صباح العسل حبايبي ❤️
منين اجيب گليب يتحَمل حِزن
منين اجيب عَيون ما تعرُف تحِن ؟
ديمة : جنت كاعده بالغرفه ولازمه المحبس والسبحه مالته
واباوع عليهن
وحسيت الباب انفتحت
درت وجهي وشفت علي
بسرعه كمزت عليه حضنته وابوس بي
بس هو وخرني من حضنه
علي : ابعدي عندي
ديمة : اسفه والله اسفه
علي : ديمه ابعدي عندي
خلي اسبح واطلع
ديمه : رجعت حضنته والله اسفه شبيك
مشتااقتلك
علي : واني اريد اسبح واطلع
ديمه : متطلع اليوم
علي : شنوو بكيفج
ديمه : ييي بكيفي اني مشتااقتلك صارلي اربع ايام مشايفتك
علي : واني اجيت علمود اسبح وابدل
لو اكدر اتحمل مااسبح جان ماااجيت
ديمه : بطلت تحبني موو
ضل يباوع عليه بدون ميجاوب
وخرت من عنده
ورحت قفلت الباب بعصبيه
ووكفت كدامه
هاااا ارتاااحيت اليوووم متطلع
ورحت اركض الباب الحمام ووكفت كدامها
وحتى سبح متسبح ارريد اشووف شسووي
علي : كل عقلج
ديمه : ييييي
علي : ترى الي كاعده اسوي ميأثر بيه
ديمه : لاازم يأثر عليك
علي : عود ليش لازم يأثر ست ديمه
ديمه : لان اني زووجتك والي حقووق عندك
علي :واني مااتوقع مقصر بحقوقج ولو بذره
ومااطلبتي شي وماانفذته
ديمه : لااا انت حارمني من حقي
علي : من شنوو حارمج
ديمه : بزله لسان وبدون ماانتبهه
وبغباء مني
وصارت احلى زله لسان
انت حارمني من حقي الشرعي
علي : شنووو
ديمه : ييي شنو صارلك اكثر من اسبوع حارمني من حقي الشرعي
واني اريد اصير ام
علي : انتي كاعده تحجين صدك لو تشااقين
ديمه : تقربت من عنده وبسته من خده
لا مااشاقه
اني اريد حقي
علي : واني ماامنع زوجتي من حقها
ديمه : تقرب مني بس بشكل مااكدر شلون اصنفه
جاانت الها لذه خاصه مختلفه عن كل مره
اني انطي حب ولهفه واشتيااق
وهو مثل العاشق المفضوح بحبه لكن كبريائه وكرامته مااتسمح يبوح بهذا الحب
كل ماايريد ينطيني رد الحبي واللهفتي ولشتياقي
يتراجع وينطيني قسوه وقوه
اكذب اذا كلت مااحبيت هذا الشعور
حتى البوسه والحضن المملي بالعصبيه والكبرياء حبيته لان من عنده
ابتعد عني بسرعه
علي : هاي انطيتج حقج
والبيت كاعد ابني بي وانشاالله ورى عرس مناف
نتحول
ديمه :كال هاي الكلمات
وكام دخل للحمام
واني حسيت فد شي انكسر بداخلي
كرامتي اذتني
وانقهرت من كلامه
نزلت دمعتي
اغطيت روحي
هو مااهتم طلع من الحمام بدل وتعطر وطلع
ومن هذا اليوم بعد ماتقربلي علي
واني مااحجي ويا ولا حرف
شهر احنا منتحاجه
والبيت كله حايرين بخطوبه مناف
الي سواها مفاجئه
وقرر ماكو فتره خطوبه
هو عقد هو عرس
ولازم بعد شهر العرس
والبيت كله مخبوص
علموده
واني حايره بحبي ونظراتي العلي
الي كام يجافيني
روحي تفرفح عليه
اريد حبه وعطره وشوفته وكلبه
اريده يرجع يحضني
بس هو جان قاسي الى درجه نظره ميباوعلي
حرف ميحجي ويايه
ادور الاهتمام والحب من عنده
حبه مرضني
كمت مااكل وبس اتقيئ
وادوخ
صرت هيكل عظمي
وجده زهرة خابصه الدنيا راح تموتين وراح تموتين
وجدي خطيه علمود بس يوكلني كام يدز عزالدين يجيبلي اكل
واني مااكل
بس اشتم ريحه الاكل اتخبل
اركض استفرغ
ضليت شهر على هاي الحاله
وعلي حتى مااكلف نفسه يكلي شبيج مريضه
او ليش متاكلين
شهرين وهو قاسي الگلب
والمشااعر
لحد ماايوم كعدت كلش تعبانه
بس استفرغ
نزلت يم جدة زهرة
لكيتها كاعده بالاستقبال
هي وجدو رسن
رحت نمت على رجل جدو
الشيخ رسن : ليش هيج ذبلانه
ديمه : ههه قبلي انت هم ذبلت
الشيخ رسن : وجهج اصفر
وخدودج رايحات
ديمه : وكلبي يوجعني جدو
اني كلت هيج وكمت ابجي
الشيخ رسن : احجيلي يابعد عيون جدج
ديمه : لزمت ايد جدو قوي وكمت ابجي بهدوء
جدو كاعد يعاقبني
والله مجنت ادري ولا جنت حاسه على روحي
جدوو كلبي يوجعني من ورى
مكاعد يحس بحركه كلبي
والله جان كلبي محروك ومجنت اعرف شلون اريح كلبي
هو ليش ميوكف ويايه
ليش ميحس بيه
والله احبه وروحي بي
جدوو اني اشمشم بملابسه وباغراضه علمود بس اشتم عطره
ومكااعده الكي عطره
حموووت اني وهو ماامهتم
كمت من على رجل جدو
وباوعت عليه
وحجيت
جدو اني استااهل اتعااقب بس موو هيج
والله موو هيج
شسووي جدو
كلي شنو اسوي
الشيخ رسن : انعل والد والدي هذا الك...
شلون هيج يبجيج
زهرة : اويلي عليك عليوي عليمن طالع كلبك هيج قاسي
جا جدك مو هيج
ديمه : حضي شسوي
الشيخ رسن : هذا عنودي وراسه يابس اني اعلمه
ديمه : كاعده احجي
وحسيت اريد استفرغ
ركضت للحمام وكمت استفرغ
روحي طلعت لان مماكله شي
واريد بس استفرغ
جدو خبص الدنيا
ويعيط على عزالدين
علمود يجيب السياره ياخذوني للمستشفى
جدو مابيه شي
الشيخ رسن : مهما يكون
تعاي بويه ريحانه البسي عباتج ولبسي ديمه عباتها
خلي ناخذها للدكتور
ريحانه : حاظر بويه
ديمه : خطيه عمه ريحانه لبستني
عباتي وطلعنا للمستشفى
واخذوالي كميه من التحاليل
واني نايمه على جتف عمه ريحانه ننتظر التحاليل تطلع
وجدو كل شويه وواحد جاي مسلم عليه
مجنت اعرف هو هيج معروف والعالم تحبه
عزالدين : جدي ليش يسلمون عليك وميسلمون عليه
الشيخ رسن: عمنك هيلك
عزالدين : ثلثين الحفيد على الجد
الشيخ رسن : ايااا طاايح الحظ
عزالدين : شفااايتلي اصير مثلك
الشيخ رسن : لوو تموت
ديمه: باوع عليهم
شلون يتناكرون
واني بس اضحك عليهم
وكل شويه وجدي رافع العصا مالته يريد يضرب عزالدين
ربع ساعه
وصاحوا اسمي
طلعت تحاليلي
جنت متأكده هذا الاني بي بسبب حالتي النفسيه
وفقر الدم واكلي القليل
الشيخ رسن : هاا دكتور بشرنا
الدكتور : _____
_______
هلاو حبايبي
اعذروني البارحه مانزلت بارت بس والله مريضه
وست ديمه كاعده تتأخر عليه بنقل الاحداث
لان تنطيني احداث وترجع تتذكر حدث ثاني
لاتنسون النجمة والتعليقات الحلوه ❤️
أنت تقرأ
بنُت المّدينةة🕊💫
Misterio / Suspensoبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
