فوق جمرات الأنتقام

الفصل التاسع عشر

#بقلم إيـزابيـل
#الفصل التاسع
#فوق جمرات الانتقام
..
هلاو بنات قبل لا تقرون اني البارحه مقصدت هاي القصه تنطبع لا ولا اي وحده من قصصي راح تكون قصه جديده وفانتازيااا 😍😍
..
وهاي الاغلفه من تصميم نازك الحلوه وميمي متابعه وادمن

...
قوت

مرات انقهر علي واكول خطيه ما حصل شيء خلص الدنيا عربده وسكر وافعال تغضب الله..
بس ارجع واردد بيني وبين نفسي لا همزين مات جواد بعد ما اخاف على نفسي ولا اتعب وانقهر وانكسر..

اخر شيء من كالت حبوبتي مات مات وتصيح وتزلغ بخدودهه ووتعيط ووتشيل روحهه وتركعهه بالكاع..

بيومهه بقيت واكفه بمكاني فصلت عن العالم كله وحتى ابني اليبجي ويصرخ توه كاعد من النوم نسيته..

رحت لزمت حبوبتي وواهدي بيهه وانه حتى دمعه ماوكعت مني حرت بمشاعري بذاك اليوم..

فاتحه ماسوينه اله لان ماعدنه فلوس بس عمامه هناك نصبو اله جادر يومين وشالو وطبعا حبوبتي ذبت الصوج بيه كاعده كبالي وتحجي بنحيب..

: ماجمعت الهه كم فلس وهي تدري رجلهه بالمستشفى وعلى باب الموت خلتنه علج بحلوك الناس

: حبوبه انه اعلم الغيب مثلا شمدريني راح يموت

للشغل مارحت كلت خل تطلع الاربعين على الاقل
بيوم الضهريه خميس صادف حبوبتي جابت تمر وكالت سوي براشي ووزعي ثواب..

ووكاعده اشتغل بي وافصل التمر عن النوى بكل هدوء سمعت موبايلي الصرصور يدك طلعته من جيبي بصعوبه لان اديه الاثنين متدمرات.. شفت المتصل مروان