فوق جمرات الأنتقام

الفصل الثالث عشر

#بقلم إيـزابيـل
#الفصل الثالث عشر
#فوق جمرات الانتقام
..
تعرف غلاتك لو .. بعد؟ محتاج ابينها اكثر
ي البيك لهاني العمر  ماركزت بي من مر
يمكن اذا كتلي شكثر تهواني راح اتحير
بليل اعد محبتك  بس باجر تزود اكثر
الادري بي من تبتعد  مدري شحس بحيرتي
صدري حفر بي خنجر  مكطوح شريان ابهر ..

لـ ايهاب المالكي💜🦋
..
بالنسبه لسؤال البارحه صدمتوني 😑 حاولت وتمنيت تطلع اللهجه جنوبيه اصليه هواي حفضت كلمات وحتى اكو بيهن اعرفهن سامعتهن من بيبيتي بس انسى اكتبهن..

اني اكلكم شاطره بس بـ الانه والچا حتى كمت استعملهن بيومي التمس منكم العذر المفروض اللهجه تطلع احلى من هيج..
الحافض مرادفات يكتبلي 😁😁

وصدك باعو هو اللهجه تصير بطريقه الفظ يعني عندي صديقه من البصره تحجي حجي عادي كلنه نكوله بس طريقه لفضهه للكلام جنوووبيه تجننن فـ انتم حاولو تلفضو مثلهم..

وبطتنه بطت بطن بطتكم هههههه قراءه ممتعه
..
قوت

هديت نفسي وقنعت داخلي ان الاصياح ماراح يفيد لازم افكر شلون اطلع منا واخلص روحي من هالقذاره..

طلعت رقمه ودكيت علي حجيت بكلب محروك
الله يسعدك ويخليك الابوك ساعدنييي ماعندي غيرررك راح اضيع والله راح اضيع..

جاوبني بنعاس اضن  جان نايم
: شكووو منييي انتِ خاف جاي احلم..؟

غمضت عيوني بتعب وكلت بصوت متململ
: انه قوت

كال بصوت مفزوع
: قوت الدارت الشكر عليه!!

بفرح وصار شويه عندي بصيص امل : انت مروان

:چا انتِ مخابره وماتعرفين ياهو انه شلج بهالجذب

: استاذ ولو الوقت هسه حرج بس مالكيت غيرك يساعدني صدكني محتاجتك هواي،،

جاوبني بصدمه
: محتاجتني!!

: قصدي يعني انه بورطه وادري بيك كفو وماراح تخيب ضني..

: ها اي صح شبيج بس ذاك الاغم مسويلج شيء

: مو شيء واحد اشياء انه هسه بمكان ما اعرفه ولا جايته قبل ومادري وين انه..

: اوكفي خن اتربع اضاهر السالفه موش هينه

كلت بكلبي هذا ليش هيج ما ماخذ الامور بجديه
انه الدمعه بجرف عيني وكلبي يخفق من الخوف وهو ولا چنه..

: بليل سمعته يحجي وي مره ويكلهه اريد شدتين وانه مابايع الج صخله ومن طلعت الصبح طبكت يمي سياره سوده ورجال اصلع لابس قاط اسود سحبني وخدرني وبعد ما حسيت بشيء كعدت هسه لكيت نفسي بمكان كله يلمع واجت مره مدري شلونهه تكلي بعدنه مابادين وياج..

: تراج جاي تحجيلي فلم ناوي اشوفه الباجر ليش هيج حركتي الاحداث عليه لعنه ابليس عليج..