بنُت المّدينةة🕊💫

بارت16

مرحبااا حبيباتيي❤🍂
.
.
.
.
.
أحتويها
الناس مو مثلك عليها

ديمه : كعدت الصبح جان علي بعدة نايم
كعدت من نونتي
وضليت اباوع عليه
شكد حلو ومن يفتح عيونه يصير احلى
شكو بيها لو البنيه الي تحبها اني
كلشي بيك حلو شخصيتك كلامك اسلوبك
جمالك
بس مراح اورط كلبي بيك
لانك مواليه
عجبني الزم لحيته
واكول الروحي يي خلي الزمها هو نايم
لج ديمه انوب يكعد
لالا ميكعد وحتى لو كعد اكله عجبني
لج اكعدي انوب يكول تتحارشين بيه
يي خلي يكول هو مو زوجي
يووو ديمه راح تتخبلين دلزميها وشيصير خلي يصير
لكيت ايديه صارت على خدة تلزم لحيته
احس ايديه مو ملكي وماكدر اتحكم بيها
ضليت امسح على لحيته
علي :اذا عجبتج اخذيها
ديمه :يمه انت كاعد
علي :يي من اول متحركتي
ديمه : جان يحجي وهو ساد عيونه
واني ايديه اجمدت على لحيته
اهاا لعد ليش سويت روحك نايم
علي : لا اريد اشوف شسوين
وبعدين اذا انتي تحبيني ليش متكولين
ديمه :اني مااحبك منو كال
علي : وهاي ايدج لحد الان على خدي
ديمه : هيج مجرد عجبني الزمها ليش حبيبتك متلزم لحيتك
علي : ههههههه لا والله ماالزمها
بس تبوسني
ديمه : ضجت بس مابينتله
يي بعد شتريد شابع بوس منها
علي: ههههههههه ماكو بس مرة وحده بستها
ديمه : شوكت سولفلي
علي : انتي ليش تريديني اسولفلج عليها
ديمه : قررت احرك كلبه
لان احب سوالف الحب وبس اطلك منك مقرره اعيش قصه حب
هو بسرعه فتح عينه وعكد حاجبه
علي :ومنو كلج اطلكج
ديمه : لعد شنو تبقيني يمك هيج وسنين عمري تروح
ويا واحد ميحبني
اريد واحد هيج
يحتويني
يحبني
يدللني
كلبي يرجف من اشوفه
اريد يبوسني مثل الي بالافلام
اريده من احضنه يكون حضنه بي دفو
علي :والله موتيني بسالفه حضنه بي دفو شو تعاي
ديمه : شو هذا جرني عليه وحضني قووي
علي : خلي اشووفج الدفو بحد ذاته
ديمه :وخر وخر
علي : اششش لاترافسين
انتي مو تريدين دفو
راح اشوفلج ياا
ديمه : مااريد منك
علي : تخسرين لان ماكو غيري
اهدي علمود تحسين بالدفو
بس ترافسين
ديمه : وخر ماريد دفو خنكتني حموت
اني احجي واتحرك اريده يعوفني بس هو مجلب
لزم وقيدني بزياده
حتى رجليه قيدها
يمه دخيلك ربي اختنكت
علي : ياربي شكدوتج بحضني
ديمه : من كال هيج هديت ورفعت راسي اباوع عليه
علي : چا اني شكد ضخم بالنسبه الج
ديمه : ليش تحجي هيج
علي : شلون احجي
ديمه : بصوت ناصي تحجي
علي : وليش اعلي صوتي وانتي بحضني
ديمه : هم تكول الحبيبتك هيج
علي : يي
ديمه : شنو يي
علي : يي اكوللها انتي شكدوتج بحضني
ديمه : يعني حاضنها
علي : ييي حاضنها
ديمه : جان احساسي مو غيره وانما كسر خاطر
وكسر انوثتي
زوجي حاضني ويكلي اني احضن حبيبتي هيج
واحجي وياها مثل مااحجي وياج
اني من جنت اسأله مو من باب الغيره او شي
لا اني اسأله علمود ارضي نفسي
علمود احس ولو بذره انو زواجي هذا بي ذره صح
مو كله غلط
بس من جان يجاوبني جان يأكدلي
هذا الزواج كله غلط
وخرررر وخررر
كمت ادفع بي
هو مثل الي نصدم
بسرعه فك ايده
واني كمزت من الجربايه
بعد ممنوع عليك تلزمني او اطخني
لو حتى تتقربلي
فهمت لو لا
علي : انتي شكاعده تحجين
ديمه : مثل مسمعت
شكووو تتقرربلييي فهمنييي
علي : صوتج
ديمه :عووووف صووتي
شكووو تتقربلي شكوووو تحضني
وانت عندك وحده
فهمني
ليشششش كسررتوني بهذا الزوواج
علي :هووووو منووو الي كسرررج
انييييي شعليه
لييشششش تحمليني ذنبهم
ديمه : جاااااان كلتلهم ماااريدهااا
جان كتلهم انييييي احب وحده
ليشششش سكتت
علي : رووووحي هذاااك جدج وهذااك ابووج واحجي هذا الحجيييي وياااهم
انيييي شكوووو
هماااا انطوووني يااااج
ديمه :كعدت بالكااع
وابجي
اكرهم كلهم
وانت هم اكرهك
ومراح احجي ويا احدد
بعد
هما انطوني الك مثل السلعه
ماريد اشوف احد منهم
وين تلفوني
كمت بااعصاب وحركه قلب
لزمت تلفوني وركعته بالحااايط
علي : ليش كسرتي
ديمه : علمود بعد اهلي ميخابروني ومااحجي وياهم
دخلت للغرفه الثانيه ابجي واشهك
اسمع عمو نصير يحجي ويا علي
نصير : ليش تخليها تبجي وهاااي امانتي يمك
علي : انيييييييييي شكوووو اخوووك وابوووك هما الي دمروووها
انيييي شعليه تحملوووني ذنبهاااا
موووو انت جنت شاااهد اخوككك كلييي اذا متاااخذها
ازوجها الووولد عمك يوسف
وانتتتتت تعررررف كلششش زين ولد عميييي يوووسف شنووو همااا
نصير : استغفر الله
احتويهاااا ابني انت علي الف وحده تتمناااك وتعررف للنسوان تصعب عليك ديمه
علي : يااااابه انت شكاااعد تحجييي هييي متخيله روووحها سلعه
اسمعيييييييي انتيييييي مررررتي مووووو سلعه
افهميهاااا انييي موووو ظااااالم ولا قليل رجووووله
انييييي نقذتجججج من ابوووك وجدددج
ديمه : طلعت على هذا الكلام واني مصدومه شنوو نقذني
علي شنو نقذتني ماافهمت
علي : ولا راااح تفهميين ولا راح تحسيييين
انتيييي عقليتج مبنيييه على اساااس انتييي سلعه
واني عديم رجوله الي ماااااحجيت وكتلهم مااااريدج
نصير : ابني اهدء هسه يررتفع عندك الضفط
علي : وطبني مرررررض
ديمه : فهمنييي شلووون نقذتني
علي : روحي على عمج هووو يفهمج
اخاااف اكلج وتكوليلي انت كذاب
ديمه : طلع وركع الباب قوي
عمو فهمني
بغلاتي عندك كلي حجي علي شنوو
نصير : استغفرالله
تعاي اكعدي واني افهمج
ديمه : كعدت يمه
وكام يحجيلي واني ابجي واشهك وبنفس الوقت مصدومه
نصير : بنتي بيوم الحجو بيج علي من اخذج
وراد  يطلع مجان ناوي يزوجج
جان ناوي يسكتهم
لان انتي جنتي رافضه
وهو حتى لو يحبج ويريدج بس ميستقبل وحده رافضته
بيومها محمد وابويه لزموا وحجوا ويا
ومحمد كله اذا متقبل تزوجها انطيها الابن يوسف
رياض
وصح هو ابن اخويه وميصير انطي بي بس واحد زايعته الدنيا
شكو مكسرات هو مسويها
من كال محمد هيج
علي تخبل لان يعرف رياض شنو
وستخسرج بي
وكللهم اني اخذها
وهذا هو كدامج كلشي موفرلج علمود متحسين بالنقص
ديمه : ياا نقص عمو هو ميحبني ولا يريدني
نصير : تكدرين تخلي يحبج
هو زوجج وكل شي مباحلج
ديمه :ضليت ابجي شكله هو يحب غيري
طلع عمو وعافني
واني من هذا اليوم كلش كلش تغيرت
صرت انسانه ثانيه
قليله الضحك والكلام
اشتغل بكثره علمود مااافكر
حتى اذا نضفت الطابق الثاني انزل ليجوه انضف
شكو شي كدامي انضفه
وهنا مااشاالله لكنها من الله خدامه تجي وتنضف
حتى اهلي مااحجي وياهم
ومن يكولولي اهلج يريدون يحجون
وياج اعوفهم وامشي ومااحجي شي
اكثر من مره يخابرون على جدي لو على علي لو عمو نصير
واني مااحجي
سااكته الحايط اذا حجه كولوا ديمه حجت
اما علي عيونه تلاحكني
من يشوفني اشتغل بكثره
يحاول يكعدني بس اني ابد ماسمع الكلامه
ينام يمي على الجربايه بس اني بطرف الجربايه اصير
لو مرات اعوفه واروح للغرفه الثانيه اشتغل بيها
وهو عايفني على راحتي
وبيداء وبناتها يصيحوني بالخرسه
بهذيج الفتره من كثر مايصيحوني بالخرسه واني ماحجي
شكيت بروحي صدك صرت خرسه
ومرت قاسم كامت اذب سمها
مرات اشوفها تدخل الغرفتي تاخذ من اغراضي
وتطلع واني اسكت
لحد مايوم دخلت للغرفه
شفتها فاتحه كنتوري
وكاعده تاخذ سيت مال نوم وبيديها فلوس
من سديت الباب
هي ندارت
وبكل عين صلفه تحجي
وداد :هذا سيت النوم انتي متحتاجي راح اخذه لان حبيبي قاسم يحب هيج لون
وهاي الفلوس هم انتي متحتاجيها لان متصرفين شي
وعلي خطيه ينطيج يوميه
واكيد متكدرين اجاوبين لان انتي خرسه
ديمه : اني مااحجيت ولا جاوبتها
وداد :شفتي مو اكلج خرسه وحتى واذا حجيتي شجاوبين مثلاً
تكوليلهم وداد اخذت سيتات النوم مالتي كلهن
لو تاخذ فلوسي
راح يكولولج انتي شسوين بسيتات النوم وبالفلوس
خلي وداد تستفاد منهن
ديمه : ماحسيت غير صوت علي
علي : ليش متحتاج سيتات النوم والفلوس ست وداد
_______
لاتنسون النجمة والتعليقات الحلوة

حبيباتي ني بعدد ما اكدر انشرر من البارحةة خلص الاشتراك بلنت واليوم اجيت لبيت بيبي ونشرت البارتات لعندي بلكتتت اليووم نشترك اددعوو😂😂🤦‍♀️