فوق جمرات الأنتقام

الفصل الثامن والثلاثين الجزء الثاني

#بقلم إيـزابيـل
#الفصل الثامن والثلاثين الجزء الثاني
#فوق جمرات الانتقام
..
‏حنيتلچ كحلة ودمع ضحكة وقصيدة وسالفة
‏مادام ضميتچ نفس مكسورة ليش وخايفة
..
..

..
سما

واكفه بنص الحديقه مال الجامعه وومدنكه راسي على العشب ووحدي علياء جانت هاي اخر سنه الهه ووتخرجت..

انه ما مختلطه ببنات وشباب  الكليه ولا اعرف اي احد من زملائي والي وياي بالقاعه يادوب اعرفهم بالاسماء..
حتى لو صادقت ووحده هيج فتره واعوفهه..

ماحب اكون علاقات اجتماعيه والحمدلله هالشيء فادني لان مركزه على دراستي بس..
وكل شهر اطلع بدرجه موفقه طبعا الفضل لله. هو سهل دخولي للجامعه وخلاني اوكف على حيلي من جديد..

احنه بأمتحانات نهائيه وومتوجهه على سنه ثالثه مابقى الي شيء واتخرج..

طبعا اذا تخرجت عمو ابراهيم رجل خاله بسمه كلي تعينج عندي صديقه مدير مدرسه ووكلي اخلي يوضفج..

بحكم انه جاي ادرس تربيه رياضيات ومن اخلص اكوم ادرس بمدرسه ثانويه..

تنهدت ووعصرت اطراف الكتب بين اديه درت وجهي ونصعقت من شفت باسل موجود واكف ووي واحد يحجي ويا اعرفه هذا الواكف يحجي ويا يصير ابن دكتور عدنه..

بلعت ريكي بغصه ودرت وجهي عنه ووتمشيت للجهه الثانيه حتى مايشوفني...

شويه وولمحني نزع نظاراته الشمسيه وصارت عينه بعيني شمس وعاكسه عليه ماكدرت اباوعله بوضوح مقلصه عيوني وواشوفه ابتسامته الي نرسمت على شفايفه..

تقرب عليه  رفعت طرف حاجبي وكف مقابيلي بهدوء وكال : السلام عليكم

جاوبته بنتر: هلاوو

جان يضحك ويكلي : ليش ضايجه..

عقدت حواجبي : يحتاجل الهه توضيح من وجودك طبعاً

تنهد وكال : وداعتج ماجنت ناوي اجي بس اجيت اشوف صديقي مواكثر...

سما : وشعليه انه تبرللي

ضحك وكال : طبتي من الكانسر نظرب عقلج

توسعت عيوني بصدمه وحجيت بتهجم
: شنو قصدك يعني؟ تتشمت بيه مو

باسل : انت تفتهمين الكلام بالطريقه الي تعجبج؟

سما : والله هذا الي فهمته من كلام حضرتك

باوعلي بخزره وكال
: سما الجو حلو مو مال عركه

زميت شفايفي بضيق : يعني انه ادور عركات