بنُت المّدينةة🕊💫

بارت 34😔

صباح الورد حبايبي

الحديث مع روح تحبهاسعادة تغنيك الدنيا بكاملها،💜"

ديمة: الي سويته بزينب مثل الي صحاني على نفسي
اني شكاعده اسوي
هذا مو طبعي ولا هاي افكاري ولا هاي ديمه من الاساس
ليش هيج سويت بيها
اذتني اوك اذتني
بس اني اذيتها اضعاف اذيتي
يمكن هي اذتني نفسياً
اني اذيتها جسدياً ونفسياً
حركتها ومااعرف شنو الي صار بيها هسه
صعدت اركض الغرفتي
وكمت الوم بنفسي على الي سويته
من اذكر اعياط زينب اكرهه روحي
واتخيل نفسي بمكانها
كمت اتلمس صدري وبطني ورجلي
حسيت الحرك بيه
وعياطها بذاني
اني حتى عمو نصير اذيته
خليته يلوم نفسه
كعدت بالكاع وشبكت رجليه الصدري
وضليت ابجي
واشهك
حسيت روحي مجرمه
واردد ديمه صرتي مجرمه ديمه صرتي مجرمه
انتي انسانه حقيره
يي اني انسانه حقيره
اني اذيت روح
يمكن تموت
يمكن هسه كاعده تتوجع
ضليت على هاي حالتي 3 ساعات بين عذاب الضمير وبين تخيل نفسي مكان كل وحده بيهن
واكول لو وداد محرضه علي عليه وكاتلني ودازتي الاهلي
لو زهراء خلت اخويه يضربني
لو زينب خلت ابويه يحركني
بهاي الحاله لو كل انسان يخلي نفسه بأذيه الغير قبل اصدار اذيته
جان محد كدر يأذي غيره
وكلام ديمه جان جداً واقعي
لو قبل ماتخطي هاي الخطوات بالاذيه مخليه نفسها بمكانهن
جان مااعذبها ضميرها
ربي سامحني
هما اذوني واني اذيتهم
اغفرلي ذنبي
انت متقبل بأذيه النفس واذيه مسلم
واني اذيت نفسي واذيت مسلم
سامحني
صحاني من كلامي ولوم نفسي صوت علي
علي : حبيبتي ديمه شبيج
ديمه : علي اني مجرمه
اني مااستاهل حبك
علي : انتي شكاعده تحجين
ديمه : علي ابوس ايدك طلعني من هذا البيت
قابله اكعد بغرفه بصحراء
والله قابله بكل شي بس طلعني من هذا البيت
علي : اهدي ابويه واحجيلي
ديمه : جنت احجي وابجي واشهك
ولازمه علي من ايده حسيته راح يضيع من عندي
علي اني صرت وحده مو زينه
هذا البيت خبلني
اني والله موو هيج والقرآن مو هيج
علي : احجيلي كل شي
ديمه : اوعدني  تبقى ويايه واطلعني من هذا البيت
اموت اذا عفتني والله اتخبل
علي :خلص اوعدج بس احجي الحقيقه
ديمه : علي اني ورى كل المصايب الي صارت بالبيت
اني الي حرضت قاسم وكلتله وداد خلت مي على باب عرفتك وسوتلك سحر علمود تخضعلها
واني الي وصخت ملابس مناف وخليت مناف يكتل زهراء
من اذكرت زينب طكيت بجي
علي:احجي
ديمه :والله العظيم مااجنت ادري زينب راح يصير بيها هيج
علي :لج انتي شكاعده تحجين
يعني انتي الي حركتي زينب
بس شلون وهو ابويه الي ذب عليها العصير
ديمه : موو. اني خليت ملح ابدال الشكر بالعصير
والله ردته بس يعيط عليها لو يضربها
ماااجنت متخيله يحركها
علي : الله اكبر
لج زينب احتركت وعياطها اخذ المستشفى
فرفحت رووحهاا ابويه وامي يبجون على عياطها
انتي شسوويتي
ديمه : والله مجنت اصور تحترك جنت متخيله بس يعيط عليها
علي : لج عووفج من زينب
ووداد لج قااسم يريد يطلكهااا
تعرفين لووو لا
وبس انجيب اسمهااا يتخبل
يعني راح تطلك بسببج
ديمه : هيييي الي مووتت ابني وحرمتني من عنده
علي : شكاااعده تحجين هي شعليها
ديمه : هييي جانت تخلي كلور وتيزاب بالحمام علمود اني استنشق الريحه
وضلت كل يوم هيج اسووي لحد ممات الطفل
علي : الله راااااااح اتخبلللللللللللل
كل هذاااااااا يصيرررر وانيييي ماااادرييي
لييييشششش مكتيلييييي
ليشششش محجيتييييي
ديمه : لان مراح اسووي شي
جانت كلمتي هاي غلط بالوقت الغلط وبالمكان الغلط
علي : صح مراح اسوي شي لان مو رجال
واخذ حق مرتي
ديمه : مااقصدي
علي : قصدج ولا مو قصدج
مهما يكون اني عار وماانعد على الزلم
بس من توصل يكتلون ابني مراح اسكت
ومن يأذون مرتي هم ميصير اسكت
ديمه : لاتكبر الموضوع وتفهمه من وجهه نظرك
علي : لا ممكبره للموضوع
بس خلي يكون بمعلومج وانتي انسانه واعيه ومثقفه
وتعرفين رب العالمين
من تأكدتي من وداد هي الي كتلت الطفل
المفروض تكولين واني اصرف
وحتى واذا ماكلتي
مااصيرين مثلها وتخلين ايمانج برب العالمين قوي
وتكولين ربي هو يااخذ حقي وحق ابني وحركه گلب زوجي
مو اصيرين مثلها مجرده من الانسانه وتقتلين طفل
ديمه : بس اني مااكتلت طفل
علي : صح بس انتي حركتي بنيه
وخليتي ابوها وامها يبجون عليها
وانتي راح اسببين بطلاك مره من رجلها وتخربين بيت
وانتي سببتي بأذيه علاقه اخ بااخته
شنووو فرقج عنها فهميني
ديمه : جان كلام علي كله صحيح
مثل الضربه الي اجتي علمود اصحيني بالوقت الضايع
كمت ابجي
علمود هيج اكلك طلعني من هذا البيت حباب
خايفه اصير اضرب منهم
خاايفه اجررد من انسانيتي
خايفه الكره والحق يملون كلبي وعقلي
رد علي جان قاسي بشكل جبير
علي :صح لازم اطلعج من هذا البيت بس مو علمودج
علمود اهلي اخاف عليهم منج
ديمه : كال هاي الكلمات وطلع من الغرفه
وجانت هاي الكلمات اخر كلام نتواصل بي مع بعض
لليل وعلي ماكو
والي عرفته من عزالدين بايت بيت عمو يوسف
ثاني يوم الصبح كعدت
على صوت كلامهم
نزلت شفتهم جايبين زينب
وعيونها حمره وعمو نصير كاعد يمها يبوس براسها
ويكللها اسف والله اسف
جانت بطنها وصدرها ملفوفات بشاش
والكرايب من عرفوا زينب احتركت
صار البيت مابي محط رجل
ناس طالعه وناس طابه
والخدمه وكعت عليه وعلى عمه ريحانه
واني عيوني على الباب انتظر شوفه علي
الي اختفى وماابين
واسأل عليه عزالدين يكول كاعد بالديوان
ويا الشباب
تخبلت اريد اشوفه
يومين علىً نفس الخطار والخدمه وعلي ممبين
حتى ينام بالديوان
ادك عليه ميجاوب ومن الح بالدك والمسجات يقفل التلفون
اريده حسيت فاقده شي ثمين
وهو ماكو عاقبني بااقصى عقاب
هو حرماني من عنده
ويعرفني كلش زين اتخبل اذا مااشوفه
رابع يوم من غياب علي
جنت كاعده بالغرفه ولازمه المحبس والسبحه مالته
واباوع عليهن
وحسيت الباب انفتحت
درت وجهي وشفت علي
بسرعه كمزت عليه حضنته وابوس بي
بس هو وخرني من حضنه
علي : _____
________
عذاب الضمير اقسى انواع العذاب
لاتنسون النجمة والتعليقات الحلوه حبايبي ❤️