مرحبا حبايبي ❤️
من أحن شلون بيّة ؟
وآنه وجه وگفه بروحي النرجسيه .
ديمه : حجيت الجدو كل شي وارتاحت نفسيتي
الشيخ رسن : اسمعي جدي على هذا كلامج
يطبه طب علي
سواء سامحج او لا
صح انتي غلطتي
بس غلطج ناتج عن اسأتهن الج
انتي الي سويتي هو ترجيع حقج بطريقه ذكيه
ومو خبيثه
شنو يعني انكتلت زهراء تستاهل هاي لو انتي جايه كايلتلي جان ذبحتلج يااها
وشنو يعني احتركت زينب طبها طب وعرج ومرض خباثتها هي الي خلت نصير يشمر الكلاص عليها
ووداد انطردت من البيت سوء اعمالها خلاها تزوج واحد عربانه
انتي غلطتي بشغله وحده
ديمه :شنو
الشيخ رسن :ماااخليتيني اني بالصوره وفهمتيني كل الي كاعد يصير
ديمه : جدو خفت مصدكوني
الشيخ رسن : شنو ماصدكوني هااي انتي هسه كلتيلي كل شي وصدكتج بدون دليل
جدي تعلمي الثقه مو للكل تنطي
اعرفي المن تنطيها
واني واثق بيج وبكل كلمه تكوليها بدون مااطلب دليل
وانتي هم اوثقي بيه بدون كل تردد
ديمه :زين جدي وعلي شلون
الشيخ رسن :هذا المطي شايفج ميته عليه كام يعزز بروحه
ديمه :بس اني احبه
الشيخ رسن : جديتج زهرة قبل جنت اهواها
احسها تمشي بنص دمي
ردت بس منها وليد تمنيت ابوج امنيه من ربي
ودعيت وصليت
وردتها بس تهواني ولو ذره من حبي الها
بس هي جانت تعاملني بقسوة
وتكتل كل طفل تحبل بي مني
لحد ماا كلت كرامتي واني مكاعد اغلط بحقها
وطلبتها مريتي
جافيتها وبعدت عنها
خليتها تشتاقلي
خليتها تحبني بس من بعيد
لحد مااشوقها وهيامها جابها اليه
وانتي هم سوي هيج
ابعدي عن علي
واذا يحبج صدك راح يجيبه حبه واشتياقه
ديمه : شلون ابعد جدو واني مرته
الشيخ رسن :ههههه انتي عليمن طالعه ولا عبالك حفيده الشيخ رسن
ديمه : هههه حباب جدو علمني عليك الله
الشيخ رسن :ننزل للدكتوره انشوف وضعج وبعدين اكلج شسوين
ديمه : جدو اني احبك
الشيخ رسن : ههههههه مو اني الظالم ليش تحبيني
ديمه : اروح فدوه للظالم
نزلنا اني وجدي للدكتوره
وجان اسمي اول شي
دخلت واخذتلي الدكتوره سونار وتحاليل
الدكتوره : حبيبتي وضعج تمام وصارلج شهرين حامل
وبعد ايام تدخلين بالثالث
راح اكتبلج مثبتات وفيتامينات
ديمه : يعني صحه الطفل زينه
الدكتوره :يي لاتخافين
واكو شي بس خلي يتعدى الشهر الثالث ونتأكد اكثر
ديمه : خاف بي شي ابني
الدكتوره : شكلج متلهفه عليه
ديمه : كلش اريد بس اشوفه
الدكتوره : انشاالله اشوفي وتزوجي او ازوجيها
ديمه :امين يارب
طلعت من الدكتوره وشفت جدو كام اجه عليها
الشيخ رسن : هاا بشري
ديمه : كلشي تمام جدو وكالت راح تدخلين بالشهر الثالث
ولازم اخذت هذني المثبتات والفيتامينات
الشيخ رسن : الحمدلله والشكر
امشي نروح انجيب الدوة
ديمه : طلعنا جبنه الدوة ورحنا للمطعم يم عزالدين
جدو دفع الحساب ورجعنا للسيارة
الشيخ رسن : اسمعوني
محد راح يعرف انتي حامل غيرنا
ديمه : حتى علي
الشيخ رسن : ييي حتى علي
محد راح يعرف
واذا سمعت واحد غيرنا يعرف
اطيحلكم حظكم
عزالدين : بس علي لازم يعرف جدي هذا من حقه
الشيخ رسن :نعال عليك وعلى حقه
كلتلك مراح يعرف
واذا سأل شبيها نكوله معدتها متأذايه وعدها فقر دم
عزالدين: بس ليش متقبل نكول
الشيخ رسن : لا اخوك المطي يستاهل من يشوفها صارلها شهر مريضه
ميكللها شبيج وخلي اوديج للطبيب يشوفج
امشي نطمن عليج
ليش مكاعده تاكلين
موو عايفها حالها حال الخدامه بالبيت
وعباله محد وراها
والله اكسرله ظهره واكعده بالبيت
طايح الحظ
مرته صارلها حامل شهرين ونص وهو ميعرف
ومن يصير شي على الطفل يطلع السانه مترتين ابن المصموط
عزالدين : راح تعاقبه اقسى العقاب هيج
الشيخ رسن : وطبه عررج
من يهتم بمرته عود يدلل نحجي ونكول
هاي الفتره راح تطلب عنايه
خلي اشوف راح يدير باله عليها
لو يعوفها لحد مجيب ويتفاجئ
ديمه : جدو معقوله مااكله لحد مااجيب
الشيخ رسن : اذا ضل مطي ييي مراح تكوليله
وممعقوله حتى لو مطي هم راح ينتبه
ديمه : كلام جدو وعصبيته ولدوا عندي نوع من الفرح والقوة
وكومه اشياء خطرت على بالي
والاهم من كل شي لازم اهتم بنفسي علمود ابني
مااريد ينجوي كلبي مرة ثانيه
وصلنا للبيت
وجدو لزم ايدي وكمنا نمشي اني ويا
دخلنا للبيت كلهم كاعدين
علي : شفتها دخلت وجدي لازم ايديها
وتمشي على كيف
خفت عليها كلبي وجعني
هااا جدي شبيها ديمه
الشيخ رسن : مابيها غير العافيه يارب
بس معدتها متأذايه وعدها فقر دم
علي : ليش تلفوناتكم مغلقه
الشيخ رسن: اني كتلهم اغلقوا التلفونات
علي : جدي يحجي ويايه بثكل وميباوع حتى عليه
الشيخ رسن : اسمعوني زين
كلكم مووجودين
ديمه بعد متشتغل ومشيل ورقه من الكاع
واكلها يوصل لحد يمها الغرفتها
واني راح اتكفل بااكلها وشربها ودواها
واذا سمعت مضوجيها اطردكم كلكم من البيت
واجيب وحده تخدمها
حذرتكم اني
وانت قاسم المطي تروح ترجع مرتك
وتعلمها الصح والغلط وطيحلها حظها
واذا متريدها روح طلكها ونفتك
علي : جدي عرفك من قاسم هسه
شنو معنى كلامك انت تتكفل بكل مصاريف ديمه
شنو مزوجه رجال لو مطي
الشيخ رسن : لا والله لو مزوجها المطي هم احسن
ولاتناقشني
ديمه اكلها وشربها ودواها وشتحتاج اني انكفل بيها
وانت لاتدخل بيها ابداً
واذا تريد روح ازوج غيرها
ديمه : جدي كال روح ازوج غيرها واني ردت اعيط
كلبي راد يوكف
شنوو علي يزوج غيري غير اتخبل
ردت احجي وجدي باوع عليه مثل الي حس بيه بس
نظرته جانت تكلي اسكتي
علي : جدي ترى ديمه مرتي
الشيخ رسن : ييي وجع افتهمت مرتك خبصتني
زهرةً : رسن شبلاك ويا الوليد خلي هو ومرته ليش تدخل بيناتهم
الشيخ رسن : لاااا تدخلين زهرة
وانتي ديمه اصعدي الغرفتج ارتاحي
وراح ادز معلاك يشويلج يا عزالدين
عزالدين : جنت حاس اكوً شي صاير
واني ديمه كلش احبها احسها بريئه
فساريت جدي بالي كاعد يسوي
ييي جدي تدلل ام الديم اشويلها معاليك كلبي
ديمه : ههههههه تسلملي ابو العز
علي : متت قهر من طريقه الكلام بينها وبين عزالدين
انجب واسكت طايح الحظ
الشيخ رسن :والله ماكو غيرك طايح حظ
هاك جدي روح جيبلها معلاك شوي
واشتريلها فاكهه وعصاير وحليب ونساتل
وصعدها الثلاجتها
وانتي بنيتي اصعدي على كيف ارتاحي
ديمه : فرحت بكلام جدي
والي فرحني اكثر علي كام يطلع دخان
عزه راح يحركناا يمه
صعدت على كيف الغرفتي
وكفت مقابيل المرايا
اشوف بطني
ربي احفظه اليه بحق نبيك محمد
نزعت العبايه
ودخل العصار
اني اغير ملابسي وهو يفتر
يريد بس حجه يتعارك لو يحجي
واني موته من القهر
مااردت تعب جدي يروح على الخالي بلاش
حظرت ملابسي ودخلت سبحت
وكمت اغني بالحمام
نفسيتي كلش ارتاحت
طلعت لكيته واكف وعيونه تخوف
يمه هنا رصاصيات على خصر والبياض كالب احمر
كلت راح انكتل
مشيت من يمه بهدوء وكعدت مقابيل المرايا امشط شعري
وهو يحترك حرك
بالاخير
نطق الجوهره
علي : اني احترك حرك وهي ولا مهتمه دخلت سبحت وتغني بالحمام
وطلعت تمشي بهدوء
واني بركان ويفور بداخلي
بالاخير ماتحملت
لازم احجي اذا مااحجي اطك
ليييش جدي هييييج حجه
ديمه : عفواً تحجي ويايه
علي : محد غيرج بالغرفه ترى
ديمه : مااعرف عبالي تحجي بالتلفون
لان انت متحجي ويايه فتفاجئت
علي : عصبني كلامها وطريقه حجيها
هسسسه عوفج من هذا الكلام ليشش جدي هيج حجه
ديمه : بعد كلبي جدو شافني تعبانه ومريضه
وتخربطت اخذني للدكتور
ومن كله الدكتور احتاج اكل وتغذيه
كال اني بعد انكفل بااكلج وشربج
لان وجهج صاير اصفر
سوده عليه حبيبي جدو حس بيه
علي: اذا انتي جوعانه ويحتاجلج اكل لييش متكوليلي اجيبلج
ديمه: بس اني مااكلت الجدو هو من وحيده حس بيه
بعد روحي جدو
لو شوفه شلون تخبل هو وعزالدين من تخربطت
صدك الانسان من يوكع ياالله يعرف معزته
علي : نعال عليهم
ديمه : ماااسمحلك تحجي على جدو حبيبي
علي : كااااافي حبيبي وحبيبي
ديمه : انت مو متحجي ويايه يااالله اطلع برى الغرفه وسد الباب وراك
ولاتجي بعد
روح نام باااي مكان غير هنااا
علي : تررى هاااي غرفتي
ديمه : بس لاتنسى انت اربع ايام متبات بيها
وشهرين ونص انت كل يوم تطلع الفجر متدخللها غير توالي الليل
شمعنااا اليوم مجلب بيها
اطلع يالله اريد ارتاح
لا اصيح عليج جدوو
علي : شنووو تهدديني بجدج
ترى ماااخاف بس من الي خلقني
ديمه : سوري استاذ علي
مامهددتك بس اريد ارتاح
تعبني وازعجني صوتك
يمه اني كلت هيج اكو مزهريه على ميز المرايا
ركعها بالكاع وطلع من الغرفه
وهطر الباب ورى
يمه والله من الفزه كلت راح اطرح
بس يستاااهل
انت البديت يااستاذ علي والبادي اظلم
______
شهل اجرام وحرك الاعصاب
لاتنسون النجمه والتعليقات الحلوه حبايبي 😍❤️
أنت تقرأ
بنُت المّدينةة🕊💫
Misteri / Thrillerبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
