فوق جمرات الأنتقام

البارت الاخير

#بقلم إيـزابيـل
# البارت الاخير
#فوق جمرات الانتقام
..
طبعا ادري اني قصرت وياكم ووي الاحداث هواي بهاي القصه وباخر بارتات للأسف ماراضيه على سردي ولا طريقه طرحي للاحداث..

لان جنت اكتب بدون شغف مجرد انزل البارت..
علمود ملتزمه وياكم وواعدتكم لا اكثر..

وواسفه فقدت القصه طعمهه اعرف وهواي اختصرت احداااث هواي.

وعيوني تعبت حيل تخيلو مداكدر اقره اي كتابه بعيده عني غواش يصير ع عدسه عيني الموبايل دمرني..

ووذيج الفتره اني كلهه حاولت ابتعد عن الجهاز لان مداكدر اركز بأي شيء فورا تصير تحركني وتغوش الكتابه..

راح اسوي عدسات لو نظارات

و

ماكدر اتعمق بيهه اكثر للقصه  اتمنى الكم متابعه ممتعه
ayzabil_99

تابعو حسابي حتى توصلكم اخر اخبار قصتي الجديده ملاحضه ماراح انزله هسه فد شهرين هيج يله.

..
حوراء

مجرد ما خطبنه ووعقدنه بعد ماشفته لقائد..
ولا كعدت ويا جان عنده دوام والمفروض ثاني يوم يروح..

بس قبل لا يرحون ب لليل اجتني رغد وام قائد انطتني جهاز وكالت دزه قائد ليش ما اجه استغربت هواي ببالي اسأله واستفسارات.

طبعا هنه الاثنين ووجهن ثكيل عليه حتى بالخطبه ام قائد واكفه فوك راسنه ومعبسه..

وهذا كله لان عرفو جنت ضامه عليهم اهلي وهيج مع الرغم كعدت وي رغد حاجيتهه وكلت الهه مو اني السبب

اليوم بليل قبل لا انام متمدده على الجربايه فتحت الجهاز بي شريحه وكامل حتى مخلي رقمه بي.

شفت كاتب على رقمه ببدال الاسم
من تفتحين الجهاز خابريني..

فطست من الضحك مالكه غير رقمه يكتبه هيج خابرت علي..خابرته خليت الموبايل على اذني
وولفيت البطانيه عليه بأحكام..

رد بسرعه : هلااا شعجبب

حوراء : ههههه مو انت كاتب الي على رقمك

قائد : اي كلت حتى كل ما تشوفو تتصل..

حوراء : هههههه وليش ماتتصل انت

قائد : اتصل يابه شعندي غيرج

حوراء : احم خجلت

قائد : اااا وصارن خدودج حمر

: اي هواي

قائد : هههههههه شكتلج ياعمي

حوراء : قائد اريد اسألك سؤال

سمعت صوت الجداحه وانفاسه العاليه وهو يسحب الدخان : اي

: شنو الي غير نظرتك عليه انت مو جنت تشوفني طفله ووليش جازفت ووتزوجتني؟