Only One Reason

EP 1

[ᴜɴɪᴄᴏᴅᴇ]

တိတ်ဆိတ်ငြိမ်သတ်လွန်းတဲ့ အိမ်ကြီး တစ်အိပ်ထဲမှာ
​လူသံ တစ်စိုးတစ်​စေ့မှ မကြားရ​​ပေ။
ဖြတ်သွားဖြတ်လာ လုပ်တဲ့ လူတိုင်းက​​တော့ အဲဒီ အိမ်ကြီးထဲက အိမ်လွတ်ကြီးလို့ထင်ကြရတဲ့အထိကို ငြိမ်သတ်လွန်းသည်။
တကယ်​တော့ ထို အိမ်ကြီးထဲမှာ အိမ်ပိုင်ရှင်လို့ ထင်ရတဲ့ အသက် ၃၀ အရွယ် ​ယောက်ျားကြီး တစ်​ယောက်ရယ်၊ ထိုလူကြီးရဲ့ မိန်းမ ဖြစ်တဲ့ အသက် ၂၇ ၊ ၂၈ အရွယ် မိန်းမတစ်ဦးရယ် ၊ ​နောက်ပြီး​တော့ အရမ်းကို ချစ်စရာ​ကောင်းပြီး အရမ်းကို လှပလွန်းတဲ့ အသက် ၆ နှစ်အရွယ် က​လေး တစ်ဦးရယ် ရှိသည်။မိသားစု သုံး​ယောက်​ပေါ့ ။

​ပြောင်းလာတာ မကြာ​သေးတာရယ် ၊ မိသားစု ပြသနာ​တွေ​ကြောင့် ကျန်တဲ့ အိမ်နီးနားချင်း ပတ်ဝန်ကျင်​တွေနဲ့ ​ရော​ရော​နှော​နှောမ​နေခဲ့ကြဘူး။သူတို့နှစ်​ယောက်ရဲ့ အိမ်​ထောင်​ရေး ပြသနာ​တွေ​ကြားမှာ​တော့ က​လေးမ​လေးက​တော့ သနားစရာ ဖြစ်​နေခဲ့တယ်။

တစ်​နေ့ ၊ ​အေးလွန်းတဲ့ ​ဆောင်ရာသီရဲ့ မနက်ခင်း တစ်ခု့မှ​ပေါ့ အနည်းငယ် ပွင့်​နေတဲ့ ပြတင်းတံခါးက​နေ ​တိုး​ဝှေ့လာတဲ့ ​​လေ​အေး​တွေ​ကြောင့် သူမ အိပ်ရာက​​နေ နိုးလာခဲ့ရသည်။
အိမ်ကြီးက​တော့ အရင်လိုပါပဲ။ တိတ်ဆိတ်စဲ​ခြောက်ကပ်စဲပါ။
အိပ်ရာ နိုးခါစ ဖြစ်​နေတဲ့ အတွက် မကြည်လင်းမပြတ်မသားဖြစ်တဲ့ မြင်ကွင်း​တွေကို ​သေချာ ကြည်လင်သွား​အောင် မျက်လုံး​တွေကို ပွတ်ရင်း သူမ ​အောက်ထပ်ကို ဆင်းလာခဲ့သည်။

သူမ အတွက် နိုးထလာခဲ့တဲ့ မနက်ခင်းတိုင်းဟာ ​ပျော်​မွေ့ဖွယ်ရာမ​ကောင်းခဲ့ပေ။အဲဒီ​နေ့​တွေထဲမှာ ဒီ​​နေ့ မနက်ခင်းလဲ အပါအဝင်ပါပဲ။ဒီ​မနက်ခင်းက သူမ အတွက် ပိုဆိုးတယ်လို့​တောင် ​ပြောလို့ရ သေးသည်။သူမ ​အောက်ထပ်ကို ​​ရောက်​ရောက်ချင်း သူမ နားထဲ ဝင်လာတဲ့ အသံ​တွေက သူမ ကို ​ကြောက်လန့်​စေခဲ့တယ်။

"မင်း ဘယ်လိုဖြစ်​နေတာလဲ? မင်း ထင်တာ​​တွေလျှောက်​ပြောပြီး ငါ့ကို စွပ်စွဲ မ​နေနဲ့ "

တိတ်ဆိတ်လွန်းတဲ့ အိမ်ကြီးက ဒီလို အချိန်မှာ​တော့ ​ဒေါသသံ​​တွေ ငိုသံ​တွေ ​​ပေါက်ခွဲသံ​တွေနဲ့ ဆူညံ ​နေတက်သည်။ဒီအသံ​တွေက နေ့တိုင်း ကြား​နေတဲ့ အသံ​တွေ ဖြစ်​နေရင်​တောင် သူမ အတွက် အသားမကျ နိုင်ခဲ့​​ပေ။မမြင်ကွယ်ရာ တ​စ်​နေရာက​နေ ထိုမြင်ကွင်းကို သူမ ချောင်းကြည့်​နေခဲ့သည်။