فوق جمرات الأنتقام

الفصل الاخير

#بقلم إيـزابيـل
#الفصل الاخير (35)
#فوق جمرات الانتقام
..
سما

اكبر الانتصارت هي الي تصارع روحك بيهه اباوع لنفسي بالمرايه وكلي فخر بالي سويته..

بيوم من الايام انه نذليت بسب مرضي ونداس عليه ووكلهم جانو يعيروني بشيء مو بيدي،،.

محد وكفلي محد حتى امي بس الله ثم اني،،

دموعي على عيوني دموع فرح تنزل بغزاره،،
علياء مخليه اديهه على جتفي ووتضحك وياي..

علياء : الف مبروك حبيبتي خلصتي من همج الاكبر،،ان شاء الله العافيه ما تفاركج..

لتفتت عليهه باوعت بعيونهه وحجيت بلهفه
:  يعني هسه انه مابيه سرطان مو

هزت راسهه بأي حضنتهه بقوه وواكمز بفرح من بعد موت حور ما نرسمت الضحكه على وجهي بس اليوم انه بودي حتى اركص مو بس اضحك..

امي خبصت الجو بالهلاهل ووخالتي نفس الحاله.
اجو يحضنون بيه وومكيفين اليه..

ورجل خاله يكلي يله حضري نفسج خل نروح للدكتور نتأكد،،

بدلت ووادعي الله طول الطريق فدوه اروحلك ياربي عوضتني عن كل ليالي الحرمان بهل خبر هذا..
..
رحنه للدكتور فحصني وكال نفس الكلام الي كالته علياء مابيج شيء وجسمج ودمج نضيف الحمدلله..

كال هم عوفي العلاج القديم وراح اسجلج على مقويات تساعدج ووتساعد بنيه جسمج...

لان حالياً انت داخلج جاي يتنشط ويعيد بناء نفسه من جديد،،
..
كل هذا ما متحمستله بكد ما متحمسه الشعري الي راح يطلع بعد ما تركت الكيمياوي..

رجعنه للبيت ووامي خطيه مكابلتني وتبجي وتبوس بيه..

خالده : يمه سومه واخيراً شفت هذا اليوم كبل لا اموت بعد كلبي الله يطول بعمرج واشوفج احسن وواحلى خريجه وعروسه..

حضنتهه وواناشغ على جتفهه

رؤيا : بابا طلعنه نتحفل بما انو سما صارت مو مريضه..

لتفتت عليهه هي من قبل اسبوع تلح على ابوهه علمود يطلعهه كرصتهه من خدهه
: هههههه تردين تطلعين براسي ولج

رؤيا : لا والله حيل فرحت الج،،

جريتهه حضنتهه وبست خدهه
: هههه حياتي

بسمه : يله خلوهه ترتاح لا كلكم ملتمين عليهه روحي لغرفتج حبيبتي
..
ابتسمت وهزيت راسي رحت دخلت للغرفه..
زفرت نفس بتعب اوف احس نولدت من جديد..

ذبيت ملابسي ورحت تمددت على الجربايه
اجت علياء ذبت نفسهه يمي وحضنتني..

ووتضحك : سماااا لج راح اموت من الفرح

لتفتت عليهه ووانه اضحك
: وانه هم خلص راح ارتاح من الوجع وومن عيشه الاموات..

علياء : ههههه حلوه هاي مال عيشه الاموت..