بنُت المّدينةة🕊💫

بارت14❤

سلااام عليكم حبايبي🥺❤
.
.
.

.
أصبَر الروح بالدخان
وأجيك من الرماد ولاية محتركَه،

ديمه : كعدت من النوم جسمي متكسر
ومابيه اكوم والدنيا مغرب
وبلاعيميي طاكه
شدعي عليج بيداء
كمت غسلت وبدلت
ونزلت لكيتهم كلهم موجودين وعلي ماكو
وعزالدين شكله يموت ضحك
حواجبه معكودات والخلقه مكلوبه ومبين هو هم كاعد من النوم
رحت كعدت يمه
ها شو مطنكر
عزالدين : مريض وابو النصور رزلني
ديمه : ليش
عزالدين : بعدين اكلج
نصير : هاا حبيبتي هسه كعدتي
ليش متغديتي
ديمه : جنت نايمه
نصير : شبي صوتج
ديمه : بلاعيمي شويه توجعني
نصير : من شنو شو الصبح عفتج مثل الورده
بيداء : من اللعب بالمي
نصير : لعب بالمي شنو
زينب : طلعت تلعب بالمي برى وانت بابا مانعنى نطلع برى
نصير : يعني لعبتي بالمي
زينب : يي ويا عزالدين
نصير : لك شلون اطلعها برى تلعب بالمي
عزالدين : مو جنا ضايجين كلنا شويه نتمطر
نصير : انت متبطل طلايبك
ديمه : عمو اني الي خابرت على عزالدين وتوسلت بي يجي نلعب
عزالدين : انتي ليش اجذبين
ترى بهاي سوالفج ميحبوج ولا راح يحبوج
الشيخ رسن : بشنو مجذبه
عزالدين : كوليلهم احجي شبيج
ديمه : عزو مريضه
بيداء : لا كوليلهم خاف احنا ذبحناج اذيناج
تعبناج
شو تريكتي ولعبتي وصعدتي
عزالدين : يوم اذا عرف علي يحرك البيت
لاتخليني احجي
بيداء : شتحجي ياابن بطني هاي عود اني اكول عزوز احن واحد بيهم
عزالدين : استغفرالله كوومي زينب جيبيلي دوه وارحمي روحج من سمج وعوفي ديمه بحالها
لا علي يذبحج
زينب : واني شكو
عزالدين : تعرفين انتي شكو واذا ديمه ماتحجي اني احجي
علي : عز كافي
بيداء : يمه شوفه شلون يطول اللسانه عليه وعلى اختك
علي : يمه كافي
بيداء : ترى احنا ممسوين شي وليدي
علي : ولا اني مسوي شي
بس كاعد اكول كافي
ولا عبالكم اذا ديمه مكالتلي يعني ماعرف شيصير
نصير : علي اصاير ترى مكاعد افهم شي
علي : ماكو شي يابه
نصير : استغفر الله
شو انتي تعاي اشوفج
ديمه : مابيه
عمو كعد يمي وحضني ويبوس براسي
نصير : هاي مصخنه
خلي اكوم اجيبلج دوه
ديمه :لالا خليك يمي اني اصير زينه
نصير : كوم وليدي مناف جيب من الصيدليه دوه
كول للدكتور حرارتها مرتفعه وبلاعيمها مطبكه
جانت تلعب بالمي وتمرضت
ديمه : ااني بطبيعني احب كلش ادلل على عمو نصير
لان من هو كلش حنون فمن ادلل عليه ينطيني حنان وحب
عمو
نصير : عيونه العمج
ديمه : نصيرو اني مرزانه
نصير : اروح فدوه للمرزانه هسه ابوسج وتروح الصخونه
ديمه : علي كاعد مقابيلنه ويباوع علينه
تقصدك اكول هيج
نصيرو حضنك يدفي
شو احضني بعد
نصير : تعاي حبيبتي
لج صايره تنور من الحرارة
ديمه : يي مو اني مرزانه
نصير : هسه نجيبلج دوه
علي : كومي اصعدج للغرفه تنامين
ديمه : لا عوفني يم نصيرو
علي : استغفرالله كومي بنتي
ديمه : اوك
كاعده امشي شلون تجي زوجه قاسم
وداد : وين رايحه تعاي ساعديني بالعشا
ديمه : كاعده اجاوبها
وعلي حجه
علي : عوفي ديمه اخويه هي مريضه وبعدين هي بعدها عروسه
وداد : خليها بس اساعدني
علي : مريضه كاعد احجي شوفي زينب لو فاطمه
وانتي اصعدي
ديمه : صعدت كم درجايه ودخت
لزمت الدرج قوي
وحجيت بصوت ناصي
علي علي
علي : ها شبيج
ديمه : دخت
علي : تعاي
ديمه : لزمني علي من ايدي وايده الثانيه صارت على خصري
من خلى ايده على خصري بسرعه باوعت عليه
صارت عيني بعينه
ضلينه واكفين على الدرج واحد يباوع على الثاني
عيونه رغم جمالهن واي شخص يباوع عليهن يحبهن
بس غامضات
مااينطن ايي شي
اكو اشخاص تكون عيونهم فاضحتهم بس علي ابداً
حجيت بدون ماادري
عيونك
علي بصوت ناصي : شبيهن
ديمه : منو هنا
علي : عيوني
ديمه : مثل الي حسيت على روحي انو كاعد يستجوبني
علي صعدني دخت
علي : ماشي
ديمه : صعدني للغرفه
ونمت على الجربايه
شويه ودك الباب مناف جايب دوه
شربت الدوه ونمت
ماحسيت بشي بس احس علي يروح ويجي فوك راسي
كعت الصبح لكيته واكف يم الشباك ويدخن
واني ملابسي متغيرات
وشعري ملموم بطريقه عشوائيه
حجيت بصوت مسموع
صباح الخير
علي : كعدتي صباح النور
ديمه : اصار ومنو غيرلي ملابسي
علي : الي صار ارتفعت حرارتج كلش
ومانزلت بالدوه
شلتج للحمام وسبحتج
ياالله فكت من عندج
ديمه : ماحسيت بشي
علي : يي من ورى الصخونه
ديمه : شكراً
علي : عفواً
ديمه : شفته كاعد يبدل
يعني اكيد راح يطلع وعجوزه المقابر تجبرني انظف واني والله مابيه حيل
علي
علي : ها بويه
ديمه : راح تطلع
علي : يي عندي شغل
ديمه : ابقى بس اليوم
علي : ليش
ديمه : والله مريضه ومابيه اتحرك حباب ابقى
علي : استغفرالله
باقي عمي
ديمه : فدوه الكلبك
راح كعد على القنفه الموجوده بالغرفه
ويلعب بالتلفون ويكتب
اجا بعقلي يحجي ويا حبيبته
فقررت اسأله
احمم علي ممكن اسألك
علي : يي اسألي
ديمه : شلون تعرفت على حبيبتك
علي : يا حبيبه
ديمه : الي جنت تحجي وياها
علي : هاا والله انتي عقلج بي شي
ديمه : سولفلي عليها
علي : شرح يصير اذا سولفتلج عليها
ديمه : مرتح يصير شي بس مادام كاعدين ماعدنا شي
علي : ماشي راح اسولفلج عليها
ديمه : اوك ياالله
علي : اول شي كلش كلش حلوه
وعيونها اجمل شي شفته بحياتي قادره هاي العيون تأسرني
من اباوع على عيونها اريد الوقت يوكف وهي ماتتحرك ولا ترمش
علمود اشبع من شوفتهن
ديمه : وشمعنى عيونها
علي : هههههه لان عيونها تحجي كل شي بداخلها
ديمه : غير عيونها
علي : شخصيتها احبها كلش
ديمه : شبيها شخصيتها
علي : قويه ومتحب تنظلم حتى وان مقادره على شي بس ماتسكت على حقها
ديمه : امم حلو وبعد
علي : روحها
ديمه : شبيها روحها
علي : ههههه روحها حلوه مليانه حيويه وتحب تعيش
ونقيه بشكل مو طبيعي مثل المي الجاري
كل شي بيها حلو
يمكن غيري ميشوف هذني الصفات الي بيها
بس اني اشوفها
اول مرة كلبي هيج يدك وتختلف دكته
ديمه : مادري ليش ضجت بس حبيت يحجي
ليش عندك تجارب سابقه
علي : يي عندي ولحد الان عندي
ديمه : يعني شلون لحد الان ترى انت مزوج
علي : هههههه لحد الان اروح ملاهي واشوف بنات
وجنت اتقربلهن لحد مشفتها بطلت
ديمه : هي متقبل مو
علي : لا هي معليها اني الي مااقبل
ديمه : ليش
علي : لان اذا اتقرب تجي عيونها الحلوه كبالي
ديمه : كوني زوجتك بعد ممنوع تروح الهيج اماكن
علي : هههههههه حلوه هاي
اخذيها نصيحه كوني هادئ اليوم
لاتحجين ويايه لا بصيغه تهديد ولا بصيغه اعناد ولا بصيغه امر
لان راح اعصب واعاند واأمر
ديمه : سوري مسيو علي بس بعد لاتروح
علي : عود افكر مااروح
صدك انتي خليتيني اسويلج غرفه وهي لحد الان فارغه شتريدين تخلين بيها
ديمه : خلي اصير زينه واضبطها
مشت الايام وصرت زينه
وعمه بيداء وزينب وفاطمه ووداد لعبو بيه طوبه
من يطلع علي يشوفوني نجوم الظهر ومن يجي كله حبي وحياتي
خلوا عليه مسح البيت وتنضيف  الطابق الثاني كله حتى الحمامات مال الطابق الثاني
وغرف الولد مناف وعزالدين
من عرف علي اني انضف غرف الولد كلب البيت عليهم
وخلوا فاطمه هي الي تنضف الغرف
بس ياريت باقيه اني
لان الحقيرة كامت تخبث
من اشوفني امسح تطلع للسطح تخلي رجليها مليانه تراب
وتدخل ورايه من امسح تخليني اعيد المسح
لو الوصخ مثلا كطوف الجكاير والحب الي بالغرف
اشيلهن وتشمرهن بالكاع النضيفه وتخليني ارجع امسح
واني ابداً مااحجي ولا افتح حلكي اشتغل بسكوت وبدون صوت
كومه يحجن عليه ويغلطن واني اسكت
تعبت من كثر ماارجع واعيد بالمسح لو بالتنضيف وهي مو
اذبهن كلهن لو توصخ مره وحده لا كل شويه ذابه شي لو موصخه شي
تخلي ضهري يوكف من التعب هاي ماعدى صعده ونزله
ضعفت كلش وتعبت كلش
لحد ما يوم جنت امسح الطابق الثاني تأخرت ياالله مسحته
لان علي خابرني وكال اذا تريدين شي اجيبه ويايه
وضلينه نسولف
المهم
من طلعت امسح الطابق الثاني خلصته كاعده اخض وصله المسح وجلفتت الحمام فطلعت علمود اسبح بحمامي واغير ملابسي لان علي راح يجي
من طلعت شفت رماد الجكاير وكشور الحب
على طول الممر
وفاطمه بعدها كاعده اذب الرماد وكشور الحب
من اندارت شافتني
فاطمه : ارجعي امسحي ولا تحجين
ديمه: انقهرت كلش لان تحجي ويايه بطريقه اني خدامه ومن تحجي تضحك وتهز بروحها
والله ماامسح والخلق الكون كله ماامسح
واريد اشوف الرجال الي مزوجته شراح يصرف وياكم
عليت صوتي وخليت الكل يسمع
بيداء : واخيراً الخرسه طلع صوتها
ديمه : نزلت عليها
لا والله موو خرسه اني بس سااكته احتراماً العمرج واحترماً العمو والعلي
ولا اني اللساني مو متر لا اربع مترات
بيداء : يمه يمه ييي طلعي يااحيه من وكررج
ديمه  : والله انتووو الحياايه كاااافي تعب
دخل عمو يركض ويا عزالدين وجدو
الشيخ رسن : شكووو اصواتكم طاالعه
ديمه : جبتني هناااا وحكمت عليه ازوج
علمود شنوووو فهمني
هاااا شنووو الي ستفاااديته
نصير : شكو ديمه
ديمه : تعببببت يااااااانااااس تعببتتت
ماااااريد حيااااتكم
مااااااررريدهاااا
علي : نصييييييي صووتج لا اكتمه الج
_____
شراح يسوي علي هنا
انطوني ارائكم
ولاتنسون النجمة والتعليقات الحلوة