بنُت المّدينةة🕊💫

بارت 30 💔🙁

هلاو حبايبي 🎗

بين أمسح دَمعتي وبين ارد مكسوّر
وبين أضحك چذب مابيّن البيّه ،
...
ديمة : الي صار ويايه من ورى وداد خلاني مذهوله
من كميه الحقد والكره اتجاهي
واني ماسويتلها شي
مكافي باكت فلوسي وملابسي
لو مكافي ضربتني وكسرتني
لو مكافي طلعت عليه لقب الخرسه
وكل هذا الاشياء ماعدى كلامها الي اول مشوفني تكوم اذبه
من غير رحمه
واني كل شي ممسويتلها الله شااهد عليه
من هذا الي صار
بطلت وداد تحجي ويايه ولا ويا علي ابداً
حتى السلام كطعته
اما قاسم الي ابد متفاجئت من تصرفه
لان جنت اعرفه
كام ميسلم عليه ولا يحجي ويايه
ومن ادخل من يمه يستغفر ربه عبالك شيطان وفات من يمه
وبنفس اليوم
حاجي ويا علي
علي : جنت كاعد بالديوان ويا مناف
ودخل قاسم حتى سلام مسلم
مناف : خيرترى السلام ال الله
قاسم : انتو كلكم باطلين
علي : احجي عدل
قاسم : حااجي عدل بس انتو باطلين تسكتون عن الحق
مناف : عن شنو سكتنه غير نعرف
قاسم :سكتوا من ست ديمه سوت سحر النا اني ووداد ووكفتوا وياها عمن هي بنت عمكم ومنكم وبيكم
علي : لا مااوكفه لان هي بنت عمنا حجينه الحق الي لازم ينحجي
ديمه من اول مااجتي مجانت عاجبتها عيشتنا
والي صار يارجال بيوم عرسك مخاازي
هي طلعت للحديقه مراحت الغير بيت او غير مكان علمود
نكدر نكول سوتلكم سحر
ومن رحت وراها اني جانت متقززه من الي كاعد تسمعه
حتى بيومها كالتلي اكرهكم كلكم وانتو نااس همج
قاسم : علىً شنو متقززه وناس همج
الي يسمعك يكول حبلتها من المس
علي :راح اكوم اهطررك بالكاااع
طااايح الحظ
احجييي عدل ويايه
قااسم : اني الي سوويته مووو عيب العيب على اليعرف عن الحق ويسكت
مناف : علي انتظر
قاسم ياا حق الي سكتنه عليه كاعدين نكلك ديمه طلعت للحديقه
وبسرعه راح وراها علي
وعلي فهمك الي صار
وانت من تكول الي سويته مو عيب لااا عيب
وحرام هم بس جيب الي يفهم
قاسم :اني لو عندي امكانيه جاان طلعت من البيت
شنو مصيري صارلي  اكثر من 8 اشهر ومرتي مكاعده تحبل
علي : وشنسووويلها مراضيه تحبل
احناااااا شكوو
روووح وديهااا للطبيب
مناف : قاسم ترى انت الي كاعد هسه تحجي عيب
روح اخويه المرتك
وانت علي اهدء مابيه حيل يرتفع ضغطك
علي : طلع قاسم واني تخبلت من كلامه
لك مناف هذا صدك يحجي
مناف : عوفه يااخوي غير مرته تذبحه اذا مينزل يهوبس علينه
ديمه : جنت كاعده بالغرفه
ارسم بصوره عليه وكل شويه اخذلي صفنه عليه
مندمجه كلش مشغله اغاني وارسم
واغني ويا الاغنيه
محسيت من الباب انفتحت
علي : تدرين شكلج مغري وانتي بهاي الحاله
ديمه : يمه هاي صارلك شكد انت هنااا
علي : من بدت هاي الاغنيه
ديمه : ممممم يعني جنت صافن على حبيبتك
علي : ييي شكاعده ترسمين
ديمه : تعاال وشوف
تقرب وشاف الرسمه بعدها مكامله بس واضحه
علي :هاي اني بس شوكت اخذتيلي هاي الصوره
ديمه : بيوم عرسنا من تقربتلي قبل شهرين
علي :هههههه حسبتي يوم عرسج من يوم الي تقربتلج
ديمه : يييي هذيج الفتره جانت فتره تعاررف
باسني من كصتي حسيت بي شي
حبيبي شبيك
علي : شويه ضايج
ديمه: تعال اكعد هناا
هسه جايه
علي :ماشي
رحت للثلاجه الي بالغرفه جبت عصير
اشتريت هاي الثلاجه من حبلت لان صرت اشتهي واجوع هواي
فشترالي ياها عمو نصير صغيرونه اخلي بيها العصير والنساتل
اخذت منها العصير ورحت العلي
تفضل استاذ علي
علي : يي والله اجه بوكته
ديمه:شرب العصير واني اباوع عليه من خلص حجيت ويا
شبيك حبيبي منو وياك
علي : قاسم شويه ضوجني بكلامه
ديمه :شكلك
علي : يمعوده كاعد يدافع المرته
والله خايف عليج منهم وين اخذج
انتظر بس تنباع الشقه واخذ فلوسها
وابني القطعه الي هنا
ديمه : على راحتك حبيبي بس من شنو خايف
علي : ديمه وردتي الجوريه
انتي متعرفين وداد شتكدر اسوي
واني مااريد اجازف بيج
اذا مسوج بورده اتخبل
عاد تأذيج
ويارب يطلع تفكيري غلط والله مااتحمل
ديمه : يووو لاتفكر افكار سلبيه
وخرها من عقلك
يكولون المرأة الحامل تجيها افكارسلبيه
شنوو قررت تحبل ابدالي
علي : هههههه اخبال
ديمه : اضحك حبيبي تروحلك فدوه وداد الزركه
بيومها ردت بس اقلل القلق الي استحل عقل علي بعد مسولفلي كلامه ويا قاسم
ردت اريحه واطمنه بس اني شكو خوف استحل كلبي
وجنت اجذب احساسي بيوم الي افكر وداد تكدر تأذي طفل صغير بعده مجاي للدنيا
جنت اكول مستحيل صح هي حاقده
بس متوصل الهاي المواصيل تكتل طفل
بس يااريتني مشيت ورى كلام وخوف علي
ياريت صدكت احساسه وكذبت احساسي
المهم الياريت متفيد والحمدلله
بيوم جنت انضف الحمام  الفوك
لان اني عليه الطابق الثاني
كاعده انضف الحمام اول مادخلت ريحه كلش قوويه
مااعرف شنو افرزنها بحيث تخنك
طلعت وفتحت الساحبه علمود تخف هاي الريحه
نص ساعه اني وااكفه انتظر الريحه تخف كثر ماقويه
شويه خفت الريحه رحت نضفته
بس والله على اعصابي انضفه من ورى الريحه
خلصت نتضيفه وطلعت للغرفه مالتي سبحت
شلون مجان
لفيت روحي بالخاولي وطلعت
كعدت على الجربايه
اجر النفس بالكوة كمت اكحكح
دخل علي للغرفه
علي:شبيج
ديمه : مادري شو شويه اختنكت
وجانت غلطتي ماكلت العلي على الريحه الي شميتها
علي: خاف تعبتي من التنظيف
ديمه : لاا مابيه شي
علي : خلي ابدلج اخاف تستبردين
موزين عليج المرض
ديمه : يمه فديت زوجي الي يخاف عليه
علي : شعندي غيرج جوريتي
ديمه :بدلي علي وكل شويه ومتحارشه بي
المهم
ضلت هاي الريحه بالحمام كل يوم اشتمها
واضل واكفه ناطوره لحد متخف الريحه ياالله ادخل انضفها
اسبوع وهاي الريحه كل يوم اشتمها
واني مااحجي ولا اكول شنو هاي الريحه
لحد مدخلت بشهر الثالث
وصادف على الريحه يمكن 8 ايام او 9
واجه اليوم التعيس
دخلت واشتميت هاي الريحه بس هل مره
دخلت فتحت الشباك مال الحمام علمود تطلع بسرعه
ليش انتظر الساحبه تسحب الريحه
بعد القدر ويريد يصير
انتظرت بالباب ماكو 10 دقايق حسيت بفد شي يتحرك بطني
فرحت عبالي الطفل اتحرك
رحت اركض للغرفه
جان يوم جمعه والكل بالبيت
وعلي جان بالغرفه
علي علي
علي : هاا حبيبتي
ديمه :حسيت شي يتحرك بطني
يمكن ابنا تحرك
علي : صدك تحجين خاف متوهمه
ديمه : لا والله
وهااااك هسه هم كااعد يتحرك
علي : ديمه حبيبتي ممعقوله بعده حتى مصاير طفل
ديمه : لعد شنو هااي والله علي كاعده احس بي يتحرك
علي : هههههه هاي من لهفتج تريدي بس يتحرك
تعاي ارتاحي
ديمه : بعدني ممخلصه تنضيف
علي :عوفي
ديمه :كعدت على الجربايه يم علي
شويه وكامت بطني تووجعني
كامت تكطع بيه
كمت اعيط من الوجع
عليييي بطنييييي
علي : شبييج شبيهااا بطنج
ديمه : عليييييي بطني تكطع بيه حمووووت
علي : لج هسه ماااابيج شيييي
ديمه : علييييييي اخخخخخخ كوووم
علي : يوووم يمههه تعااااي
عمه ريحااااااانه
ديمه :لييييش تووجعنيي
علي : كوومي اووكفي حبيبتي
ريحانه : خيرر ابني
علي : عمه اروحلج فدوه بطنها كاعده تأذيها ليشش
ريحانه : لك علي هااااي كاعده تنزززل راحح تطررح
امشييييي ناخذهااا للمستشفىىى بسررعه
ديمه : عمه ريحانه كالت تطرح واني حتى الالم ماكمت احس بيي
لالالالا ماابيه شييي ابني ماابي شيي
حتى الوجع ماااكو راح
علي : عمه شكاااعد يصير
ريحانه : لك كووومها خلي نااخذها
ديمه : كومتني عمه ريحانه وعلي وولبسوني عبايتي وعلى كيف ينزلون بيه الدرج
واني بس ابجي
زهرة :يمه شبيها الفرخه
ريحانه :ادعيلها يمه شكلها راح اسقط
ديمه : هي كالت هيج عمه ريحانه والكل كام يعيط
جده وعمه بيداء وجدو وعمو نصير
بعز الوجع الي اني بيه شد انتباهي
سالفتين
الاولى زهراء كاعده تبجي وتشهك
والثانيه وداد تباوعلي بنظره شماته وحقد
بنفس اللحضه عرفت وداد ورى الي كاعد يصير ويايه
اخذوني للمستشفى
دخلوني الغرفه الفحص
واني على نفس البجيه والشهكه
علي : صعب الي عشته ابني الي انتظره من حبيبتي يروح
بس الحمدلله على كل شي
من دخلت ديمه الغرفه الفحص
شويه وطلعت الدكتوره
علي : بشري دكتوره
الدكتوره : للاسف الجنين نزل
راح اندخلها الغرفه العمليات
علي : تحجي الدكتوره واني بغير عالم
زين وهي شلونها
الدكتوره : ورى العمليه تكدرون اشوفوها
علي :راحت الدكتوره
واني وعمه ريحانه وامي ضلينه واكفين
وامي وعمه ريحانه ضلن يبجن
وينعن براسي
واني الهم الي بيه مكفيني وموفيني
نص ساعه وطلعوها الديمة
الوجهه اصفر والشفه بيضه
وشكلها يصعب على الكافر
___________
لاتنسون النجمة والتعليقات الحلوة
واذا تروحون تكتلون وداد وتبردولي كلبي
ابوسكم من بين عيونكم 💔