فوق جمرات الأنتقام

اعلان الفصل ٢٨

مساؤؤؤ

..

يعني اكدر اكول 50% صح بالنسبه لجزء واحد بس
..
سما

كاعده بصفه ومدنچه راسي واهز برجليه.

: يعني عملتج هاي مال وحده فاهمه ووجبيره، وواعيه لو مال زعطوطه ما تحسب حساب لتصرفاتهه..

صحت بي
: مروان رجاءٍ لا تكعد تسوي روحك براسي الناصح عفت سوالفكم كلهه بأختي ووموتهه بسبب ابوك وكاعد تحاسبني على ضربه ماجابت نفع..

صرخ بيه
: لج حيوانه شنو ماجابت نفع لو صاير اله شي مو بس احنه نتأذه حتى انت ياغبيه كلنه مقهورين ووضايجين على اختج الله يرحمهه بس شلون يعني شنسوي اشمر روحي من العماره حتى ترضين تره الحزن بالكلب

هزيت راسي بغضب ووباوعت اله
: مقهوررر اي مقهورر كلش وانت زواج ماقبلت تتزوجهه وكسرت خاطرهه وخليتهه تموت مهضومه كلي شنو فائدتك انت بس اسمك ابن خاله ووياريت ماعرفتك لا انت ولا اخوك لان ما منكم بس الاذيه..

استغفر ومسح وجهه بتعب
: سما هذا زواج زواج مو لعبه وانه شمدريني راح تموت.؟ اشم ايدي مثلا جنت واثق قوت ماراح تتزوج بشخص ماتريده لان هي قويه وتكدر تواجهه حتى لو ابوي جبرهه..

قاطعته بغضب : قوت شجابهه بالنص..

مروان : اووو اقصد حور انه ماردت اسوي نفسي المضحي البطل الخارق وبالاخير لا هي ترتاح ولا انه ارتاح بالعكس هي راح تتأذه اكثر ف الاررتباط جان مو من صالحنه ثنينه ووماحجيهه كدامج بس انه الاخر لحضه غيرت رأيي وجنت ناوي اتزوجهه لو ما كاتله نفسهه..

مسحت وجهي وفزرت نفس بتعب
: وليش جاي تبرر الي مايهمني منتظره امي تطلك ونروح انه وياها وبعد اكص رجليه وما اعتب هذا الباب..

اجيت اكوم جرني من ايدي
: سما اكو شخص يريد يحجي وياج
...
غزلان

مغمضه عيوني ووانفض عرك ووارجفو رغم فاصله عن العالم الخارجي بس داخلي ضج بهواي تفاصيل وامور عشتهه بيوم واحد..

تقرب عليه وبيده وصله صغيره مسح العرك من ركبتي ووكصتي وفتح دكم دشداشتي مسح قطرات العرك القليله   فتحت عيوني ببطئ وودفعت ايده

رفع راسه ليفوك وزفر نفس
: شلون يعني الحجاره الي براسج ماناويه تتحرك.

همست والرجفه بين اسناني :عوفني

وجريت الغطه لفلفت نفسي بي خلى ايده جوه راسه ووعكسه على المخده وصافن بيه..

لزم الخصلات الي ملتسقه بخدي وخلاهه خلف اذني ووابهامه يتمشى على وجهي بهدوء ووخطوات رتيبه دفعته بأنزعاج.. كال
: هاي مريضه وهيج لو صاحيه شلون..
..
جنت شبه فاقده وماعرف شتصرف ووشسوي لان الحراره صاعده عندي ووماحس على نفسي..

غزلان : ووخر ووخر لا تستغلني

برهان : شستغل بابا ماكو داعي انه اشتغل على المكشوف..

فتحت عيوني وباوعتله ورمشت اكثر من مره..
رفعت نفسي انتجيت على التاج وشلت ايدي خليتهه على لحيته وهمست : صاير حلوو

ضحك بصوت عالي
: جا مو على اساس زعلانه شو تتغزلين

نزلت راسي لحضني
: كله من وراك ضوجتني انه احبك بس مرات ماحبك..

نام على ضهره ووسحبني لصدره خله ايده على كصتي وقاس حرارتي :غزلان حرارتج مرتفعه كلش..

غزلان : اي انت من تصير مقابيلي انه لا ارادياً اخجل واعرك ف من اعرك اتمرض واصخن..

برهان : هههههه يعني الصوج بيه وليش حتى تعركين شايفه جني مثلاً

غزلان : لالا مو انه احبك اموت عليك ومن اشوفك افرح وواتحمس بس لا انه ماحبك لان اليوم تضحك وي وحده حيه..

ابتسم وورفع راسي عيوني صارت بعيونه كال
: شكد تحبيني

غزلان : هووواي بس انت ماتحبني مادري ليش يمكن انه مو محبوبه لو مو حلوه..

برهان : انت تخبلين وكلشي بيج محبوب

غزلان : جا انت حقيررر

ضحك بصوت اعلى وكرص خدوي بقوه مسحتهن بأنزعاج ابتسم ووجرني الحضنه اكثر اسمعه يهمس ووي نفسه : هسه شلون افاتحهه بموضوع حوراء
..

اكتبولي منو اكثر شخصيه كرهتوهه 😈😈

ومنو اكثر شخصيه حبيتوهه❤️❤️

والاحداث شلونهه

طبعا اني هواي جاي احاول اختصر احداث بس شيء مرتبط بشيء اعذروني اذا اكو ملل شويه

عذرا يعني اعرف راح تنطوني بلوك كد ما سألت هيج اسأله بس اتحملوني كاتبه ولازم اعرف الاحراف الاكتبهه تعجبكم لو لا 😍😍

نتضروني باجرر ببارت يجنن..

🖤🖤🖤🖤🖤
ايزابيل