فوق جمرات الأنتقام

الفصل التاسع

#بقلم إيـزابيـل
#الفصل التاسع
#فوق جمرات الأنتقام
َ..
بدون مراجعه 🌚

وَأظلن سَاعه أواسي الروح
ساعه اشتاگ ساعه أعذِل

عريان السيد
..
مروان

رجعت شعري بأيدي ليوره ودنكت اخذت البسطال وكعدت على الجربايه البس بي ندك الباب..

رفعت راسي وصحت تفضل نفتح الباب ودخلت حور باوعتلي وابتسمت : صباح الخير..

نهضت وانه اعدل ياخه القميص العسكري
: صباح النور شعجب اليوم كاعده من الصبح وعطله..

حور
: ااا لا بس شبعت نوم وكعدت..

قلصت عيوني وكلت الهه وانه اتمشى كم خطوه تجاها : جا شو انه اذا انام بـ ٨ بليل اكعد الصبح اردم الحايط..

حور
: هههه هاي انت مو انه المهم جبت الك جاي اشربه قبل لا تطلع للدوام..

اخذت نفس بقوه وحجيت
: اي والله وكفووو

اخذته منهه

حَور
: انه نازله قبل لا تشوفني امي وتسويلي مشكله كالعاده شعندج صاعده لغرف الولد واذا تحتاج شيء كلي

مروان
: لا يابه عليمن جا غير اختي انت اهلا واسهلا بيج بكل وقت .

كلبت عيونهه بملل وطلعت ابتسمت نص ابتسامه وفتحت الباب بيدي كلاص الجاي امشي واشرب بي..

باوعت للساعه بعد وكت طلعت للهول شفت باسل
يفتح بالغرفه كتله بصوت عالي
: ها خويه مو على اساس نقلت غرفتك شعدك جاي هنا بس لا عزلت..

باسل
: خايب انجب لا اطلع ضيم هالاسبوع الفات كله بيك..

مروان
: لا صدك .

تقربت يمه ضربت على چتفه وكلت
: اسمعني ولك اذا كلبت خلقتك بعد علمود سوالف النسوان مال الغيره وما شابه ترا اعلكك فلقه شمالك منطيهه مجال انت مامسوي شيء غلط على شني هالعياره هاي شلون بله تبقى بدون طفل العمر كله.

الي تحجي وتزعل خل تطك راسهه بالحايط بس انت منطيهه مجال وكاضيهه اعذريني واعذريني..

باسل
: باوع حضره النائب ترا هو مو لبك انت بالسوالف لسانك شطوله تضل تهمبل عليه حط نفسك بمكاني ووكلي شسوي انه صبرت هواي حتى تصير سما الي وهسه تريدني اتجاهلهه وما اهتم  وهي بس تريد الهه حجه حتى تطلك..

مروان
: والله انت مكبر الموضوع الي يريد يروح الباب يوسع جمل ما اضل اتوسل انه..

باسل
: هاي الجمله برهان يكولهه انت لا تبيع مثاليات براسي..

مروان
: نجب خليني عايش دور رجل الكبرياء..

باسل
: هذا اسم معاذ بالفيس..

معاذ وهو يطلع من غرفته يعدل قميصه
: شتكصون بيه..

مروان
: منو كلك انت كيك ونكص بيك..