صباحو عسل
و أنتَ وياي،
جريب إعلى النفس بس كُل عطر ما بيك،
وردة بـ طوُگ خزامة .
ديمة : سارت ايامي باحلى ماايكون
كل مااشوف بطني تكبر كل ما تكبر فرحتي
واهتمام علي وحبه اليه وخوفه عليه ماايتقدرون بملايين الدنيا
كام يخاف عليه من الهوى ودائماً يكلي كلماته الي حفظتها
اروحلج فدوه لاتفجعيني
اتحملي بس هاي الفتره
اضحك على كلماته وخوفه
وماينام اذا ميبوس بطني ويحجي وياها
وقرر قرار جمهوري ابداً ماانزل من الطابق الثاني
واذا نزلت مره وحده فقط
ولازم انتظره يجي ياالله اصعد علمود يساعدني
وجدو وجده زهرة مأيدين قراره
حتى عمه بيداء
متقبل اتحرك اهواي لو اشتغل
حتى اذا شلت صينيه تكوم تعيط
اليوم جان سنويه وفاه بيبي ام عمو نصير
وجدو عزم كل عمامي علمود يسوي ثواب على روحها
حتى اهلي عزمهم
بس بابا ماقبل يجي يكله الولد دوام والبنات مدارس وجامعات
فد انقهرت وزاد زعلي عليه مانقص
انهضمت كلش
يعني شمرني وراح
رغم حبي العلي واهتمامه
وجدو الي ابداً مانسى وكفاته ويايه وعمو نصير هم
بس تبقى مو بيئتي ولا حياتي
ولحد الان كاعده الاكي صعوبه بالتعايش وياهم
وابسط مثل خوفي من وداد وزينب
خاف يأذوني بطفالي
بس شيفيد اذا انقهر وانغث وابجي مراح يغير من واقعي بذره
دائما اذكر كلام جدو من يكلي العصفور اول ميخلوا بالقفص يفكر شلون يفتح باب القفص ويطير
وبعدين يكعد يجمل القفص الي يعيش بي
واني صرت مثل العصفور وكاعده اجمل القفص مالتي
حبيبي راح تنزل
علي : ييي حياتي اسبح وابدل وانزل
تأخرت عليهم
ديمه : لعد تعال كومني احظرلك ملابسك
علي : اروحلج فدوه اكعدي ماريد منج شي
ديمه :ههههه عليك الله تعال كومني صايره شكبرني
ماكدر حتى اكوم
علي : لا تكومين بابا
ديمه :هههههههه لا كومني اريد انزل وياك عيب من عمامي
حابسني فوك
علي : استغفرالله يعني راح يضل بالي عليج طول اليوم
ديمه : لاتخاف اكعد يم جده زهرة ماتحرك ابداً
ومن تجي على الغذه عود اصعد لان والله اختنكت
صارلي شهر ونص محبوسه
علي : وراح اضلين محبوسه لحد مجيبين
ديمه : يومه اروح فدوه الابو جهالي الي يخاف علينا
شايفين ماما بابا شلون حابسنه
علي :مكاعد افهم اذا انتي جاهله شلون راح تربين جهال
ديمه : ييي عود انت ربينه
هسه تعال كومني اختنكت
علي : هههههههه جنج بطريق
تعاي بطريقتي الحلوه
ديمه: يمه هاي اني بدايه شهر الخامس وهيج بطني جبيره
لعد من اصير بشهر التاسع شلون
علي : عود اني اكوم اشيلج لاتخلين بالج
ديمه : شو بوسه شويه
على هذا الكلام الحلو من الصباحيات
علي : خلي اسبح وانزل تأخرت
ديمه : روح اسبح
راح علي يسبح واني كعدت احظر ملابسه
وملابسي الي راح البسهن
ونظفت الغرفه شويه طلع علي
علي بس راح اسبح لاتنزل
علي : يابه مو تتمرضين
ديمه : لالا مااتأخر
علي : ماشي
ديمه : سبحت وطلعت بسرعه
لكيت علي مبدل لابس دشداشته الجوزيه
وكاعد يلغ بالغتره جوزيه مطرزه بوفوايت
شهل جمال عيني
علي : طلعتي تعاي بسرعه
ديمه : كعدتي وجاب الشسوار ينشف شعري
علمود لا اتمرض
خلص وبدلت
اباوع على نفسي لابسه دشداشه شعرضها لان بطني جبيره وعلي ميقبل ابين بطني لون ماروني
وخشمي كبران وخدودي راح ينفجرن من السمن
انوب حتى كصرانه هاي ليش
طالعه صفر بالنسبه العلي وجماله
عقدت حاجبي بانزعاج واني اباوع على نفسي بالمرايا
علي :خير شو الخلقه انكلبت
ديمه : شوف شكلي شلونه
علي : شبي جنج العافيه
ديمه: لااا تضحك عليه
تعال اوكف يمي وشوف الاختلاف
انت جنك العافيه مو اني
علي :يعني انتي ضايجه لان اني احلى منج
ديمه : ييي هسه كلها راح تحجي شوفوا علي شكد حلو وهي تلعب النفس
علي : هههههه انتي تلعبين النفس
ديمه : يي شوفني انوب حتى كصرانه صايره قوطيه
علي : واني احب هاي القوطيه واموت عليها
يكفيني شوفتها كبال عيوني كل يوميه
وكلامها الحلو
ديمه : يعني انت شايفني حلوه
علي : طبعاً شايفج حلوه مثل اول مره اجيتي بيها الهذا البيت
وتباوعين بستغراب ومعاجبج الوضع
وعيونج الحلوه تباوع منا ومنا
ديمه :شكد خبيث يعني جنت مركز ويايه
علي : شلون مااركز وياج وانتي غصبتيني اباوع عليج
تذكرين من كلتيلي لون عيونك مامعروفات
ديمه : ييي صدك كل شويه لون
وانت كلتلي تعاي باعي عليهم
علي : هههههه جنت اريدج تباوعين بعيوني علمود اشوفج صافنه واحفظ شكلك وانتي تباعيلي
ديمه : لالالا شكد خبيث طلعت
علي : جوريتي انتي
ياالله تعاي ننزل
ديمه : ييي ياالله
لزم ايدي علي ونزلني الدرج
وماااسولف على الهوسه الجهال يتراكضون والنسوان اسولف
صباح الخير
الكل : صباح النور
ديمه : حجيت بصوت ناصي يمه اذاني انزرفت
علي :غير انتي ماادري على شنو تريدين تنزلين
الشيخ رسن : علي جيبها هناا يمي كعدها
تعااي جدي اكعدي يمي
علي : يي جدي
عزالدين : هااا جدي شو منتبه مرت علي اخذت معزتنا
الشيخ رسن : من اول ماشفتها اخذت كلبي
علي :جدي شسالفه
ريحانه :هههههه يابه باع علي شلون يغار
ميقبل تكول اخذت كلبك
الشيخ رسن : خب خلي يطير احسن
مشوفين حكمت تبقى يمي وماترجع
ريحانه : اهاا هناا السالفه
شكلها يابه اخذت حتى معزتي
الشيخ رسن : لو تجي الف مثلها محد ياخذ معزه ريحانتي
ريحانه : بعد عمري الغالي الله يحفظك النا
الكل : امين
الشيخ رسن : هاا جدي اليوم شلونج
ديمه : الحمدلله زينه بس كاعده اسمن
الشيخ رسن : ميخالف بنيتي
ديمه : شويه وطلعوا جدي وعمامي والشباب للمضيف
وبقيت اني كاعده يم جده زهرة نسولف اني وياها
ونباوع على الجهال والنسوان
ابداً ماتحركت
قبل الغده بنص ساعه تقريبا
دخلت سما
بعد غياب اشهر اجتي من صارت الكتله مالتي بعد مادخلت
واليوم جايه
بس ولا عبالك سما مخليا المكياج وحافه حاجبها
وتتنعوص
ماعرف اخلي عقلي وياها لو اعوفها واكول جاهله
بس تصرفاتها ابد مو مال جهال
مثل زينب بالضبط
هم حيه تلدغ واضم راسها
وسما داهيه ومصيبه وصلفه
يعني متكول عيب لو حرام
ابداً ماعدها هذا الشي
واني صارت عيوني مشكله عليها
وين متروح اباوع عليها وشسوي وشتحجي
ماادري اصار بيه
والي زاد همي من دخل علي علمود ياكل ويانه
وهي عيونها اشكلت عليه
واني الغيره تطحن بيه طحن
اريد اكوم اكتلها وتعوذ من الشيطان
كعد علي يمي واني افور من اشوفها تباوع عليه
حتى اكل مااكدرت اكل من وراها
وهي تتقصد تنغصني تباوع عليه وترجع تباوع عليه
لحد ما باوعت عليه
ورجعت باوعت عليه
وحجت بدون صوت
وعينها بعيني
كلمه احبه
اني سوت هيج واني تخبلت
كبل كمزت اريد اطلع اختنكت
علي : شبيج ديمه
ديمه :اختنكت
تعال صعدني الغرفتي الله عليك
الشيخ رسن : جدي بعدج مااكلتي
ديمه : بعدين اكل جدي هسه اريد اصعد
علي تعال صعدني
علي : ياالله تعاي
ديمه : كادني علي واني اعصابي تريد اطك
اريد اروح ارفسها
علي : شبيج هيج تنرفزتي
ديمه : طبعاً اتنرفز الي مكعديني كدام الحيه
علي : ياا حيه
ديمه : اكو غيرها سما الله ياخذها
علي : استغفرالله انتي شعليج بيها
ديمه : ترى كاعد تنزفزني انت الثاني
راح اذب حركتي بيك
عوفني
علي : خلص راح اطلع
ديمه : وييين اليوم ماكو طلعه لحد متروح هاي الحيه
علي : راح انزل للمضيف مراح اكل ولا اكعد يمها
ديمه : اوك
راح علي واني افور
كل البله بيها
خبلتني والله شسويها واكتفي منها
تعبتني هاي سما
ضليت احجي واعصب وانقهر بالاخير نمت
ماحسيت بالدنيا
غير الدنيا مغرب
واني مشتهيه توت
نزلت اركض اريد توت
_________
نمت وكعت مخروعه نسيت اكتبلكم بارت
لاتنسون النجمة والتعليقات الحلوه حبايبي ❤️
أنت تقرأ
بنُت المّدينةة🕊💫
Misterio / Suspensoبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
