Taming the Waves (College Series #2)

Chapter 24

Trigger Warning: Harassment

‍‍"Huy, tawag ka ni Nurse Luke sa office ni Dr. Orilla, magpapatulong daw sa pagso-sort ng profiles," anas sa akin ni Vina.

I sighed. Heto na naman ang lalaki! Ang dami-daming interns, talagang laging ako ang tinatawag.

"Ikaw na lang," sabi ko sa kanya.

She grunted. "Girl, kung pwede lang. May ia-assist pa ako."

Napanguso ako bago pumunta sa office ni doc. Next week na ang tapos ng internship namin at tutulak na kami pabalik ng Isabela. Nabawi ko na rin ang ilang oras na absent ko dahil sa kaka-overtime ko. Nakakainis nga dahil si Luke lagi ang kasama kong mag-overtime.

"Chin, upo ka," nakangiting saad niya nang makita ako.

I obeyed him. I sat in front of him and helped him in sorting the profiles of patients. Kaming dalawa lang ang nandoon dahil nagro-rounds pa si Dr. Orilla.

"Nasabi na ba nina Mich sayo?"

I looked up to him. "Ang alin?"

"Party daw sa Void next week bago tayo umalis."

Ibinaba ko ang binabasa at ibinigay ang buong atensyon sa kanya. Naiintindihan ko naman kung bakit gusto ito nina Vina. He's handsome, alright, but he's overly-confident! He thinks that everyone likes him. Kaya siguro ako ang iniinis nito lagi dahil alam niyang hindi ko siya gusto.

"Tayo?" I almost spit that word. "Kasama ka?"

He grinned. "Yup. Uuwi na rin ako. Halos isang taon na ako rito, patapos na rin ang contract ko."

I nodded. "Baka hindi na lang ako sumama sa party, kung ganoon."

Ibinaba niya rin ang binabasa at aliw na aliw na inilapit ang mukha sa akin. Mabilis akong nag-iwas at sinamaan siya ng tingin. What's wrong with him?! I made it clear that I have a boyfriend!

"Last day naman na, pagbigyan mo na kami. Hindi ka na nga sumasama sa lunch dahil kinakausap mo lagi ang boyfriend mo," he stated.

I scoffed. "Why do you care?"

He chuckled. "Balita ko hindi sinasagot ang tawag mo, ah?"

Lalong sumama ang loob ko at napasimangot. Damn him! Busy si Troy sa internship niya kaya hindi kami nakakapag-usap madalas. And I understand him! We still talk at least three times a week! Napansin niya ang itsura ko kaya muli siyang tumawa.

"Kung ako 'yon, I'll make time for you. Ganon kasi kapag mahal mo," he uttered.

I rolled my eyes. "Buti na lang hindi ikaw."

It went on for days. Totoong medyo nagtatampo ako kay Troy dahil hindi na talaga kami nakakapag-usap. May texts siya minsan pero nasa duty naman ako kaya hindi ako makapag-reply. Pag ako naman ang bakante ang oras, siya naman ang wala. It's always like that. Kaya pikon na pikon ako tuwing inaasar ako ni Luke tungkol doon!

Dumating ang huling araw namin sa hospital at hindi ko inasahan na malulungkot ako. Dalawang buwan mahigit din kami rito at nitong huling linggo, naging abala kami sa paggawa ng report. I will not deny it. Mamimiss ko ang environment na 'to.

"Chin, sumama ka na kasi sa Void! Magtatampo ako kay Troy kapag hindi ka pinayagan!" Vina stomped her feet like a child.

Mich agreed. "Kaya nga! Last day na, eh. Kung worried ka sa mga mambabastos sa atin, kasama naman natin si Luke! Ang laki ng katawan non. Walang makakalapit sa atin."

Napasimangot ako habang nakikinig sa kanila. Ayun nga ang mas pinag-aalala ko! I don't like that guy!

"Magpapaalam pa ako kay Troy."