بنُت المّدينةة🕊💫

بارت11

سلاامي🥺❤
.
.
.
ديمه : ضليت طول الليل افكر شلون بيوم العرس اخليهم يضحكون على علي
وكل مااذكر كلامه ويا حبيبته
وضربه اليه
احقد عليه بزياده
ولو عليه احرك البيت بالي بي
واولهم هو
ضليت للصبح واني كاعده وهاي عود اني لازم اليوم الحنه مالتي
كلش حزت بخاطري هيج راح ازوج
بالاخير تعبت من التفكير والقهر والبجي
رحت للحمام سبحت
وبدلت
لبست بنطرون جنز وبدي اسود
وشمرت الشال اخذت جنطتي ونزلت
شفتهم كلهم كاعدين يتريكون
ماسلمت عليهم
عزالدين ممكن تجي احجي وياك
عزالدين : يي هاي كمت
ديمه : باوع عليهم علي مارفع راسه من الاكل
والبنات وعمه بيداء مبين الحقد وعدم رضاهم على لبسي
لان يمهم ممنوع البنيه تطلع اذا متلبس عبايه
اما جدي ضل يباوع هو وبابا يريدون يعرفون اني شريد من عزالدين
اكلك عزالدين ممكن تاخذني المطعم اريد اروح اتريك بالمطعم
عزالدين : يي مابيها شي بس تطلعين هيج
ديمه: يي لان كلش مخنوكه
عزالدين : يي تمام هسه بس اجيب السويج من الغرفه واجي ديمه : واني تلكاني برى
صعد عزالدين
واني طلعت للحديقه
اتمشا على كيفي
والعب بالتلفون
علي : وين رايحه
ديمه : شغله متخصك
علي : شكلج نسيتي انتي مرتي وعلى ذمتي
ديمه : لا منسيت وهاي كدامك راح اروح للمحكمه اقدم طلب طلاك منك
من كلتله هيج مجنت صادقه بكلامي ردت بس اشوف رد فعله
وجان رد فعله كلش مستفز
انتجه على السيارة وحضن ايده
علي :يي وبعدين
ديمه : اطلك منك واسافر يم خالي
حتى اهلي ماريدهم
علي : ومنو يخليج تطلكين عمي محمد لو جدي
لو اني
ديمه : هسه جدي وبابا اعرف ليش ميقبلون
بس انت شكو
روح ازوج حبيبتك وعوفني
علي : من كل عقلج انتي لو تشاقين
البارحه الراشديات ماصحنج لو كلبن عقلج بزياده
ديمه : اندمك على هذني الراشديات
علي : يي باجر بالليل تاخذين اكثر منهن
ديمه : كال هاذا الكلام وعافني وراح
كلش صعب هذا الاحساس
من البنيه تحس هي راح تزوج واحد وجودها وعدم وجودها مايفرق ويا
وماامهتم حتى المشاعرها
جنت اتمنى من اكول العلي اني راح اطلب الطلاك
شويه يعصب لو يجبرني مااطلع
او اشوف بعيونه فد حزن على قراري
يمكن من كلت العلي يهذاك الوقت على طلب الطلاك
جنت ارضي غروري ونفسي
او اقنع روحي بهذا الزواج
واوخر حاجز الخوف من باجر
بس بالمقابل هو خوفني بزياده
ومن كلامه يدل على عنده استعداد يضربني علمود مايحجون عليه الشباب بيوم العرس
هذا كلامه خلاني بدوامه اقوى شلون راح اخليهم يضحكون عليه وهو عنده استعداد يضربني
صحاني من صفنتي وتفكيري عز الدين
عزالدين : لاتتحدين علي اخذيها نصيحه مني
ديمه : ليش
عزالدين : اصعدي بالسياره عود بالمطعم اسولفلج ليش
ديمه : صعدت بالسيارة ويا عزو
والطريق كله صافنه وعزو مشغل اغاني
وصلنا المكان كلش حلو
مطعم بس كله حديقه وبراكين مال مي
كعدت وعزالدين كهوة
هسه ماكلتلي ليش مااتحدى
عزالدين : لان راح تخسرين
ديمه : ليش
عزالدين : علي عقليته مو مثلنا ولا تعرفين هو بشنويفكر
احنا رغم ماانتي اشوفين حياتنه صعبه
بس البعض عقليتهم مفضوحه
وعايشين بالفطره
بس علي يختلف جذرياً عنه وهذا الدليل الي يخلي ابويه وجدي
يتفدوا العلي
ديمه :راح احجيلك الي بعقلي لان راح اتخبل
عزالدين : احجي
ديمه : اني اريد اخلي الكل يضحك على علي
عزالدين: شلون
ديمه : تذكر بعرس قاسم شلون الكل وكف باب غرفه قاسم
عزالدين : لاتكملين
انتي من كل عقلج تريدين اسوين هيج
ديمه : ييي اخليهم يضحكون عليه
عزالدين : هههههه لج كلشي سوي الا هاي السالفه
ترى علي مو هين
واخذيها نصيحه مني اذا تريدين تعيشين وياهم ويخلوج ملكه لازم تكسبين علي
لازم تخلي هوو السيف الي تحاربين بي
لان محد يكدر يحجي وياا
هذا جدي لاعبالج سالفه زواجج علي انغصب بيها
لو مايريد لو مو العشيره لو مو يطرده
ماايقبل
لان علي اذا عاندتي ويا يعاند اكثر
والواضح من كلامج علي كاعد يعاندج ومخليج هيج تفكرين اسوين
ديمه : يي ضربتي البارحه
عزالدين : اكيد لعبتي طوبه بي الي خلى يضربج
لان هو ميضرب احد اذا مجاوز كل الحدود
ديمه :ماعرف شسوي دخت
عزالدين : حيري ببطنج واكلي وتونسي وربج يحلها
ديمه : سمعت كلام عزالدين
اكلت وطلعنا نتمشى ونسولف واشتريت اغراض
وهو طبيعته شقاوجي
خلاني اموت من الضحك
كل مايشوف بنيه لو يزحفلها لو يقلد عليها
بالمقابل اني هم صرت مثله اذا شفت واحد حلو اكعد اتغزل بي
وهو يعيط يكلي لج انتي مرت اخويه اذا شافنه علي ميلحكون يقرون علينا الفاتحه
واني اضحك اكله هاي توديع العزوبيه
ماقبلت ارجع للبيت
اذا مصارت ساعه 10 بالليل
دخلنا للبيت ثنيناتنا نضحك
لكينا الكل كاعد ومبينين اعصاب
عزالدين: سلام من قول رب الرحيم
الشيخ رسن: وين جنتوا
عزالدين : جدي طلعنا ناكل بالمطعم
الشيخ رسن : كل هذا الوقت وانتو بالمطعم
عزالدين : لا جدي رحنا هم نشتري اغراض الديمه
ديمه : جدي مو من حقك تسأل وين جنت مكافي السويته بيه
محمد : احجي عدل ويا جدج
ديمه : مو من حقكم تسألون وانتو باجر راح تدفنوني
مكافي السوى بيه جاي يحاسبني ليش
جدي انت انسان ضالم
محمد : هسه اشوفج شلون تحجين هيج ويا جدج
ديمه : تقدم بابا يريد يضربني واني خليت ايدي على وجهي
وسمعت صوت علي
علي : عميييي
محمد : خلي ائدبها
علي : مرتي هي اذا غلطت اني اعاقبها مو انتو
محمد : لاتنسى هي بنتي
علي : مانسيت ولا راح انسى بس انت كلتها اذا ديمه موافقت على هذا الزواج مالها رجعه للبصرة
معناها انت بعتها البنتك
واني شتريتها ومااسمح الاي احد خالقه ربه يتقرب منها
ديمه : يحجون باسمي كانما سلعه واحد باعها والثاني اشتراها
دموعي نزلت من قهر كلبي وقساوه كلامهم
ماحسيت غير علي يجر ايدي
ويصعدني فوك واني مثل اللعابه يحركني
علي : وين جنتي
مو احجي وياج جاوبي
ديمه احجي شبيج
ديمه : يحجي ويايه واني صافنه ودموعي تنزل
علي : استغفرالله
لج بابا شبيج
احجي
ديمه : عوفني
وخرت ايده من على جسمي
ونزعت الشال والحذاء
ونمت على الجربايه
وحضنت رجليه الصدري
ودموعي تنزل بدون ايي نفس
بابا ليش هيج كاعد يسوي
ابدال ميكون سند اليه
ابدال مايقبل احد يحجي ويايه
اني شنو الذنب الي سويته علمود بابا هيج يسوي
راد يضربني كدام الكل
وهاي عود اليوم الحنه مالتي
وين راح الحب مالته
وين راح اهتمامه وخوفه
مو جان يكلي انتي النسمه الهادئه
مو جان يكلي انتي احلى بناتي
شنو الي غيره
زين ماما ليش ماحجت
ليش متكول لاتضلمون بنتي
احجي بصوت ناصي ودموعي تنزل
غفيت على قهري ونمت
حسيت على واحد يبوس راسي
عبالي بابا انقهر عليه
بس من ريحته عرفته علي
علي : شبيدي عليج
اذا ماازوجج راح يأذوج
ديمه : سويت روحي نايمه ردت بس يكمل كلامه ليش يأذوني
بس ماكمل كلامه عافني وراح
واني رجعت نمت
كعدت واني جسمي كله مكسر
يعني اليوم عرسي
درت وجهي
لكيت علي نايم على القنفه الموجوده بالغرفه
ضليت اباوع عليه
يي يعني اليوم راح انام وانت ويايه بنفس الغرفه
راح اصير زوجتك فعليه
دك تلفونه
وتحرك يريد يجاوب
اني سويت روحي بعدني نايمه
علي : الو
يي هستوني كعدت
يي اليوم
استغفر الله لعد وين انام غير وياها
لا اني انام بالحديقه وهي بالغرفه
شهل كلام
يي لازم اخذها
مالي واهس الهذا الكلام من صباحيات الله
خلي اصحصح وبعدين احجي
باي
ديمه : يي تلاكي حبيبته مقهوره وخابرته
اني ليش هيج حضي
ضليت مغمضه عيني
هو تحرك مسح على راسي بيده
وطلع
واني كعدت لازم احضر روحي
الرجال كلبه مو ويايه
ويا وحده ثانيه
ياالله ديمه واجهي قدرج
_____
هذا البارت الخاطر بنيه دخلتلي كالت راح يخلص اشتراكنا اليوم
فدوه لعيونج حبيبتي
لاتنسون النجمه والتعليقات الحلوة
واذا اكدر انزللكم بارت ثاني بالليل 😍