فوق جمرات الأنتقام

الفصل السادس والثلاثين الجزء الثاني

#بقلم إيـزابيـل
#الفصل السادس والثلاثين  الجزء الثاني
#فوق جمرات الانتقام
..
بَعد بعيوني أثر فرحة وبَعد طيفك يمر بية يالمصدگ حچي اليحچون هجرك وين تاليه ..!؟🖤🍃

سما

اختض جسمي برجفه قويه وواضحه مثل وضوح الدموع بعيوني حركه ببلعمي ووبس ابلع بريكي
جفوف رجليه الواكفه عليهن ماكمت احس بيهن..

باوعتله بصدمه وعيوني مفتوحه على كبرهه..
مصدومه حيل ابتسم ابتسامه ثقه ورفع حاجبه
: الله بالخير

عبست بوجهي بغضب وولميت شفايفي بضيق همست بداخلي : لا هله..

اجيت احجي بس نظراته لصمتني جان يباوعلي بأعجاب ووعيونه سارحه بطولي...

كتله بنتر : شوكت اجيت؟

تقدم تجاهي بحركات محسوبه
: ليش تأخرت عليج..

سما : لا والله مصدك نفسك اقصد ليش اجيت لهنا جان رحت لبيت اهلك لو انت تستغل الفرص بس حتى تضايقني..اساساً جيتك من اوكرانيا كلهه بس حتى تتعبني وتقهرني

باسل : شكد حجيتي؟؟ اشش

خفت من نظراته الي تباوعلي بهيام طاغي..مد ايده على  اصبعي ووجر جف ايدي احتضنه بحنان : مشتاقلج ووكلبي ميت على شوفتج متغيره حيل ولا عرفتج

شمرت ايده عني وصرخت
: باسل احترم نفسك وديربالك تمد ايدك عليه رجاءً لا تتطكك فيوزي عوفني بس اليوم صاحيه

البيت محد بي تريد تدخل ادخل جوه اكعد او تبقى بره انتضرهم يجون..

عفته ووركضت لغرفتي ووكلبي احسه ووكع بين رجليه سديت الباب ووكفت خلفه..!

شرجعه حضي المصخم باوعت لنفسي بالمرايه عيوني مو ثابته بمكان واحد ووعبالك مدمعه ووكلبي يدك دكاته بأذني..

ورجليه يرجفن بهدوء كعدت على الجربايه خليت ايدي على عيوني واتذكرت جيته ودخلته ووكفته قبل شويه..

قاطع تفكيري بصوت صياحه
: شنو هالاحترامات انسه تعوفين الضيف كاعد وحده.

زفرت بملل شلون ضيف ثقيل دم كمت لبست دشداشه استر من لبسي الي جنت لابسته وطلعت.

مخلي رجل على رجل ووايده على التخم ويبتسم
كتله : ضيف؟؟!

باسل : اي حبي اول يوم ضيف ورا تلث ايام يصير من اهل البيت..

نترت :  لتكول حبي

ابتسم بمكر : چا شكول؟

جتفت اديه : كول اختي

باسل  : وداعتج انه عندي بس تلث اخوان ماعندي اخوات..

باوعتله بنظره انتصار : جاعلتك اخوي استاذ باسل..

باسل : ولج شهالكفر هذا ووين اكو اخو يتزوج اخته ويحبهه بعدج على طبعج تحجين الكلمه ومتعرفين معناها.