فوق جمرات الأنتقام

الفصل الثالث والثلاثين

#بقلم إيـزابيـل
#الفصل الثالث والثلاثين
#فوق جمرات الانتقام

ردّيت مغرم وافتحت بوب العشگ
ب ثنين ايديه
ولاچنّي من حبهم تبت توبة وداع
وهاي هيه
..
حوراء

غمضت عيوني جسمي گزبر من لزمت ايده وروحي حسيتهه صارت خرده همس بصوت قريب على اذني : محتاجه شيء

شال جف ايده عن جتفي وانه التفتت علي الدنيا ضلمه هندس ووبس ضوه الحوش عاكس على نص وجهه ضاهر عيونه الي عبالك تغلفت بحبه بُن وونظراته الغريبه ماشوف غير عيونه وما اسمع غير انفاسه العاليه..

طرحت نفس بقوه بعد ما جنت حابسته وكتله بشفايف مرتجفه ووكلمات هزيله : ل. لا

باوعلي قائد وهو يرفع حاجبه وكمل
: شمطلعج بهالليل ماخفتي؟

ابتسمت : اخاف..؟ تتوقع اكو شيء يخوفني بعد المريت بي!

قائد : انت سباعيه بدون حتى ماتواجهين اي شيء
حوراء : غلطان انه اضعف من الضعف

قائد : قيمتج بهل كم شهر وانه عمري كله ما ماغلطت بنظرتي وتقيمي لشخص معين..

حوراء :وشطلع وياك

ابتسم ابتسامه جانبيه وكال بصوت هادئ لا يخلو من البحه الي تكون عند اغلب الرجال
: مزيج ماينوصف! بس الطاغي معنى اسمج

حوراء : مافهمت

قائد : اعرفي معنى اسمج وراح تفتهمين

حوراء : ضعيفه بهالشياء

تقرب علي اكثر وكف
قائد : اسم حوراء مشتق من حور العين وويرمز لعين الغزال من شده رقتها ونعومتها وغالباً صاحبات هالأسم تكون شخصيتهن محيره مره تلكينهه بحده سيف ومره ارق من الورده..

ابتسمت : وانتَ

رفع حواجبه الاثنين وي ضحكه ثقه وكبرياء وكأنو معجب بأسمه وومفتخر بي وكال
: القائد الي يقود ووحسب ما صنفو اغلبيه الي يمتلكون هالأسم عندهم شخصيه قويه ووحكمه عاليا بالاضافه الى الارده  بتولي مناصب رفيعه..

ضحكت : ابد ما جاي تمدح نفسك

قائد : من مدح نفسه ذمها عادي لو كايلين صاحب هيج اسمم غبي جان كتلج..ماكلتيلي شعندج جايه هين..

اجيت اكله انت شعندك هنا بس تذكرت هو بيتهم تحمحت بفشل
حوراء : ااا مانعسانه ووطلعت اتمشى..

قائد : نجنيتي ولج هههه تتمشين بالضلمه

ميلت راسي وكتله : تشوفني مجنونه

قائد : اووو اكبر خبله اقصد عاقله تعاي وياي مدام ضايجه..

تمشه كدامي تذكرت من طلعنه من الانبار وبطريق الرجعه خفت جان يكلي انه بضهرج ماخلي الهووى يمسج..

اباوع على طوله ومشيته وصافنه واكول بيني وبين نفسي يحقلي افتخر بي..؟!

ندار علي وهو مخلي ادي بجيوب بنطرونه
: ها