فوق جمرات الأنتقام

الفصل السابع

#بقلم إيـزابيـل
#الفصـل السابــع
#فوق جمرات الأنتقام
..
كون الحزن ينستر بهدوم
و البس وغطي شطالع هموم
من التعب ماضايگ النوم
و بكل كتر من جسمي ملچوم

لـ محمد علي
...
ياجماعه بالنسبه لمرض سما وهي متخلف بين قوسين عاقر بسبب حادث سير بالصغر يعني بعيد عن مرضهه بالسرطان..

بس يكلولهه اكو عمليات ولقاحات وتخلفين عادي فـ مجانت مهتمه للموضوع هواي بس الشيخ فرض على باسل نهال حتى يضمن يصير عند ابنه اطفال ومينقطع نسله..

اتمنى وضحت
..
سما

غسلت وجهي وطلعت جانت تقريباً الساعه بـ ١٠
لميت الفرراش الي لبارحه فرشته ووكفت كدام
المرايه اضفر بشعري..

الباروكه كمت ما انزعهه لابستهه ليل مع نهار..
صح زاعجتني شويه لان شعرهه كثيف وطويل بس ما انزعهه..

باوعت علي بالمرايه كام من الفراش فرك عيونه
وباوعلي كال بصوت متثأب
: مو تنزلين انتضريني

ودخل للحمام بعد ما اخذ ملابسه تنهدت بألم وجريت الشال خليت ونزلت حتى بدون ما اطلع صوت شافتني ام احمد جرتني من اچتافي وتبوس بيه وتهلهل ابتسمت الهه مجامله وطلعت بوجهي لغرفه امي..

دكيت الباب مره مرتين كلت خاف الشيخ موجود..
ما ادخل چفت لمن صاحت هي تفضلي..

شفتهه كاعده هي وحور على الجربايه ويصفطن ملابس قبل ماتحجي سبقتهه بصوت عالي
:تدرين مو..؟

نهضت بخوف ووجهه شحب
: بشنوو شكوو..؟

: تدرين الشيخ شارط على باسل يتزوج علمود الاطفال يله يسمح اله يتزوجني..

حور نفزعت وكامت من الجربايه ووعيونهه صارت بكصتهه..

: اا لا منو يكول منيلج هذا الكلام..

سما : لا تغشمين روحج انه البارحه شفتهه واجت وكالت الي انه مررررررته وحاااامل هم..

غلبتني دموعي عن غير اراده..

حور: هاا شوفي مو كتلج مو راحه باسل افندي طلع متزوج ووعنده طفل بس انت متسمعين كلامي  واحبه واحبه من كون حبتج حيه..

سما :كافيي انت كافييي انلصمي..

كعدت على الجربايه بنفاذ صبر وضميت وجهي بين اديه ابجي حسيت بأمي تاخذني بين اديهه وتضمني لحضنهه

خالده
:  شعليج عسى ما يتزوج ميه مو وحده مادام هو يحبج وماكو غيرج بكلبه فـ لا تهتمين و معقوله هلكد نحيسه انت ما تنطينه حق يكون اب انت هسه مو تتمنين تصيرين ام هو هم يريد باجر عكبه يصيحوله ابو فلان..

سما : ما مختلفين على هالشيء كتله من البدايه اذا همك الاطفال لا تتزوجني لان انه ما اكدر على هالشيء ليش هيج سوه والله البارحه اجاني شعور الموت من كد الألم الي بكلبي..