فوق جمرات الأنتقام

الفصل الثاني والعشرين

#بقلم إيـزابيـل
#الفصل الثاني عشر
#فوق جمرات الانتقام

(بدون مراجعه النشررررر بين يوم ويوم)
..
قبل لتقرون احجولي شلونهه الاحداث 😁😁
..
حوراء

بسرعه وخوف فضيع خليت فوهه المسدس براسي وعصرت عيوني ووضغطت على الزناد...

بعدني متجمده وارجف وصدري يصعد وينزل..
سمعت صوت طكه ليش ماكو طلقه؟ اجه لجهتي اخذه من ايدي فتحت عيني بصدمه فتحلي الشاجور مابي ولا طلقه..

جتف اديه ورا ضهره والمسدس بين جفوفه..
رفع طرف حاجبه وكال
: تنتحرين عندج اهون من ما تكتلين داعشي؟ فضلتي الحرام على الحلال!

نزلت دمعتي على خدي افرك بأصبعي وخايفه منه ابتسم بسخريه ووراح لمكتبه وومله الشاجور طلق واجه وكف بصفي سحب اقسام
وواكف، بأستقامه ووايده لازمه الاخمس من جوه
وولثانيه على الزناد رافع راسه ووعيوني تعاين بأنتقام ووعبالك مشتعل نار على الرجال

وضربه طلقه بكصته..
..
فزيت وخليت ايدي على حلكي الله اكبر ماتحمل راح تطلع روحي كل يوم ميت واحد كبلي..
دار راسي ووجسمي رخه ماحس غير خاوويه وواكعه الرائد جان واكف بصفي نفزع من وكعت  حاول يلزمني من اجتافي..

بس ووكعت للكاع وضل بس راسي واكتافي بحضنه عيوني نغلقت والكون صار اسود بعيني
..
تمغطت بتعب ووفتحت عيونيَ ورمشت الاكثر من مره باوعت بالارجاء نايمه بغرفه صغيره ووبيهه جربايه وحده حديد وعليهه دوشك هاي انه نايمه عليهه وصوبه حمره مربعه صغيره..

تنفست بضيق اخر ما اتذكره وكعت بحضنه..
نزلت عيني لملابسي قميصي الاسود شويه متلطخ دم هاي من ضربه طفر عليه...

لزمت قميصي ورفعته لخمشي من حسيت اكو عطر غريب شميته  غمضت عيون ووطرحت نفس طويل الله..

عطر رجالي مادري شسمي تركيبته بس عبالك مستخلص من انفاس الذئاب هلكد ما قوي وتحسه يفرض وجوده عليك..

هذا عطره اي لان اول ما دخلت شميته بي.. تذكرت الصار وتنهدت حتى بجي ما بيه حيل ابجي..

ندك الباب صحت تفضل دخل قائد مشى بخطوات رزنه وواثقه تجاهي توقف بصف جربايتي باوعلي وكال بهدوء.
: شلون صرتي؟

جاوبته ببراءه
: خايفه انه طفله ووشفت اشياء مستحيل وحده بعمري تشوفهه وتضل عايشه..

ذب تنهيده طويله
: طفله انت وومن الجنوب شجابج للغربيه؟

بلعت ريكي : اجيت وي ابن عمي

رفع حواجبه بتعجب؟
: ووينوو؟ بس لا انضم الهم

هزيت راسي برفض : لالا كتلو ذبحو من ركبته

تمشى بالغرفه وهو منطيني ضهره حجه
: على فكره اذا اجه العميد هين ما اضمن بقائج يااا حوراء مو