وحشوني جدًّا والله عاملين إيه؟!
رجعت قبل المعاد وفي نفس الفايل رغم إني كنت مقررة حاجة تانية بس يالا خليها عليا وكنت مش هنزلها واتباد دلوقتي بس قولت بتوع جروب الفيس مش أحسن منكم،استمتعوا بالفصل وإن شاء الله التاني يوم السبت الجاي بس تفاعل بقى وبلاش الشغل بتاع القراءة في صمت ده مش هتخسروا حاجة من لايك يعني شجعوني.
العشق هو تلك الشعلة التي عندما اشتعلت احرقت كل شيء ما عدى المعشوق، وأنتَ بسبب شوكة واحدة تفر من العشق، فماذا تعرف أنتَ عن العشق من خلال الاسم؟!
- جلال الدين الرومي
#قيصر_قصرها
#الجزء_الثاني
#سلسلة_للحب_شعائر_خاصة
- أنا تعبت، كده كتير بصراحة.
صرخت بتلك الجملة سلا وهي في حالة يثري لها حيث شعرها المشعث قليلًا وثوبها الأبيض الذي أصبح يوجد عليه البقع الداكنة مما جعله متسخ وشكلها غير مُرتب ولكن ليس مكروه بينما وجنتيها التي تحتوي على الدقيق الأبيض جعلت شكلها يصبح كالمهرج الذي يوجد في السيرك لتتابعها في الحديث ليلا التي تجلس على إحدى الكراسي المُتواجدة في المطبخ وهي تتنهد بتعبٍ مُتحدثة :-
-يا أختي أنا تعبت، هو أنا بتاعت مطبخ والكلام ده أنا لما بعمل بيضة مسلوقة بقول أنا عملت مش غدا.
أردفت جنة هي الأخرى بتعبٍ:-
-بيضة مين؟! ده أنا لما بعمل كوباية قهوة ليا بنهج.
ثُمّ مطت شفتيها مغتاظة:-
-مش غدا أنتوا بتهزروا، أنا عايزة أعرف مامي وأمينة سابونا ليه نلبس أحنا في الغدا؟!
قالت آزاد بحيرةٍ:-
- طب هنعمل إيه أمينة لو دخلت وشافت المنظر ده هتقتلنا إحنا الأربعة.
نظرت إليها سلا بضيقٍ، وتمتمت بغضبٍ طفولي:-
- كله منك هو حد قالك تتسحبي من لسانك
وأخذت تحرك يديها في الهواء مقلدة كلمات آزاد بصورة مضحكة:-
-سبيها علينا يا عمتو وروحي إنتِ ارتاحي وإحنا هنعمل كل حاجة.
وتابعت تنهرها بحدةٍ غير عابئة بضحكات جنة وليلا اللتان لم تستطاعا السيطرة على نفسيهما:-
- عاملة نفسك شيف شربيني طالما إنتِ مالكيش فيها من الأساس بتتكلمي ليه؟! اتفضلي بقى اتصرفي هو يوم باين من أوله أصلًا .
تحدثت آزاد بزهو كي تداري إحراجها أمامهن:-
- الحق عليا قولت اعمل ليكم قيمة قدام رجالة العيلة وبعدين أنا اعرف منين يعني انكوا مالكوش في الطبخ زيي يعني .
أنت تقرأ
جُ1 بحر النسيان جُ2 قَيصر قَصرها
Storie d'amoreالماضي هل يُمحى؟! سؤال يعرف إجابته الجميع فـليته كان يُمحى لما وصلنا إلى ما نحن عليه الآن كُلًا منا يريد العودة بالزمن ليصلح أخطاء فعلها و ندم عليها و نتمنى مع كل لحظة فرصة محوها من صفحات حياتنا و لكن حتى إن أتت تلك الفرصة يبقى للماضي أثر على صف...
