فوق جمرات الأنتقام

الفصل الخامس والاربعين الجزء الثاني

#بقلم إيـزابيـل
#الفصل الخامس والاربعين الجزء الثاني
#فوق جمرات الانتقام
..
سما

تنهدت واباوع على الطريق مادري اذا السويته صح او لا بس كل الاعرفه انه مستحيل اسمح الامي تنذل بهالشكل.

يتصورون سما بعدهه قطعه مغمضه؟ عبالهم بعدني ذيج الي يحيوني ويموتوني بكلمه..
غمضت عيوني بأسئ وبعلت ريكي..

امي كاعده بصفي وومنزله راسهه لحضنهه وتبجي خليت ايدي على چتفهه وكلت
: يمه لاتبجين فدوه يروح الطولج هو وين يلوح مثلج هالحقير هذا

مسحت دموعهه بشيلتهه باوع عليهه عمو ابراهيم ب المرايه وكال
: ام حوراء خويه لا تخافين اني وياكم وان شاء الله مانرجع البغداد اذا ما ناخذ حقج مربع وترجعين معززه مكرمه تكعدين يم اختج ببيتج
ووتنسين فالح وولده.. ووتطلعين من مستنقعهم القذر..

: سمعتي كافي تقهرين بروحج

برطمت وفتحت الي حضنهه خليت راسي جوه جناحهه وودفنته بصدرهه ودموعي بعيوني أبيه النزول..

جان دنيا لليل راح تعبر العشره ووضلمه هندس
حتى مادريت من دخلنه السماوه لان احنه اصلا طلعنه بوقت متأخر ومر عمو على البانزين خانه هم مرتين..

دخلنه بفرع اضلم ووسايد واحد واكو من الجهتين مزارع وبساتين شفت جذع النخل شلون يتحرك من الهوى عفت امي وورحت لزكت روحي بالباب
وفتحت الجامه دخل الهوى عليه دخله قويه وسريعه بحيث ضرب بوجهي بسرعه هوى بارد عليل كزبر جلدي..

عصرت ايدي على حافه الجامه ووغصه بداخلي
توسلت بربي يخلصني منهه..

وكفت السياره كدام السيطره ووضباط هواي موجودين نزل عمو يحاجيهم رغم ماسمعت حديثهم بس مبين اكو شيء خفت باوعت الامي ووجهي باهت عزا شكو..

اباوع العمو عبالك يتوسل بيهم زميت شفايفي بتفكير وومن دون ترردد فتحت باب السياره ونزلت جنت لابسه بشت مفتوح من النص ووبنطرون كابوي ازرك ووتيشيرت ابيض ووشال
اسود شيفون ذابته على شعري..

بس نزلت لفحني الهوى طير ملابسي كوه كدرت الزم حجابي من يم ركبتي واحافظ علي..

تمشيت بهدوء وصلت يمهم ووعمو منطيني ضهره يحجي وي الضابط..

ابراهيم : سيدي فدوه الطولك خل ندخل وياي عائله وزحمه نرجع بهالليل..

همست : عمو شكو

لتفتو عليه الاثنين جان يخزرني وويكول
: ارجعي للسياره عمو ماكو شيء هسه اجي..

باوعلي الضابط بنظره سريعه ورجع التفتت الابوي : مثل ماكتلك حجي ما تدخل بدون كفيل..

تأفأف ووتخصر بضجر انه لتفتت وومشيت بخطوات بطيئه وكل شويه اذبلي حسره..

فتحت باب السياره ودخلت كعدت وعفت الباب مفتوح صاحت بيه امي : شعندج نزلتي ولج بنص هالزلم هاي مو عيب شو صايره كلش صلفه انتِ