فوق جمرات الأنتقام

الفصل الثاني والثلاثين

#بقلم إيـزابيـل
#الفصل الثاني والثلاثين
#فوق جمرات الانتقام

بنات النشر خميس وجمعه وسبت 👍

ولتسألوني ليش اني عندي دوام والتزامات وداقصرر حيل وما الحك

بارت حيل طويل تعويض 😍😍😍
..
قوت

نصدمت من سمعت كلام مروان صرخت بفزع
: يمه اسم الله مروان شتحجي شنو مااتت..

حرك السياره بسرعه حتى بدون ما يحاجيني..
كلبي يخفق بقوه وخايفه على حبوبتي دخيلك ياربي كلشي ولا حبوبتي هاي جزء مني شلون تروح وتعوفني منو الي..؟ بعد اصير فعلياً مكطوعه من شجره...

وصلنه المستشفى وونزلت اركض مروان صاح على سديه وجاوبهه وانه شايله عبدالله هو يبجي وانه ابجي وميته من الخوف دخلوهه فوراً
ما انتضرنه هواي..
..
واكفه بالممر وابجي وادعي ومروان يروح ويرجع بنفس المكان انتبه عليه شلون اشهك ووابجي تقرب وكف كبالي وكال
: كافي! ان شاء الله مابيهه شيء لا تفاولين....

قوت : مروان اذا راحت انه اضيع

مروان : كولي يالله

مسحت وجهي بقوه ووكعدت على الكراسي اهز برجلي بقلق وومخليه عبدالله بحضني هو نعسان يريد ينام وانه بالي طاير من راسي حتى ما مهتمه اله.

شويه وطلع الدكتور وكفت ومروان تمشى يمه
كله انت ابنهه

مروان : اا لا بس اقاربهه

الدكتور : الى رحمة الله الحجيه توفت

رئساً مروان باوع عليه ووانه نظراتي تتشتت وعبالك مشاعري كلهه نضربت حرت شسوي ووشتصرف يعني هسه هي راحت عافتني لوحدي هي مو تدري قوت محد الهه مامستنده على غيرهه دمرتني بروحتهه..

ذبيت عبدالله من حضني شاله مروان فورا نهارت اعصابي كمت بس ادك على وجهي ووابجي واضرب على رجليه ووارفع راسي ليفوك وواصيح ليش ربيي ليش اخذتههه..

جسمي كله كام يرجف من كد ما بجيت ووشهكت
جرني بقوه من ايدي وهمس بأذني
: اسكتي قوت المره ماتت بأراده الله..

ماجاوبته بس صافنه على حضي المصخم ووابجي مشاني وويا ايد لازم بيهه عبدالله ووالايد الثانيه لازمني..

طلعنه بره فتح باب السياره وصعدني وواجه صعد هو كل هذا وانه احس شارده..

من هدء الَمكان فصلت اكثر ضليت انوح وابجي وومخليه اديه على وجهي ووكل دمعه توكع مني تشرح الف هم ووالغصات بداخلي كونن جبال..

مروان : باوعيلي زين قوت

ماهتمت اله استمريت بصريخي وبجيي لحد ما عاط بيه كمزت ووباوعتله ووانه اناشغ..

مروان : كولي يالله وولا تضلين تبجين وتلطمين واحنه بنص مستشفى والناس رايحه جايه تباوع عليج