بنُت المّدينةة🕊💫

بارت 28❤️🙈

هلاو حبيباتي .........

- لعآبهَ چنچ والخُصر حبةّ هِيٌل ،

..........
ديمة : سارت ايام نقاهتي باحلى مايكون
جنت اكول ياريت لو يصير موقف ويكسرالحاجز البيناتنا
اني وعلي
والي صار كسر الحاجز بيناتنه بكتلتي
ومدارات علي اليه
خصوصاً اني مااكدر حتى امشي
هو يشيلني ويكعدني
حتى للحمام يوديني
اول الايام استحي من عنده
بس هوو جان يوخر الخجل من عني
بطريقته
وبكلامه
وشقى
تعلقت بي بزياده
اما الي بالبيت اني اصلاً منزلت وعلي حتى اكل يجيب ويا
وياكل ويايه
وعمه بيداء تبجي على علي لان من صارت الكتله مالتي
علي بطل يحجي وياها
وهي بس تبجي تريده يحجي ويا
واني حجيت ويا علموها
مااقبل حتىً افتح الموضوع
جنت نايمه واني نومتي متعلعله من ورى الجبس
كعدت واني النومه بعيني
شغلت التيبل لام
علي نايم يمي
ضليت اباوع عليه
والبتسامه شاكه حلكي
خليت ايدي على خده وكمت امسح على لحيته
احساس كلش حلو
خلا كلبي يدك دكات بسيطه وجميله
دنكت بسته من خده
وحجيت بصوت ناصي
انت شكد حلو بعيوني
فززني صوته المبحوح بحه النوم
علي : انتي احلى بعيوني واجمل
ديمه : لزم ايدي
وباسها
علي : ليش كعدتي هم ضايقج الجبس
ديمه : يي
علي: مضل شي باجر اخذج للمستشفى ويفتحولج ياها
ديمه : راح تخلص من شيلتي ومداراتي
علي : على كلبي مثل العسل
ديمه: سولفلي
علي : على شنو
ديمه : شوكت حبيتني
علي : عوفي هذا الموضوع
ديمه : عليك الله بداعتي
علي : مااشي
حبيتج من ورى نصير كل مااجان يرجع البصرة
حجت ديمه وكالت ديمه وطلعت ويا ديمه
اول شي جنت اضوج ليش متجين كلت اكيد مغروره وشايفه
نفسها
بس من اجيتي وشفتج
تمنيت مجايه
ضليت اباوع عليج
وعيوني تلاحكج وين متروحين
وشلون اسولفين
وراها من ضعتي ومن لكيتج حضنتيني
كلبي رجفلج بوكتها حركتي ابو ابويه
ديمه : هههههههه ليش
علي : لان طايحه حظ
مثل مااطلعتي وانتي لافه الدشداشه عليج
وحركتيني وطلعت من الغرفه
مشعوط اشعوط
ديمه : اوووي يعني حركتك
مجاوبني بس سوى شي اضرب من الجواب
بااسني من شفتي
بلهفه واشتيااق
اول شي جانت بوسته برقه وراها
بدء يقسى بوسته
ماعاف شفتي لحد ما كطع نفسي
خلا كصته على كصتي
وكام يحجي بصوت خافت والنفس مالته بالكوه يجره
علي : جوريتي والله احبج
ارحميني
ديمه : رفعت راسي وضليت اباوع بعيونه وهو يباوع
عليه
علي : عيونج مثل البحر الهادئ
واني مثل الصياد الفاشل
غركت بجمالهن
ديمه : الهل درجه تحب عيوني
علي : اكثر من ماتتوقعين
ديمه : بس عيونك احلى من عيوني بهواي
علي :  تروحلج فدوه عيوني
هسه شنو ماقررتي ترحميني وسامحيني
ديمه : اطلع ظالمه اذا ماسامحتك
وانت طول هاي الفتره اداري بيه وتحبني هذا الحب
علي :جوريتي باجر
ديمه :شنو باجر
علي : بااجر اريدج
باجر من اخذج للمستشفى افتحلج الجبس
وترجعين مثل قبل
اريدج باجر
ديمه : افكر
علي :مااكو تفكير اريدج ديمه
ديمه : هسه خلي انام تعبت باجر ورايه كعده
علي : تعااي نامي يمي
ديمه : نمت يمه وهو كل شويه وبايسني
لو مدنك يشمني
ادمنت عليه وعلى ريحته وعلى حظنه
سبحان الله
جنت اكرهه واكول عليه متعجرف
واريد بس اضوجه واخلي يعصب
وهسه اموت عليه
وعلى كل شي بي
كعدنا الصبح بدلنا وهوطبعا ساعدني بكل شي
حتى بالسبح ساعدني
لان مااكدر
وخطيه حتى الشال هو لفلي يا
وشاالني نزلني الدرج
زهره: لك وليدي والله ظهرك راح
يا شايل ياحاط
كلتلك خليها بغرفتي
علي : صباح الخير
لا حجيه خفيفه
الشيخ رسن : وين رايحين
علي: اوديها للمستشفى يفكون الجبس عنها
بيداء : اتريك ابني وروح
علي : ياالله اودعناكم
ديمه : رجع شالني من القنفه وخلاني بالسيارة
اول مااحرك السياره حجيت وياا
علي خطيه عمه بيداء لازم تحجي وياها
علي : سدي الموضوع هاي للمره الالف
ديمه : ميصير حبيبي تبقى امك
والكل يغلط
علي : لو انتي غلطانه وجايه هي حاجيه ويايه
اكسرج كدامها
بس لاانتي غلطانه ولا هي الي حجت ويايه
ولا هي الفكتج عنهم وكالت الخاطر ابني
سدي الموووضوع بعد لاااا تفتحييي
ديمه : شفته عصبي وضاج عفته مااحجيت ويا
هوو مقهور منها
واكيد يجي يوم يسامحها
وصلنا للمستشفى
ورجع علي ساعدني
دخلني للدكتور
فحصني وكعد الدكتور يفك الجبس
من ايدي ورجلي
بس دكتور الجمله العصبيه
طلب من عدنا تخطيط للدماغ
كفحص روتيني بعد الضربه
وهذا الي اخرنا
ومن طلع التخطيط
الحمدلله مااكو شي
رجعنا للبيت ميتين تعب
كبل نمنه
اني كعدت المغرب بعد راااحه ورى العذاااب
يمه الحمدلله خلصت من الجبسس
وكمت اناام برراحه
كعدت ملكيت علي
دكيت عليه
كال اني طالع وياا جمااعتي وشويه اتأخر
ديمه: اخااف رجعنااا
علي : هههههههه لا يابه انطيتج وعد
بس صديقي عنده قضيه واني تكفلت بيها
وعزمني على مطعم
ديمه : اووك
راح علي واني نزلت على كيف
شفتهن كااعدات
دخلت للمطبخ فتحت الثلاجه
سويتلي لفه جبن
وهنا بس يتبسبسن
ووحده تباوع على الثانيه مااصدكت
خلصت الفه
وصعدت اركض
والله صارت بيه خوفه من عدهن
كمت اخاف انوب هم يكتلني وعلي مااكو
وهل مره كبل للنجف اصلا يغسلني ويدفنني وعلي ميدري
على الحقد والكرهه الشايلاته
قفلت باب غرفتي عليه
وحجيت ويا لما
لما : افتحي صفحه جديده. يحظي
واكشخي وانتظري
ديمه : والله استحي
لما :راح اجي اطيح حظج
هاي مو اول مره يتقربلج
وفتره التكسر مالتج حتى للحمام يوديج ويغيرلج ملابسج
بعد على شنو تستحين
طايحه الحظ
ديمه:ضلت لما تغلط وتنصح وتعيط وتنطي نصائح
وراحت
واني سمعت كلامها
دخلت للحمام جلف ندف
طلعت المع
شسورت شعري على طوله
ولبست ترجيات على شكل نجمه
وخليت مكياج بسيط
وتوجهت للكنتور اشوف سيت حلو
بس الله لاينطيها الوداد ممخليه عليه شي حلو
كلهن ماخذتهن
باقي بس اللون الاسود
لان تتشائم من عنده الصخله
لبست واحد لون اسود قصير
ولبست فوكا روب لون ماروني طويل
شغلت شموع عندي وعطرت الغرفه
صارت ولا اجمل
وحتى شكلي انعجبت بي
عبالك هسه ياالله صرت عروسه
وبوجهي بهجه
بعد زواج دام 8 اشهر هسه ياالله
ضليت اكلب بالتلفون
نص ساعه ودخل علي للغرفه
بس الصدمه مبينه عليه
والضحكه راح تطلع من عيونه
علي : هذا كله اليه
ديمه : ييي
علي : يعني مراح تحرميني منج
ديمه : لاا
تقرب مني وباسني من كصتي
علي :يحفظج ربي حبيبتي
بس شهل جمال
ديمه: ردت اللبس غير شي بس وداد كلهن مااخذتهن
علي : شتلبسين دخيل ربج
هو انتي غير تموتين
ديمه : يعني عجبتك
علي :بااسوء حالاتج انتي تعجبيني
عااد هسه
ديمه : احبك علي
علي : كوليها بعد
ديمه :احبك
علي : بعد
ديمه : احبكككككك
سكتني بووسته
البيها لهفه وشتيااق وحب وخوف
نزعني الروب
وكام يبوس بيه من كل مكان تجي عينه عليه
واني ذايبه بي
وبحبه ولهفته وتعامله ويايه
حبيت كل لمسه من عنده
حسيت اليوم هو عرسي وهاي اول مره يتقربلي
علي : مبروك يااحلى البنات
ديمه :الله يبارك بيك يااحلى الشباب
علي : شووو تعاي بحضني ادفيج
ديمه :هههههههه سخييييف
علي : هههههه لج صوتج
ديمه : خلي يسمعون
سخيييف
علي : بااعي الفرحه شلون طالعه من عيونج
ديمه : وانت هم
نعست خلي انام
علي : مااشي
ديمه :حضني قووي
وعلى صوت انفاااسه نمت مرتاحه وادعي الله يحفظنا
ويبعد عنا شر بني ادم
______
اليوم البارت مليان رومانسيه ملياان
اشكووو اليك ياربي 😭
لاتنسون النجمة والتعليقات الحلوة حبايبي ❤️