فوق جمرات الأنتقام

الفصل الثالث والعشرين

#بقلم إيـزابيـل
#الفصل الثالث والعشرين
#فوق جمرات الانتقام
..
ملاحضه عزيزاتي قائد هو اسمه قائد ورتبته رائد مو قائد بالجيش لااا..

بنات عندي اقتراح شنو رئيكم كل بارت اخلي بي شخصيتين بس مثل هذا البارت احجي بس عن غزلان وسما والبارت القادم بس حور ووقوت..
علمود اكدر اكتب الاحداث المهم بس وانطي حق كل الشخصيات...

ويصير النشر يومين ب يوم حتى متنسون الاحداث..؟
..
سما

صرخت بوجهه بعصبيه
: بس اسمعني انه مو غيره منهه بس ووروح ابوي باسل البنيه مو بنتك سمعتهه بطبله اذني..

تخصر وونفخ نفس بجزع
: لج حتى العاقل ما يعلقهه بيان البنيه شفتهه بعيني مسجله بأسمي هاي اولاً ثانياً كلتهه الج وراح اعيدهه نهال انه اول واحد يطخهه من اخذتهه جانت عذراء

سما : ماعرف بس روح حاجيهه وكول الهه وخلي هي توضح الك ولو متأكده راح تنكر..

تقرب عليه لزمني من زندي بقوه واصابيعه نحفرت بقسوه زمجر بوجهي
: من تحجين كلمه احسبي حسابهه سما كلامج هذا اكدلي انج وحده رعنه ووغبيه ولج اتهامج هذا اذا سمعه احد غيري يصير الدم للرگاب..

دفعته بعصبيه وصحت
: ما جاي اجذب عليك روح شوفهه لا باجر عكبه تفضحك تره والله تتندم هي وحده ساق** والبنيه بنت حرام.

ماحس غير لازكني براشدي طيرني للجهه الثانيه لزمت خدي بصدمه مسحت دموعي..
يستقوي عليه بس لان اريد اله الخير كافي ضعف كافي بعد ما اتحمل اضل مدمغه..

سما : ايي اضرب اضرب هذا كله علمود ووحده خاينتك ووحده حقيره وسماويه كل همه الفلوس لك لا تخلي عيونك تنعمي عن حقيقتهه روح تأكد روووح..

لزمني من دشداشتي وويودي بيه يمنى يسرى ويصيح بوجهي : كافييي ضمي السانج لا اگصه حيل زودتيهه وانه ساكتلج واكول مريضه ما احاجيهه بس طلعتيهه من ماعونهه البنيه بنتييي ووليلى وبأسمي هاهيه سدي الموضوع..

من حركه كلبي حجيت كلام بدون ما اخذ رده فعله بالحسبان  :ما اسده ما اسده وحق الله اروح اكول للشيخ وخلي هو يروح يتأكد لا ننفضح وانت التوكع بيهه والقرأن وجهك بعد ماترفعه بالشارع تصير بنظرهم مو رجال..

لزمني من ركبتي وورفعني عن الكاع وويخنك بيه وويصيح منو المو رجال منوووو ادوس على راسج ياادبسززز وتردين مني اصدكج وانت اسلوبج مال وحده همه بس تأكد صحه كلامهه حتى لو جان جذب..

خانكني بقوه وويعيط بوجهي وانفاسه الحاره تلطخ بوجهي وودموعي تنزل على وجناتي كمت اضرب بي واصيح مادري منين اجتني القوه خرمشته من ركبته عافني بسرعه وكعت للكاع تكسرت عضامي ضليت اكح بطريقه هستيريه ودموعي ختلطت وي اثر اصابيعه مال الرشدي الي بخدي..

كمت على حيلي وانه انتجي على الدوشك شهكت وحاجيته : مووو رجااال انت باسل عمرك كله ماصرت رجااال كضيتهه تبيع مثاليات عليه ووماشفت منك شيء حقيقي وهسه وحده ماصار الهه سنه من اجت صدكتهه وجذبتنييي انه اذن تأكد انت بجهه والرجوله بجهه طلكنييي ماريد ابقى على ذمتك بعدد.