بنُت المّدينةة🕊💫

بارت السابع🥺❤

السلام عليكمم
.
.

.
.
ديمة :والي صدمني
كلام بنت عمو يعقوب سما
سما :اوف ياااعلي شوكت تحس بيه موو متت اتمنى بس يوم واحد تحبني
نورس : لج اسكتي انوب يسمعوج
سما :خلي يسمعوني الي تخلي عينها على علي افكسلها عيونها اني كتلجن
ديمه : عززه هاي صدك تحجي كله عمرها 16 سنه
تفاجئت من جرئتها وكلامها
نزلت وعفتهن يقسمن الشباب بيناتهن
شويه وصارت هوسات راح يزفون العروسين
صعدوا العروسه
بالاول وبعدين دخلوا الشباب
قبل ميدخلون جده شمرت عليه شيلتها البيضه
خلتها على راسي
وصلت على النبي ودخلوا الشباب
كلهم جانوا موجودين حتى اخوتي
ويهوسون ويدبجون
بس علي جان واكف بالباب يباوع عليهم ضليت صافنه ليش ميهوس وياهم هو مو عرس اخو
وخرت عيني عليه وضليت اباوع عليهم
من صعد قاسم ماكو 5 دقايق
وكامو الشباب يحجون بصوت عالي يسمعون بي قاسم
حيدر: لك فضهااا خزيتنا
عمرالدين : شنووو موورجاال لك فضها
كرار : ياااله لك لوو غيرك جاان فضها
ديمه : ضليت يابسه بمكاني من كلامهم وجان كلامهم اقوى بعد من هذا
والنسوان صعدن وكفن يم باب الغرفه
والاضرب من كل هاي التصرفات
انو قاسم من يسمع كلامهم هذا  مانسمع بس عياااط مرته بصوت موجوع
من خوفي وعدم تقبلي للموضوع الي كاعد اشوفه واسمعه
طلعت اركض برى البيت جسمي كله يرجف
كعدت بالحديقه
وما ابالغ من اكول صوت زوجه قاسم للحديقه طالع
شويه وصار رمي طلقات
عرفت منها قاسم اخذ مرته
لعبت روحي منهم
علي: شعندج كاعده هنا
ديمه : لان لعبت روحي منكم
علي : ليش
ديمه : لان انتو ناس همج
علي : ادخلي للبيت
ديمه :ماادخل مراح تجبرني

علي : على شنو اجبرج
بس كعدتج هنا مو حلوه
ديمه : كعدتي هنا مو حلوه وتصرفاتكم الحلوه
علي :مااحب اتناقش وياج
بس ادخلي للبيت لان الشباب راح يسهرون هنا
ديمه : عافني وراح
اني لازم اقنع بابا ارجع للبيت مااتحمل لاتصرفاتهم ولا كلامهم ولا حياتهم
دخلت للبيت
طلعت بوجهي سما
خير
سما : شعندج ويا علي
ديمه : شعندي يعني
سما : اذا تتقربين من عنده والله ماارحمج
ديمه : انتي كلج زعطوطه تحجين حجي اكبر منج شكوو
سما : مااااسمحلج تحجين وياااا افتهمتي لووو لا
ديمه :مطيرين انتي وياااا نااقصتج اني
سما : والله امسح بيج الكااع اذا خليتي عينج عليه
عزالدين : استووووب السبع يطلع دم
ديمه : مااحجي ويا وحده متخلفه
عزالدين : شكو شصاير
ديمه : اسأل هاي الزعطوطه نهبت بيه فرد هبه
سما : مو بس انهب بيج واذبحج هم
علي : هييي شكوو
ديمه : الله جاابك اني عندي شي وياااك
علي : شهل حجي شعندج يعني
ديمه :والله عاد ست سماا تحبك ومن شافتك واكف يمي تخبلت
علي : استغفرالله
اصعدي الغرفتج
وانتي سما عيب عليج هيج تحجين ترى بعدج صغيرة
سما : مااني صغيره اني جبيره واعرف كل شي
ومو عيب احبك
علي: استغفررررررالله
كلتلج ولي من يمي
ديمه : سما كامت تبجي وتحجي
سما : انت ليش متحس بيه والله احبك
عزالدين : سوده على عوده تحبك جيبولي كلينكس ابجي
علي : انت نجب
وانتي اصعدي
وانتي الثانيه ولي من يمي
واذا واحد منكم حجه حرف اسحله
ديمه : عفته وصعدت يسحلني والله ربي
غيرت ملابسي وسبحت ودخلت الغرفه
ضليت اباوع على الحديقه من الشباك
اشوف الشباب شلون يضحكون ويقلدون
مسوين كعده ونراكيل
اباوع عليهم كلهم يضحكون بس المتعجرف كاعد يدخن جكاره ويباوع بالتلفون
شويه وكام راح بعيد يحجي بالتلفون
بس صاير اعصاب
حتى مرجع كعد ويا الشباب صعد للغرفه
هذا اكيد بي شي
تمددت بالفراش وكمت افكر بحياتهم
وبهذا المتعجرف
وبكلام سما
حقها تحجي هيج لان هي طفله مراهقه وشوف كلام الشباب عن يوم العرس بكل وضوح
ومااستحوا
وهي حياتها مبنيه على بس تبلغين لازم تزوجين
حتى دراسه ميدرسن
من هوسه الافكار الي صارت بعقلي نمت بدون مااحس