بنُت المّدينةة🕊💫

بارت 26👊🏻💔

آلحسرة لبگلبُي بعد مابيه أضمهٌا
‏يمتّى أشيِل بنيه بأيدي وأنتي أمٌها ،

ديمة : خلصت المحاظرات وخابرت على علي
نص ساعه وجاني
اباوع عليه من دخل للكليه
ربي شخالق انت
هي كون احضنه واضمه بكلبي
شكو بيها لو ابوسه
يمه فدوه الطوله
كمت اتغزل بي بكلبي
هفف ياديمه هذا علي راح يخبلج
علي : شكو تتأفأفين
ديمه : هيج من الضوجه
ياالله رجعني للبيت
علي : عبالك سايق الخلفها
ديمه : زين كلتلي علمود اخلي جدي يشوفلي خط
علي : يي ياريت
ديمه : صعدت ويا بالسيارة
والطريق كله ساكتين
اني بكلبي حب وكلام
وهو هم بكلبه حب وكلام
بس منو الي يكسر هذا الحاجز
من وصلنا للبيت
علي : اني عندي شغل ساعه وارجع
ديمه : اوك
نزلت من السياره ودخلت للبيت
وياريت ماادخلت
ياريت ضليت ويا علي
اول مدخلت لكيتهم كلهن كاعدات بالمطبخ
سلام عليكم
بيداء : اهلا باام الكليات
سما : عمه عوفيها اشوفلها واحد غير علي
وعلي يعوفها ويزوجني
بيداء : كون يلكفها ويا واحد ويذبحها
زينب : لاتخافين يمه حظ الك ... كاعد
ديمه : حجيت كلمه وياريتني مااحجيتها
والله حبيبتي كلمن يرى الناس بعين طبعه
اني حجيت هيج لو بتليت على عمري وحياتي
كلهن هجمن عليه زينب وزهراء و وداد وسما وعمه بيداء
موتني كتل
ماعرف منين تجيني الضربات
مابقن عليه لا شال ولا بدي
حتى وجهي مااسلم من عدهن
ومااسمع بس جده زهرة تعيط وتكول الله لايوفقجن راح تموت
بيداء : وموتتهم خلي تموت
لجن اكتلنهاا
طيحن حضها
ديمه : والله الكتل الي نكتلته بهذاك اليوم
لو كافر ماايكتلوا هيج
راشديات وبوكسات وجلاليق
وتدعس برجليناتهن
مااكو مكان بجسمي ملاحه الضرب
ويضربن بحقد وكره
ومااكدر حتى ادافع عن نفسي
لحد ماسما
لزمتني من شعري واني واكعه بالكاع
ولطخت راسي قوي بالكاع
بعد ماادري شنو الي صار
فقدت مااحسيت على شي

علي : اجاني شغل ويا صديقي
رجعت ديمه للبيت
ورحتله
هستوني كاعد انزل من السياره
وخابرني عزالدين اخويه
مجاوبته
ضل يلح بالاتصال وجاوبته
شبيك يويل
عزالدين : علي الحك ديمه راح تمووت نقلناها للمستشفى
علي : ماافهمت كل شي
رجعت ركبت السيارة
وطلعت للمستشفى
وصلت للمستشفى
اركض اريد اعرف شبيها ديمه
لكيت اخواني كلهم وجدي واكفين
وابويه شكله يخوف
كاعد بالكاع
والدمعه بعينه
خفت اجمدت بمكاني حتى مااكدر امشي
شكل ابويه لحد هاي اللحضه بعقلي
كلت ديمه صار بيها شي
اجاني مناف اخويه يركض
شبيها
مناف : والله ياخوي سالفتها ماادري شكلك
علي :احجي ترى كلبي راح يوكف
مناف : اكو كسور بجسمها
و راسها صاير بي ارتجاج ومشكوك
علي : شلون صار بيها هيج
شنو وكعت لو شنو
مناف :بعدين نحجي
علي : ضلينا ساعتين ننتظر
وطلع الدكتور
علي : ركضت عليه
احجي دكتور
الدكتور : شنو هاي واكعه من الطابق العاشر لو شنو
علي : دكتور احجي اروحلك فدوه
الدكتور : شحجي يمعود
عدها كسر بيدها
وكسر برجلها
وفطر بالجمجمه
وراسها مشكوك 5 اخياطات
هاي مااعدى
الكدمات الي بجسمها
علي :يحجي الدكتور واني صافن
من راح الدكتور ياالله صحيت
باوعت عليهم
احجوا شصار
نزلتها كلشي مابيها مثل الورده
شصارر وياها فهموووني
الشيخ رسن : من نرجع نتفاهم
علي : شنتفاااهم جديييي اريدددددد افهممممم مرتي عفتهاااا ساااعه
ارجععع الكاااهااااا بهااااااي الحااااله
لكممممم رجاااااال مااايتحمللل الي صااارلها
عزالدين : احجوله الصاررر لوو تخااافوون تحجوون
الشيخ رسن : بعدين مووو هسه
عزالدين : ليششش موو هسه
علي مرررتك توولوها
طبيتت لكيت دمهااا بكل مكاااان
علي : منوووو الي كتلهاااا
مناف : الله اكبر عليهن
امك وخواتك ومرت اخوك وبنت عمك
علي :ليييييييششششش
عزالدين : لكم لوو حااقدات ميسوون هيج
علي : ناار وبكلبي تشعل
اريد ارجع احركهن
يصيرر خيررر
دخلت على ديمه وتخبلت بزياده
الرجل مجبسه والايد مجبسه
الكصه خاليلها لاسقات
والحنج لاسقه
والراس كله شاش وملفوف
كعدت يمها والله الدمعه نزلت من عيني على منظرها
لزمت ايدها السليمه
اباوع على ايديها الكانونه
والساعد مال ايديها كله طكع زرك مال الضرب
بستها من كف ايديها
ووعدت نفسي اخذ حقها
ديمه جوريتي الحلوه
فتحي عيونج الزركه
وداعت لوعه كلبي عليج الا اخذلج حقج

يومين واني بالمستشفى ويا ديمه
مرجعت للبيت ولا خليت احد يجي
بهاي اليومين ديمه تفتح عينها تون وتتوجع
ينطوها مسكن و ترجع تنام
باليوم الثالث صحت
كامت تبجي
هاا حبيبتي اني يمج ياعمري
ديمه : جسمي يوجعني
علي : هسه صيرين زينه حياتي
ديمه : كعدت اباوع على روحي
متكسره والله انقهرت على نفسي
ايدي ورجلي وراسي
هاي ماعدى الوجع الله لايشوفه الواحد
ماشفت احد بس علي
بكل خطوه ويايه
رابع يوم وجودي بالمستشفى الدكتور سجلي خروج
علي جابلي كرسي متحرك
هاي شنو
علي : اذا انتي صايره كرندايزر شلون تمشين
ديمه : ههههه صدك صايره كرندايزر واكع عليه طابوكه
علي : ياطابوكه يمعوده كولي لوري طابوك
ديمه : شكلي صاير يخوف مو
علي : بااتعس حالاتج تبقين جوريه
ديمه : صدك
تقرب مني وباسني من كصتي
علي : وداعتج احلى جوريه
ياالله خلي نرجع للبيت
ديمه : اخاف
علي: لاتخافين اني وياج وراح اشوفين
ديمه : شالني علي من خصري
وكعدني على الكرسي
عدلي شالي
علي : هاا ننطلق
ديمه : هههههه اخاف ارجع للمستشفى بس هل مره بغير قسم
علي : لا راح ارجعهم هما للمستشفى
ديمه :طلعنه من المستشفى
واني كلش خايفه
احس كلبي قابضني
وعلي رغم تصرفاته ويايه بحنيه
بس من اباوع عليه داخله غضب جبير
عيونه حمر واعصابه مشدوده
مبين عليه موراضي على الصارلي
من دخلنا للبيت نزلني علي
من السيارة
شالني ودخلني للبيت
كلهم جانوا موجودين
عبالي علي يصعدني للغرفه
بس كعدني بالاستقبال
وكلهم يباوعون علينه
علي : مرتاحه بكعدتج
ديمه : صعدني للغرفه
علي : تحملي شويه واصعدج
بس مرتاحه  بكعدتج لو لا
ديمه : يي
علي : تمام
____________
3 على واحد يدوب اربعه على واحد حراااااام 😂
ام الديم ترى 5 هوواي كلششش هوواي
لو كل وحده راشدي هم نلاكيج بالفتحه الخامسه 😂
لاتنسون الكتله 👊🏻👊🏻
قصدي لاتنسون النجمة والتعليقات 😂❤️