني يم باب الحمام
وباسني من راسي وطلع
دخلت سبحت وبدلت وخليت شويه ميكاج
ونزلت
شفتهم كلهم موجودين
صباح الخير
الكل صباح النور
ديمه : عيوني ادور على علي
مثل الي تعودت عليه
او ماعندي احد هنا اعرفه غيره
حتى عمو نصير مجان موجود
حسيت واحد باسني من راسي
من ورايه
انداريت
شفت عمو نصير
عموو
نصير : عيونه العمج
تعاي اكلي ويايه
ديمه : ليش لحد الان مااكلت
نصير : جنت انتظرج
ياالله تعاي
ديمه : كعدنا ناكل اني وعمو ونسولف ونضحك
عمو طبعه سبورتي وشاوجي
واني احب سوالفه كلش
من خلصنا اكل
عمو وجدو راحوا للمضيف
ومناف وقاسم راحو للشغل
وعزالدين منعرف وينه على كلام عمو طالع يسترزق طلايب
بقى البيت بي بس النسوان
وهنا بدوا يحدون سنونهم عليه
بيداء : كومي ست الحسن ويايه علمود تغسلين ماعين
ديمه : تفاجئت بيها لان اني بعدني عروسه
وزوجه قاسم للسبعه مالتها ياالله بدت تشتغل
بس اني كلت عادي خلي اغسل ماعين شنو بيها
كمت امشي وراها
طبينه للمطبخ شو ماكو ماعين
شو هاي طلعت للحديقه الخلفيه واني امشي وراها
ونصدمت بالمنظر الي شفته
طلعن منااسف الي اكلوا بيها البارحه بالعرس
لاتكوليلي هاي اني اغسلهن
بيداء : وليش ماتغسليهن ناقصج ايد رجل
ديمه : مستحيل اغسلهن وحيدي
شوفي شكد هاي يرادلهن اقل شي 3 ساعات
بيداء : عسى ما 3 ايام انتي تغسليهن
ديمه : اوك راح اصعد ابدل وانزل اغسلهن
بيداء : ماشي عيني انتظرج
ديمه: صعدت فوك غيرت ملابسي
وضليت افكر والله هواي وشيغسلهن
لكيت روحي اخابر على عزالدين
الو
عزالدين :صباح العرايس كللللليش
ديمه : عليك الله انت وين
عزالدين : شبيج منو وياج
ديمه :باع تعال للحديقه الخلفيه بسرعه الله عليج
عزالدين : هلا بالطلايب هلا جاااي مااتاخر
ديمه : نزلت وهنا كاعدات يتمضحكن عليه انوب عليه حتى زوجه قاسم
طلعت وضليت اغسل بكم واحد
عزالدين: لج هاي شنو
ديمه : هههههههه صباحيه عرسي عيني
عزالدين : منوو كلج اغسليهن كومه بنات غيرج يغسلنهن انتي عروسه
ديمه : خاله بيداء هي الي كالتلي
عزالدين : استغفر الله اشوفها البارحه ماخلت الشباب يغسلوهن
ديمه : علمود اسويلي سبرايسز من الصبح
تعال ساعدني عليك الله
عزالدين : يي راح اساعدج لان هذني شيخلصهن والله امي ضالمه
ديمه : عزالدين جان لابس بنطرون وبدي
نزع البدي ضل بالكيمونه
وكف البنطرون
وكال شويه وجايج
يمكن عمو وعزالدين وجودهم بهذا البيت يخفف عليه ويخلوني اضحك
شويه وسمعت صوت اغاني
لكيت عزالدين جايب ديجي صغير ومشغل بي اغاني ويمشي ويركص
خربني ضحك
عزالدين : والله ورخصت ياتفاح
عزو طلايب صار عزو عجرم
ديمه : ههههههههههه بس نانسي عجرم غسلت ملابس مو مناسف
عزالدين : كلها نفس الشي
ديمه : كعدت اني اغسل المناسف وهو يخضهن
والله ايديه كمت ماااحس بيها والمناسف كبار وثكال
واريدهن يخلصن ماايخلصن
انوب دشداشتي اطرافها تنكعدت وبطني كامت توجعني لان جان شهر ال12 بي بروده
عزالدين : يعني والله امي لو تريد تنتقم من وحده مو هيج تعاقبها
هاي عود هاي اني وياج وصارلنا ساعه وبعدهن ماخلصن
لو وحيدج جان اصار
ديمه : جان اني والفجر ادخل للبيت
عزالدين : لا حبيبتي هذا اذا اجه علي وشافج بهاي الحاله يكلب البيت عليهم
انتي عبالج الفيلق الجوه مشافوني اغسل وياج
لا شافوني يريدوج تخلصين بسرعه قبل ميجي علي
ديمه : هههه واذا اجه علي مراح يصير شي
عزالدين : غلطانه ام الديم بعدج متعرفين علي
ترى الجوة حتى امي تخاف من علي
ديمه : عزو ترى علي ميحبني علمود يكلب الدنيا الخاطري
هو يحب وحده وزواجنا شكلي انت ليش مكاعد تفهم
عزالدين : رغم اني ممقتنع بسالفه علي يحب
بس حتى لو انتي تبقين زوجته مستحيل يقبل بواحد يأذيج
واني بنطروني تنكع اروح اغيره واجي
ديمه : راح عزالدين ودقايق واجه خطيه يركض
جان لابس شورت رياضي قصير
وشعره مخربط يخرب ضحك شكله
كعدنا نسمع اغاني ونشتغل
فاتت ساعه ثانيه واحنا بدينه نخلصهن
ساعتين ونص ياالله خلصناهن
وكام عزالدين يركص من خلصناهن
ويرش بالمي
لك باارده
عزالدين : هسه لو بيدي اجيب مزيقه
كومي خلي نكمزز
ديمه : لك مابيه حيل
عزالدين : كوومي
ديمه : كومني عزالدين
وبدينه نكمز اني ويا
وهو يرش مي
لك اذا تمرضت اكلب وجهك
عزالدين : اكثر من هااي
جيبي ايدج خلي افرج
ديمه : هاااك يالله
كمنا نفتر سويه مثل الجهال
علي : خلصتوا
ديمه : وكفنا اني وعزالدين عن التفرفر
بس اني صارت بيه دوخه
فلزمت عزالدين من ايده
وهو لزمني من جتفي ويضحك
عزالدين : هههههههههه صارت بيج دوخه
ديمه : هههههه يي
علي : تعاي جيبي ايدج
ديمه : اوكف علي خلي تروح الدوخه
علي : زعطوطه وتلعبين
عزالدين : مجنه نلعب
علي : چا شنو جنتوا اسوون
ديمه : راد عزالدين يحجي واني ماخليته
جنه نكمز
علي: جهال
امشي ملابسج كلها منكعه مي وطابكات على جسمج
هسه تتمرضين
وانت بعد لاتلبس هيج ملابس بالبيت
عزالدين : ليش قابل مصلخ
علي : قبل مجان اكو احد بالبيت
بس هسه صاروا بنات بالبيت
مرتي ومرت قاسم
ياالله اصعدي غيري ملابسج
ديمه : دخلت للبيت
بيداء : واخيراً خلصتي ست الحسن
علي : شخلصت
ديمه : تقصد خلصت لعب
علي : استغفرالله اصعدي ابويه غيري ملابسج
بيداء : خايف عليها بعد امك
علي : يوم شخايف متكليلي واكفه بطولها وملابسها منكعه ولاطشه على جسمها
تبقى واكفه هناا علمود ترتاحين
وانتي اصعدي فوووك
ديمه : صعدت ارركض على الدرج
وسمعت عيطه علي
علي : لاااتوكعين على كيفج بنتي
ديمه : دخلت للغرفه سبحت بالمي الحار علمود ادفي جسمي
وغيرت ملابسي
وتمددت على الجربايه
يمه جسمي
الله لاينطيج العافيه بيداء
ايديه وجسمي ماحس بيهم
يمه اخخخخخ
علي : شكو تكولين اخخخ شبيج
ديمه : يمه جسمي متكسر تكسر
كون هيج اروح للحمام المغربي ارخي جسمي
وراها يسوولي جلسه مساج اويلي يمه
لالالا متفيد ويايه لا المساج ولا الحمام المغربي
على هذا التعب كون
واحد يشيلني ويركعني بالكاع علمود جسمي يطكطك
اخخخخ يمه والله يوجعني جسمي
علي: استغفرالله تريدين اركعج بالكاع
ديمه :يمه وانت مصدك واحد يكلك علمود تركعني
علي : غير انتي طالعه تلعبين بالمي
متخافين تتمرضين
ديمه : خليني ساكته احسن
واطلع برى الغرفه اريد انام شويه
علي : ترى هاي غرفتي
ديمه : قصدك غرفتنا
ولاتحجي اريد انام
علي : واني هم اريد انام
ديمه : نام احد لازمك
نمت ولفيت البطانيه كلها عليه لان جسمي بارد
يمه الدفو يمه اويلي شلون دفوو
علي : كون الله يعقلج
ديمه : عليك الله كوم جيب بطانيه ثانيه وغطيني
علي : مكافي عليج هاي طالعه جنج دولمه وملفوفه
ديمه : لا مكافي عليك الله كوم اريد دفوو
علي : ماكوم مابيه
ديمه : ترى اندمك اذا متكوم
علي : شسوين
ديمه : والله اندمك كوم جيبلي بطانيه واستر على روحك
علي : لا اشوو مااجيب اريد اشوف شسويين
ديمه : يعني مجيبلي بطانيه
علي : لا مااجيب
ديمه : بكيفك
فكيت روحي من البطانيه ونمت بحضنه وغطيت روحي
مااجنت مفكره بغير تفكير ولا جان بعقلي اكو اي فكره سواء اريد بس اتحدى
واكسر العناد مالته هذا الي جنت مفكره بي
بس الي صار خلاني استغرب
قربي من عنده
جسمه كله اشنج ودكات كلبه صارت مسموعه كثر ماقويه
والنفس مالته صار واضح ومسموع
من صار كل هذا بي
شلون الي نصابني نوع من الرضا بالنفس
وزياده بالغرور
هو ضل ساكت بس محاضني
واني ردت ارضي نفسي وواأكد روحي انو اكدر على علي
حجيت هيج
ترى بعدني مدفيانه حضنك ابد مو دافي
كمت من حضنه
علي : وين رايحه
ديمه : اجيب بطانيه ثانيه لان انت مدفي
علي : تعاي
ديمه : ماريد شكراً
علي : جربي مره ثانيه
ديمه : ماريد هاي جبت بطانيه
فتحت البطانيه من جنطتها وفرشتها
وتمدد وغطيت نفسي
بس هل مره تقصدت احجي هيج
افييششش هسه ياالله ادفيت
مو مثل هذاكمه الناس
هو بسرعه كام من الجربايه يدور على شي
على شنو ادور
علي : باكيت الجكاير وين
ديمه : هذاك على الميز مشفته
علي : لا مشفته
ديمه : اخذ جكاره وراح المكانه المعتاد
فتح الشباك وكام يدخن
وجكارة ورى جكارة
واني من كثر ماباوعت عليه واحس بحساس النصر
نمت برضا
______
لاتنسون النجمة والتعليقات الحلوة