مرحبا حبايبي ،،،،
يگول :
فـدوه تـروحلچ عـيني..
مـا احـچي ، و تـفهمينـي..
هـاي الـدنيا مـو دنـياچ..
عـوفيها و احـضنيني.🖤🔥
ديمة : كعدت والضحكه على وجهي
صدك الي ينام مرتاح يكعد مرتاح
عاد اني نمت على حضن حبيبي وكعدت على حضنه
قمه بالسعاده
لكيته حاضني وبعده نايم
كمت على كيف لبست روبي
ودخلت للغرفه الثانيه جبت الكامره
وكعدت اخذله كم صوره
اباوع عليه واكول معقوله اني حبيت المتعجرف
وهسه كاعده اخذله صور
كام يتحرك كعدت يمه على الجربايه
واباوع عليه شلون فتح عيونه
اول مافتحهن
صباحو جمال عيونك الحلوة
علي : هههههه صباحج ورد جوري
شو كاعده والكامره بحضنج
ديمه : ييي جنت اخذ كم صوره
علي : المن
ديمه : هيج الاشياء احبهن
علي تعرف اني جنت مااطيقك
علي : اعرف وجنتي تكولين عليه المتعجرف
ديمه : يااا شلون عرفت
علي :من كتلت عزالدين
باول راشدي كلشي اعترف
ديمه : يااااا جباان اني اعلمه
علي :بس ليش مكتيلي
انتي غسلتي المناسف
ديمه : جنت مقتنعه حتى لو كلتلك مراح يتغير شي
بس من اخذتلي حقي من سووني كرندايزر
لاا تغيرت وجهه نظري
علي : ليش تغيرت
ديمه : جنت مقتنعه انت عادي عندك اذا اذوني
بس هسه لاااا
المتعجرف اذا اذو جوريته يمووتهم كتل
علي : كاعده تحجين بثقه
ديمه : طبعاااً
علي اني فرحانه اليووم كلش فرحانه
علي : واني شريد قابل
ديمه : كمت وكفت على الجربايه اكمزز
وهو يضحك
علي : لج راح تنكسر
ديمه :خلي تنكسر انت اجيب غيرها
علي : خلي اكوم اسبح احسن
ديمه : روح وعوفني اللعب
دخل علي يضحك
واني تعبت من التكمز
نضفت الجربايه ورجعت الكامره المكانها
كمت انضف الغرفه
وطلع علي
من الحمام
نعيمن حبي
علي : الله ينعم عليج حياتي
اني راح ابدل وانزل
ديمه : اوك اني اسبح وانزل لاتتريك بدوني
علي :ماشي
ديمه : دخلت سبحت وبدلت ملابسي
وخليت مكياج خفيف
اباوع على وجهي الفرحه طالعه
نزلت اركض على الدرجه
الشيخ رسن : علىى كيفج لا تكعين بنيتي
ديمه : لكيتهم كااعدين كلهم حتى علي
وجدي من حجه هيج رحت عليه اركض
حضنته وابوس بي
حبيبي جدو الجميل صباحك عسل عمري
الشيخ رسن : ههههههههه صباح الفرحانين
ديمه : ييي جدوو فررحانه اليومم
طاايره من الفرح
احضني جدوو
حضني وكعدني يمه
الشيخ رسن : الله يديم عليج الفرحه
بس ليش فرحانه غير اعرف
ديمه : شاورت جدي بصوت ناصي
جدو اعترفنه بحبنه
جدي وخرني وضل يباوع بوجهي
وباااسني من راسي
الشيخ رسن : ههههههههههه قبلج حسيت بحساسج
ديمه : جدوو فررحانه
رحت على عمو نصير الي يضحك على فرحي وهو ميعرف شنو السبب
هذا العم المثالي
والرجل الحنون
رحت عليه وكمت ابوس بي
نصيررو حبيبي
صدقه الوجهك
نصير : هههههههه ييي هي هاي ديمه ام ضحكه حلو
عزالدين : اخوي شمسوي المرتك ومخليها هيج فرحانه علمنا
علي : انجب
عزالدين : يااخوي غير اعرف علمود من ازوج مرتي هم تنزل هيج فرحانه
علي : راح اكوم اهطر راسك بالحايط
وديمه تعاي اكعدي يمي خلي نتريك
ديمه : حاظر حبي
كعدت يمه وصار مقابيلي عزالدين
حجيت بصوت ناصي
يااا جباان
عزالدين : اني عزو طلايب تكوليلي جبان
ديمه : ييي عزو طلايب براشدي تعترف بكل شي
عزالدين : اخاااف من عنده ايده ثكيله
ديمه : جبااان
علي : اكلي وكافي حجي
ديمه: كعدنا ناكل
وخلصنا علي راح للشغل
واني كمت انضف بس
بعدهن المضايقات مستمره
من زينب و وداد
اما عمتي مأثر عليها زعل علي
و زهراء هم كامت تخاف من علي فااكدر اكول بطلت بس مو عتزلت
بس زينب و وداد لا مستمرات
وخصوصاً وداد
شهرين سارت حياتي واني باجمل ماتكون
بحب علي ولهفته ودلاله
وغيرته عليه كام هو يوديني للكليه وهو يرجعني
ندخل للبيت نضحك ونشاقه
شهرين واني بقمه الراحه والفرح
والي زاد فرحي وسعادتي من طلعت حامل
علي من عررف بيه حامل حتى بجى
ويحضن بيه ويبوس
ويحمد ربه
وجده زهرة من عرفت خبصت الدنيا بالهلاهل والصلاوات
وتكول لو بيه حيل جان ردحت
حتى عمه بيداء شفت الفرح بعيونها
ومن باركت العلي
علي كسر الزعل وبوسها وهي كامت تبجي
واني رحت عليه احضنها وابوس بيها
وكتلها اسفه اذا سويت فديوم شي يضوجج سامحيني
وهي حضنتني وكالت انتي سامحيني
اما جدو وعمو نصير
هذولي وحيدهم قصه جابوا ذبيحتين
ووزعوها وعمو نصير كام يرمي طلقات من الفرح
ويصيح راح اصير جدو
بهذا اليوم
الكل جان فرحان واني من فرحتي
مجنت اشوف الناس الي ماتتمنالي الخير
ومتريدني افرح
جنت متخيله مثل مااني افرح للغير الغير يفرحلي
بس الي تأكدته هذا الشي مموجود ابداً
مو الكل مثل صفا النيه وحب الخير
من ثاني يوم من اعلان خبر حملي
بدت وداد اذب سمها
ويني مشوفني تكلي الله لاينطيج
كله بسببج
ودائماً تعدعي عليه ماافرح بحملي
لحد ماايوم دخلت للمطبخ اكل
جنت مشتهيه موز
فتحت الثلاجه مالكيت وكلبي متلهف على الموز
افتر بالمطبخ مثل المخبله عليه
ومن حسن حضي عمه بيداء جانت جايه من السوك
ركضت عليها للطرمه
عمه جبتي مووز
بيداء : اسم الله شبيج
ديمه : مشتهيه مووز عليج الله جبتي
بيداء : هههههه يي جبت تعاي
ديمه : ييي الله ينطيج الصحه والعافيه ياررب
تروحين البيت الله
وينه وينه
كعدت على الميز الموجود بالمطبخ
وانطتني علاكه بيها موز
واني مثل المفجوعه وحده ورى الثانيه
واكل واصيح امممم
والكل يباوع عليه ويضحكون عز الدين يصنف عليه
هو وعمونصير
واني ممهتمتلهم
دخل علي للبيت وشافهم مجمعين عليه واني اكل الموز
وكلوله كاعده تتنسى على موز
علي :ليش مخابرتيني جان جبتلج
ديمه : عمه بيداء الله ينطيها هي جابتلي يمه كلبي
علي : هههههههههه بالعافيه حياتي
ديمه : من بعد سالفه الموز
الشباب كلهم دخلوا للاستقبال
واحنا النسوان بقينه بالمطبخ
وعمه بيداء متقبل اتحرك تكلي خلي بس هاي الاشهر تعدي بسلامه
واني اضحك على كلامها
وداد : عمه ليش متخليها تشتغل مو هي الحيه الصفره الي بسببها اني ماحبلت
بيداء : كولي يااالله وداد
وداد : كاايله ياالله
بس هي جبستني كله من وراها بصباحيه عرسي خلت البيت كله يعيط
وجبستني الله لاينطيها وانشاالله متفرح بالطفل
ديمه :شنوو جبستج ترى مكاعده افهم كلامج
وليش اأذيج شنو عندي عداوه وياج
وداد : طبعاً عندج عداوه ويايه هااي انتي حبلتي قبلي علمود معزتج تغلى عند الكل
ووداد اضل خدامه الج والجهالج
ديمه : شهل عقليه الي انتي بيها
اني حتى بيوم عرسج مبقيت بالبيت طلعت بالحديقه
وساعه السوده الي حجيت هيج
حظي الي حجاني ماادري هي تريد تلزم لزمه عليه
وداد: يييييي طبعاااا متبقين بالبيت
علمووود اسووويلي سحرر
وسوووويتيلي خليتي صباحيتييي عياط وصياااح
علمود يكولون هاااي فكر
وجبستيني خليتينييي ماااا احبل قبلج
الله لااا وفقج ولاااا خلاج تتهنين
ديمه :على عياااطها وصيااحها ودعاويهاااا
اجووي كلهم
الشيخ رسن : شكوو ليش تدعين على حفيدتي
وداد : لان هي هسه اعترفت بنفسها هي مسويتلي سحر
ديمه : اني اعترف شكلت
وداد: قااسم والله هي اعترف مسويتلي سحر تكلي بيوم عرسكم مجنت بالبيت شفت مو كلتلك
قاسم : ليش ديمه هيج سويتي
احناا اسووينالج علمود تأذينا
ديمه : انييي ماااسويت شي وداعت علي مااسويت شي
علي : اهدي ديمه وفهميني شحجيتي
ديمه : وداعتك علي هي من عرفت اني حامل تدعي عليه
وهسه جنت اضحك ويا عمه علمود سالفه الموز وماقبلت اتحرك
شو هاي اكلتني وشربتي
انتي جبستيني وانتي خليتي صباحيه عرسي عياط وصياح
علمود يكولون هاي فكر
واني كتلها ليش اأذيج واني حتى بيوم عرسج مجنت بالبيت
وانت تعرف ليش مجنت بالبيت
وهاي عمه بيداء موجوده اذا صار غير شي
بيداء : يي يمه كلام ديمه كله صح
وداد : هااي كدامكم كاعده تعترف هي مجانت بالبيت علمود اسويلي سحر
قاسم : ليش طلعتي من البيت اذا انتي ممسويه سحر الوداد
ديمه : علي شحجي اني
قاسم : كوولي شنو تستنجدين بعلي
الشيخ رسن : شكو وليدي وين جانت ديمه
علي : جدي ديمه جانت بالحديقه بسبب وداد وقاسم
الشيخ رسن : ليش
علي : استغفر الله شلون اكولها
الشيخ رسن : احجي وليدي
علي : لان بيوومها ست وداد ضلت تعيط من كااعد ياخذها قااسم والكل يشهدد علىً هذااا الشي
شهررتنا شهيرره
وولدناا ماايصدكون هيج سوالف كاموا يحجون حجي سخيف
وديمه طلعت للحديقه علمود ماااتسمعهم
وانييي طلعت وراها علمود اشوف شبيهااا
هاااي كل السالفه
عزالدين : ييي صح حتى بيومها مااكل وياهم اني جبتلها اكل وكعدنا ناكل سويه
وداد : كلكم وكفتوا وياها لان هي بنت عمكم
بس الله لاينطيكم
وانشاالله متفرحون بالطفل
ديمه : حجت هيج وطلعت من المطبخ
لحكها قاسم
________
الحقد والكرهه يأذون الانسان
ويخلوا حتى يغار من الناس الفرحانه
لاتنسون النجمه حبيباتي والتعليقات الحلوة 😍
أنت تقرأ
بنُت المّدينةة🕊💫
Mystery / Thrillerبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
