فوق جمرات الأنتقام

الفصل الرابع والثلاثين

#بقلم إيـزابيـل
#الفصل الرابع والثلاثين
#فوق جمرات الانتقام
..
چا هو الزعل لو طال،
تبرد كُل مشاعرنه..صالحني أحلفك بيش؟
مشتاگه لـ سوالفنه.
🖤🍃
..
سما

صحت بصوت عالي :وشتردين هسه يمه شتردين ترجعين..؟ هاهيه بكيفج روحي

جنت واكفه كدام امي بالغرفه وروحي مشتعله جاي تشكيلي من الشيخ وتكول الف مره دز عليه وكال اذا ما رجعتي بأرادتج ارجعج بالقانون..

خالده : ولج انه جايتلج اشكيلج لوو تصيحين عليه ادبسززز كلتج انه ماريدن ارجعله ولا راح افكر اساساً بس هو يفتر وراي فر الذيب عل الغنم..

عصرت ملامحي بجفاء ماطايقه اسمع اي شيء
سما : هسه تندمتي من بعد ما ضيعتينه وشتتينه مات بابا الله يرحمه فورا تعلكتي بركبه رجال ماصرتي من ذني النسوان الشاطرات الي يشترن راحه بناتهن ويضربن مصالحهن بعرض الحايط..
ليش يمه ليش دخلتينه لذاك البيت وخليتينه نضوك المر..وهسه نسيتي دم بنتج الراح هدرررر بسبببببهم وتردين ترجعين الاحضان الشخص الجان سبب فعال بموت قطعه من روحج..

خالده : ولج ليش تفسرين من كيفج انه ماريد ارجعع كتلج مارجع لذالك البيت تنكص ايدي ورجلي كبل لا اعتبه..
..
كعدت على الجربايه اهز برجلي ووجفوفي على وجهي ابجي وواشهك محد يتخيل كم اه بداخلي ياهم انسه وبيا هم افكر..

انه تعبانه حيل وماضن راح اكدر اقاوم..نفتح الباب وودخلت خالتي بسمه شافتني ابجي وواشهك ركضت عليه حضنتني من راسي ووتصيح
: يمه سومه عيني منو وياج خالده شسويتيلهه..

خالده : خاله انه محاجيتهه كاضتهه هي من وحدهه اكلهه شيء ووتفسر شيء ثاني..

رفعت راسي على خالتي وواشهك وواشر على صدري : خاله هذا انترس غل منهم حطمونه وذلونه وهسه تريد ترجع اله هيج دموعي ووتعبي رخيص لو  حور معقوله صار دمهه مي
بنظرهه ونست وجعهه ببيتهم وعذابهه..

احنه تعبنه هواي ليش نرجع  لنفس المستنقع..

جرت راسي على صدرهه وحضنتني بقوه ووتمسح بدموعي : ياعيني حبيبتي بنيتي لا تبجين ولج وغلاتج محد يستاهل تنذكر ما تنعاد عوفيهم الله يحاسبهم الله يجازيهم وامج مستحيل ترجع اذا حتى انت قبلتي اني ما اقبل...

بعدت راسي عنهه وومسحت وجهي الغركان بالدموع وخاله هم راحت طبطت على جتف امي
ووكالت الهه اذا يريد خل يجي احنه هم عدنه شيوخ تسد عين الشمس عباله نسكتله..
..
طلعن من الغرفه وانه تمددت على ضهري ووعيني للسكف دموعي ماقابله تسكت... وواجتافي كل شويه تنرفع اثر شهكاتي..

انه الطفله المهشمه قلباً وقالباً انه الممزقه متناثره الاوجاع تلك الرسمه المتشابكه خطوطاً واشكال لربما الشبه الاربعون لقدري..

دك موبايلي رفعت راسي  من الجربايه شفته يرن بأسم باسل غمضت عيوني وتنهدت بوجع صار تقريباً شهر على اخر مره حجيت ويا..