هو كتابتي بقت مش مستساغه عند حضرتكم يعني الريتش وقع في الأرض من نهاية الجزء الأول متفهمه ظروف الكل بس أنا هكمل عشان إللي مقدرني
الفصل الجاي يوم الثلاثاء المواعيد سبت و ثلاث بعد كدا بس قررت انزل الفصل الثاني بسرعه طول ما هو مكتوب هكمل عشان اللي مقدرني و بس
«قيصر قصرها »
« الجزء الثاني من بحر النسيان »
« بقلم / نوران شمس»
فتحت أعينها بثقل و هي تشعر بذلك الغشاء علي أعينها و الضوء يسطع بقوه عليهم لتتاؤه بتعب شديد و تغلق أعينها بشده تحاول التأقلم علي ذلك الضوء و هي تحاول الإعتدال و وجدت يد تمسكها و تحاوط خصرها بين يديها تساعدها في الجلوس لتفتح اعيونها ببطئ شديد و هي تحاول فهم ماذا يحدث لتجد معها زوجة البواب " صباح " تجلس بجانبها لتنظر إليها بعيون ناعسه متعبة و تمسك رأسها بين يديها و تضغط عليه إلا أن تذكرت ماذا حدث لتتوسع اعينها بصدمه و فزع و الخوف ينهش في قلبها و لتهتف سريعاً تنظر إلي زوجة البواب تصيح بذعر:
_ أية اللي حصل و مين اللي كان هنا، فيه حد كان هنا و اتهجم عليا يا صباح
لتتحدث صباح سريعاً و هي تحاوط كتفيها بين يديها و تحاول تثبيها في جلستها:
_ أهدي بس يا " سونيا " هانم ماحدش دخل ليكي غيري بعد ما الأستاذ "حسن" مشي و أنا طلعت ليكي علي طول عشان اديكي الدوا و الحاجات اللي طلبتيها و أنتي مجرد ما فتحتي ليا الباب وقعتي من طولك
لتمسح علي خصلات شعرها الفحميه مردفة بخبث افعي مخفي و هي تمثل البراءة ببراعة شديده يذهل منها ممثلين هوليود :
_ و الله ده عمل و معمول ليكي حد حسدك و الله عيون الناس مش بترحم حد دلوقتي و أنتي ما شاء الله عليكي مال و جمال يعني محسودة من كل عين علي راي المثل ستي الله يرحمها كانت دايما تقول حكم قال ايه اتلم القرد علي النسناس و قاعدين يتكلموا علي اسياد الناس و أنتي ستهم و هاريه قلوبهم الحاقدة ديه
لتنظر إليها سونيا باعين شاردة و هي تبتلع ريقها بصعوبه مردفة بذهول و هي لا تصدق أن كل الذي حدث كان مجرد حلم:
_ يعني أنا كنت بحلم!!
تحدثت صباح سريعاً و هي تعقد حاجبيها باستغراب مصطنع:
_ ايوا طبعاً يا ست البنات تلاقيه كان كابوس و لا حاجه ، أنتي لما وقعتي من طولك أنا جريتك علي قد ما اقدر و جبتك علي الكنبة هنا، و كنتي أنتي بتحلمي عماله تقولي ابعد عني، إلا صحيح يا ست البنات كنتي بتحلمي بأيه كدا لسمح الله.
نظرت إليها "سونيا" لبرهه من الوقت باعين شاردة هل كل ما حدث كان مجرد حلم لا اكثر كيف ذلك إذا كان مثل ما تقول صباح مجرد حلم ، من هؤلاء الناس لماذا اتوا إليها هي بالتحديد هي لم تراهم في حياتهم أبدا من قبل و لا حتي مجرد تخيل بالتاكيد ليس حلما هي تشعر أن هناك شيء ناقص، تشعر بشعور قريب يحتل صدرها أن هناك عاصفه قادمة سوف تقلب حياتها رأساً علي عقب لتستمع إلي الجزء الأخير من حيث صباح مما جعلها تلتف تنظر إليها لتبتسم اجباري علي حديثها ذلك تاركة كل تلك المشاعر المتخبطه داخلها:
_ شكراً يا صباح تقدري تروحي أنتي دلوقتي و لو عايزة حاجه انا هكلمك اطلبها منك
تحدثت صباح باعتراض و هي تشهق باصطناع :
_ إزاي بس يا سونيا هانم اسيبك و أنتي تعبانه كدا و الله ما ينفع أنا لازم اقعد معاكي و اشوف طلباتك ايه ااااه و كمان أطلب من الدكتور رأفت اللي في الدور الثالث ده يطلع يطمنا عليكي عشان قلبي يطمن
ابتسم سونيا علي تلك السيده لتردف بهدوء:
_ و ﷲ مافيش داعي أنا بقيت كويسه الحمد لله هي تلاقيها بس شويه دوخه من قله الأكل و لا حاجه دلوقتي اقوم اطلب غداء من اي مطعم و خلاص هبقي كويسة لما اخد مسكن و لا حاجه مافيش داعي لقعادك معايا و تلاقي دلوقتي جوزك بيدور عليكي أنتي شايله معاه حمل طلبات اهل العمارة و تلاقي الكل بيدور عليكي
ابتسمت صباح بسماجه مردفة:
_ عيب عليكي يا ست البنات اكل و أنا موجودة أنا دلوقتي هنزل اعمل ليكي غدا يرم عضمك و ابعته مع الواد سيد ابني متقلقيش يلا هنزل اعمل الغداء و اسيبك ترتاحي لتكمل بحزن مصطنع:
_ و الله كان علي عيني اسيبك كدا بس الموكوس جوزي ميعرفش يعمل حاجه من غيري بس بحبه ابن عدلات
أنت تقرأ
جُ1 بحر النسيان جُ2 قَيصر قَصرها
Lãng mạnالماضي هل يُمحى؟! سؤال يعرف إجابته الجميع فـليته كان يُمحى لما وصلنا إلى ما نحن عليه الآن كُلًا منا يريد العودة بالزمن ليصلح أخطاء فعلها و ندم عليها و نتمنى مع كل لحظة فرصة محوها من صفحات حياتنا و لكن حتى إن أتت تلك الفرصة يبقى للماضي أثر على صف...
