فوق جمرات الأنتقام

الفصل السادس

#بقلم إيـزابيـل
#الفصل السادس
#فوق جمرات الأنتقام
..
ردت اگلك انه فاشل لا ضعفت گبال غيرك
ولا قوت نفسي عليك.

ل زيد الهاجري
..
غيرت صورة الحساب مو اتيهوني 😬 ماناويه اشيلهه بس من وره حمامه
خبصتني مو حلوه ومو حلوه..

بله وجه مثل وجهي ينكال علي مو حلو بشرفكم 😎😎وشكرا على الـ ١٠k
ayzabil_99

متابعه ممتعه 😍😍
..
سما

ضرتج اني ياحلوه

احرف تجمعت بكم كلمه صعبه على السمع وتجرح بسهوله فورا اتردد بأذني صوته وهو يكول ماحبيت غيرج ولا احب انت الاولى والاخيره َ..؟

بزفتنه ياباسل باليوم الي حلمت بي وتمنيت اكون زوجتك تجي وحده وتبشرني بزواجك منهه..

زين ليش بشنو قصرت وياك..؟ مو حاولت بكل ذره عندي اسعدك حافضت عليك مثل شيء ثمين وماريد اخسره.

بس اليوم تمنيت خاسرتك وما شايفه هيج لحضه..
..
من الصدمه بقيت ادور بعيني عليهه وانتبهت الهه شلون تهمس المره كبيره بالعمر ويكومن هي وياهه ويطلعن..؟

حاولت ابلع ريكي بس حسيت تيبست حنجرتي لدرجه ماكدر احركهه كلبي يدك بقوه..

سمعت صوت يكول العريس اجه..؟

المن جاي حتى يزيد همي اكثر لو يحسسني بأنكساري لو يثبتلي مدى حجم جذبته وخدعته ولفه ودورانه..
...
مانكسر خاطرك عليه قبل لا تخطي هيج خطوه
مااجيت ببالك ماصرت بعينك يعني ماتردد صوتي
الك مثل ما حاضرني انت بكل ثانيه..؟
..
دخل وعيني ما تلكته مثل كل مره جنت منزله راسي وعبالك واكعه علي بلوكه ومانعتني ارفعه حسيت ركبتي انكسرت..

كعد بصفي وحضوره المهيب وصل الاعَماقي..
شويه وقرب راسه عليه وهمس بكلمات مؤلمه عكس ماتكون مفرحه
ليش منزله راسج ارفعي خلي اشوف عيونج الحلوه..
..
ضليت منزله راسي ودموعي توكع بهدوء تترك اثر غير واضح على بدلتي البيضه الصارت جفن الي اليوم

تسللت ايده الچف ايدي ولزمني بقوه مادري شلون بقيت ساكته وماحجيت مانفجرت بوجهه مابعدته وضليت ساكته ولاصمه حلكي..

كام وكومني ويا وصوت الهلاهل تتراكع باوعت بعيونه بنظره عميقه عيوني جانت غازيتهه الدموع ومتبلل رمشي السفلي بدمعه ناويه تغسل وجناتي..
..
ماجنت مهتمه االايشيء لا البدلتي الي بقه نص منهه على مكان كعدتي ولا على الهوسه بس اريد اعاتبه بنظراتي اريده يشوف كسرتي بهالساعه
وقهري والحزن الغلفني..

جان اكو كلاص عصير على الميز واضاهر بحركتي اجيت اكلبه بدون ما انتبهه لان لف ايده على زندي وسحبني بقوه ويباوعلي بضياع وصدمه مستغرب من حالتي
..
من دون اراده مني وكعت للكاع وعيوني نغلقت اخر ما سمعته صرخت النسوان وفزعة باسل وحسيت براسي يوكع بحضنه واغوص بالبدله
..
بين شهكه عالقه ببلعومي وغصه تحاول  تتدمر جدران قلبي حرت اهدء مني حتى وانه مسافره لعالم مضلم تجي كبال عيني خيانته