مرحباا حبيباتي
.
.
.
تعال شمـا تـٰريد تگول
يكفـي حچاية شلونـك ؟
ديمة: دخل للغرفه علي سكران
نزعته البدي والحذاء
من كاعده ارجعه انيمه سحبني عليه
وكعت اني على الجربايه وهو خلى راسه
على صدري ولزم ايدي
هدئت انفاسه وبدأ يحجي بكلام مكسر
علي :احبها
اموت عليها
ديمه : كل ضني حبيبته الي يحجيلي بيها
الفضول اجاني اعرف اسمها وشكلها
اريد اعرف كل شي عليها
جاوبته منو هي
علي : احبها والله
ديمه : منو هي
علي : ديمه احبها
ديمه : جانت صدمه حلوه بالنسبه اليه وكلش حلوه
من سمعت اسمي كلبي كام يدك بس دكاته ماعرف شلون افرزنها
والضحكه صارت علىً شفتي
حبيت اسمع من عنده بعد
استغليت وضعه اريده يحجي الي ماايحجي وهو صاحي
شوكت حبيتها
علي: متحس بيه
والله متحس
عبالها احب عليها واني احبها
احب كلشي بيها
كاعده تعذبني
شوفي خلي ايدج على كلبي
شوفي شلون يوجعني
ديمه: خليت ايدي على كلبه لكيته يدك سريع
علي: كلبي يوجعني من وراها
جدي يحضنها وابوي يحضنها واني مااكدر احضنها
كرهتهم كرهت ابويه وجدي
ليش اني حضي هيج
ليش متحس بيه
اليوم اجت روحي تطلع من كعدت ومالكيتها يمي
يكولولي شردت
يدوسون بكلبي
رادت روحي تطلع من عرفت الفلاحين شايفين حسنها
ديمه : هو يحجي واني البتسامه مااخذه كل وجهي
وكلبي يدك
من كلماته وانفاسه الحاره الصايره بصدري
هو مغمض عيونه ويحجي
ليش متكوللها احبج
علي : متحس بيها
حتى لو اكوللها متحس بيه
عبالها احب غيرها
واني صرت مفضوح من وراها
الكل تعرف اني احبها وهي متعرف
تمشي كدامي ولافه بس المنشفه على جسمها
واني احترك بناري
ردت احركها وهم متحس
هم لو كافر متعاقبه هيج عقاب
اخخخخخ اخذ حسرات يمها
ومااتكلي شبيك
مااتسألني شلونك
ليش تعاقبي
اني شنو سويتلها
حركتني والله حركتني
ديمه : من كال حركتني والله حركتني
ماادري ليش دمعتي نزلت
يمكن حسيت بوجعه وحركه كلبه
يمكن حسيت روحي صدك ماااحس
ماادري ليش نزلت ولحد الان ماادري
هو نام وانفاسه صارت منتظمه
نزلت روحي بالكوة لان ذاب كل ثكله عليه
وراسه ضل على صدري
ونمت واني اضحك حسيت ديمه من هذا اليوم انخلقت
وبدت حياتها تزهر
كعدت على حركته الصبح
هو فز من شاف نومته
حبيت احرك عليه
علي : هاي اصار
ديمه : كوول شنو الي مااصار
علي : شكو اني شوكت اجيت
ديمه : معقوله متدري اسوويت
علي : لا ماادري كولي اصار
ديمه : يااستاذ علي البارحه اجيت بالليل تعيط وصيح عليه
وتكلي كله من وراج حبيبتي راحت مني
وضليت تبجي عليها
واني انكسر خاطري عليك وخليتك تنام يمي
علي : انجبي انتي كاعده تكذبين
ديمه : ليش اكذب
علي : احجي الحقيقه
ديمه : ماكو بس ضليت تبجي وتحجي على حبيبتك
علي : وشلون نمت على صدرج
ديمه : غير انقهرت عليك وحبيت اواسيك
علي : استغفرالله
مكاعد اذكر شي
ديمه: بس شكد تحبها
علي : هي منو
ديمه : الحاركتك حرك
علي : منوو هاييي
ديمه : انت كلتلي حركتني والله حركتني
واني كمت ابجي وياك
علي : استغفرالله ربي
اني عفت الاماكن كلها واجيت يمج
ديمه : بس ياالله شكد تحبها
علي : هي منو
ديمه : حبيبتك الحاركتك
علي : وانتي شكو مكيفه
والضحكه واصله الاذنج
ديمه : احب اسوالف الحب
والعشاق والرومانسيه
اخخخ شكد حلوه لو واحد يهيج يجي يكلي
انتي حاركتني والله حاركتني
علي : انجبي وولي من وجهي
ديمه : حقك راح اولي من وجهك علمود تجي على بالك
علي : هي منو
ديمه : الحاركتك والله حاركتك
علي : امشييي ولي كااعد اكلج
ديمه : دخلت للحمام واني خربانه ضحك
كمت اسبح واصيح حااااركتني
اخخخخخ حاااركتني
اسعاااف حاااركتني
ضرب الباب قوي
علي : راح ادخلج واحررركج
كااافي
ديمه : حااظر
راح اسكت الخاطر الحاركتك
اني حجيت وهي الباب انركعت
كلت خلي استر على روحي
خلصت
وطلعت وهو كااعد على الجربايه ويهز برجله بتوتر
مكلتلي نعيمن
علي : ولي
ديمه : هاي الخاطرها راح اسكت
علي : هي منو
ديمه : الحاركتك
كام يريد يلزمني
واني شردت للغرفه الثانيه
اضحك ميته من الضحك
علي : راح ادخل اكسرج
ديمه : سمعت صوت باب الحمام انسد
طلعت من الغرفه مشطت شعري وخليت مكياج خفيف
وبدلت
هو طلع من الحمام الحواجب معكوده والاعصاب تريد تطلع من عيونه
كلت خلي اشرد احسن
نزلت شفت وجهه البوم كاعدات
صبحت عليهم كلهم ردت اروح للمطبخ
الشيخ رسن : تعاي بنيتي اكعدي اتريكي
ديمه : خلي اسوي ريوك اليه والعلي
الشيخ رسن :هسه زينب اسويلكم
كومي زينب سويلهم ريوك
وتعاي انتي اكعدي يمي
زينب : حاظر جدي
ديمه : زينب من كالت حاظر جدي حسيتها راح تكوم تخلي القوري على راس جدي
رحت كعدت يم جدو
الشيخ رسن : شلون البارحه تطلعين ويشوفوج الفلاحين
ديمه : والله جدي مو قصدي بس جنت مخنوكه وكلت اطلع افتر واخذ صور علمود ارسمهن
الشيخ رسن : تعرفين ترسمين
ديمه : يي جدي غير جنت بمعهد للرسم
الشيخ رسن : ليش ماترسمين جدج
ديمه : يدلل عليه ابو نصوري
الشيخ رسن : يابعد جدج ضحكتج هاي بالدنيا
والله خايف اليوم اروح للديوان اخاف الفلاحين يهجمون عليه
ديمه : ليش خير
الشيخ رسن : اخاف يجون يخطبوج
ديمه : هههههههه لا جدي كتلهم اني مرت الشيخ علي
الشيخ رسن : بعد شيريد عليوي
ديمه :هااي ابن الحلال بذكره
علي : صباح الخير
الكل : صباح النور
الشيخ رسن : هاي الفلاحين اجو خطابه
علي : عليمن
الشيخ رسن : على مرتك
علي : انت شكاعد تحجي جدي منو منهم اجاك
الشيخ رسن : تهدى شبيك غير مرتك كالتلهم اني مرت الشيخ. علي
علي : يعني طلعتلهم اليوم هم
الشيخ رسن : لا بس اجوني كالوا ردنا نخطب منكم مره بس الردناها كال اني مرت الشيخ علي
علي : يي خلي نشوف بعد منو تطلع الباب البيت الا ادفنها بالبستان
ديمه : جدي سد هذا الموضوع اريد استشيرك
كونك جنت عاشق
زهرة : ولحد هسه عاشك
ديمه : ماكلنا شي عيني زهورة
زهرة : فلك طرج كون
الشيخ رسن : عوفيها يزهرة خلي تحجي
ديمه : جدي الرجال الي يكول حركتيني والله حركتيني وياخذ حسرات شنو يقصد
علي: استغفرالله
الشيخ رسن : معناها يعشك حد كطع النفس
بس منو هذا الي كايلج هيج
لايكون علي
علي : لا جدي هاي من البارحه لليوم تسأل شايفه فلم بالتلفزيون وخبصتني
ديمه : ايا كذاب
علي: راح اكوم اخبزج
ديمه: جدي شفته شيكول يريد يكتلني
الشيخ رسن :شحدى
ديمه : حركتيني والله حركتيني
علي : اني طااالع احسن
واذا رجعت وانتي بقيتي مثل ماانتي
اشبعج كتل
واكطعج تكطع وكل قطعه ادفنها بمكان
ديمه : يمه شهل اجرام
ابو حركتيني
علي: لا هاي اذا اضل هنا ضغطي يرتفع
الشيخ رسن : اليوم شبيكم ارويسيه
علي : ماكو شي ياالله اني اروح
الكل : الله وياك
ديمه : ضليت اليوم كله اذكر كلامه واضحك
حتى من اشتغل
مااحسيت ابد بتعب لان اشتغل واضحك
لو اذكر عصبيته اليوم على الريوك
شكد خبيثه اني
بس والله حلو شكله من يعصب
يستاهل ليش ميكلي احبج
والله الا اخبله
المتعجرف
صح متعجرف بس ديمه شكله حلو
يستاااهل الحقير
اني اعلمك
________
احترك كلبي من وراها
لعبت بي طوبه
الخبيثه
لاتنسون حبيباتي النجمة والتعليقات الحلوة
أنت تقرأ
بنُت المّدينةة🕊💫
Детектив / Триллерبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
