فوق جمرات الأنتقام

الفصل الثاني عشر

#بقلم إيـزابيـل
#الفصل الثاني عشر
#فوق جمرات الانتقام
..
سشـولفلك علـه الشوغـات
سمه الله اتلاغت ويـه الكاع
والحاجوز اصابيعي

لـ حسين علي حاتم
..
سما

اصعب احساس من ينجر الانسان يتقبل واقع مرير من يضحي بشيء لجل شيء ما يوصله منه غير، الاذئ..

وجع الروح ينكتب علي وتنضرب بي الامثال بس محد يحس بي غير صاحبه شايفين النغزات الي تدك بالراس عبالك بزات ابر لا والله اصعب منهه..

بحيث احس عضام صدري ننخرت

دخلت تتمندل بمشيتهه مقابيله وكل شويه ملتفته علي وطاكته بضحكه توقد النار بداخلي..

فورا عيني صارت علي وعاتبته بنظراتي وعبالك اريد ابجي المن جايبهه بشنو يريد يذكرني زواجي منهه لو ابنه الحاملته..

دخلت حَور فجأه جان تشوفهه وتنصدم ضلت واكفه بمكانهه حتى ماتحركت خطوه..

شلت ادوات الحياكه عفتهه على صفحه فركت وجهي وعدلت ملابسي تمشيت بخطوات غير منتضمه عبالك كوه واكفه على رجليه..

باوعتلي ببتسامه وبريق خضار عيونهه لمع،
: سما مو!!

بلعت ريكي وهزيت راسي بأي مدت كف ايدهه..
تريدني اخلي ايدي بأيدهه؟! ماتدري انه هسه جاي اشوفهه كتله من النار اذا الزمهه احترك..

بس ماردت افشلهه صافحتهه جان تندار على باسل وتكله بتعب
: باسل تعبت من الوكفه والكعب اذاني اريد ارتاح..

هو جانت عيونه عليه عبالك يدري بيه عتبت علي بجيتهه اشرلهه تمشي كدامه وراح يدليهه على غرفه..

تقربت حور وكفت بصفي وهمست
: لايكتله حيل مو؟ يعني هسه اي واحد يشوفهم راح يكول هو حلو وهي حلوه الاثنين، لايكين البعض.

ماكدرت اسكت دموعي اكثر نزلت برتابه باوعتلهه وانه، ارمش : شتردين!؟

حور
: اليوم جابهه وباجر راح تخلف وتكابلج هي وابنه شلون تتحملين؟! اطلكي بابا اطلكي خلي يولي..

دفعتهه من چتفهه وتمشيت للدرج لان جنت منزله راسي وابجي وعيوني مغوشه تاهت عليه الدرجايه الاولى من الثانيه عثرت ووكعت احس ركبي تزلغت وجسمي كله كام يرجف،،،

صرخت بألم ولزمت ركبي يمكن طك عضم بيهن.
اجت حور تركض تفرك برجليه وتكلي
: شمالج ولج صغيره شسالفه.؟!

طلع باسل على صوت عياطي اجه الي يركض كرفص كبالي ويباوعلي بخوف : شبيج سمااا

دفعت ايده ولزمت بمالحجر عنت نفسي وكمت نداريت انطيتهم ضهري وكملت طريقي وحددي!!
..
سديت باب الغرفه وكمت افتر بيهه يمه احس جمر يلسع بيه لسع افرك بصدري اريد الهوى ضاك عليه،،