فوق جمرات الأنتقام

الفصل الرابع والاربعين الجزء الثاني

#بقلم إيـزابيـل
#الفصل الرابع والاربعين الجزء الثاني
#فوق جمرات الانتقام
..
مدري احنه ندير دولاب الزمان
مدري دولاب الزمان يديرنه

صاحب الضويري
..
سما

بلعت ريكي بقلق ونزلت عيني للموبايل الي يدك
بأيدي رقم اول مره اشوفه بس اعرف منو الشخص المتصل فركت وجهي بقوه..

كمت اروح وارجع بالغرفه جاوبته قبل لا ينقطع
: الووو

: مساء الخير  شلونج سما عرفتيني

: مساء النور اي دكتور عرفتك الحمدلله بخير انه

: بس حبيت اطمن عليج واعرف ليش صارلج اسبوع غايبه

بلعت ريكي : اا والله صارت الي ظروف ووماكدرت اجي بس ان شاء الله انه من باجر مداومه.

: اها بس لا يكون بسببي

ضحكت: هههه لا دكتور قابل انت شدخلك

: هههههه ما فكرتي ب طلبي.

بعدت الموبايل عن اذني ووفركت وجهي بتوتر  ورجعت خليته على اذني : اا لا بس

: اخذي راحتج

: اشكرك

: اي شيء تحتاجيه لا تترددين ان كان بالدراسه او غير عن الدراسه

: ان شاء الله

غلق الخطه شمرته على الجربايه وجسمي كله يرجف انتجيت على الميز وغمضت عيوني..
نزلت دموعي بهدوء انسابت لحد نهايه خدي..

كلبي يوجعني وواحسه يلومني ويكلي سامحي
انطي فرصه لا تتصرفين بغباء انت ماتكدرين
تنسينه واذا قبلتي راح تورطين الرجال وياج..

ومن جهه عقلي يكلي اتزوجي اخر وحده تاخذ اكبر منهه وبعدين اهم شيء التفاهم شيفيد الحب بعلاقه مامبينه على الاحترام..

وهذا رجال مثقف وواعي وومحترم..

ولو المضاهر تغررر بس..

لزمت راسي بقوه لا تحاولين تقنعين نفسجج..
غبيه تمشيت بخطوات بطيئه للجربايه..

طلعت موبايلي ورحت ادور بـ الارقام ووشفت
رقمه رصيت على سنوني بغضب وومسحتهه
انه شكو حاطه رقم باسل ماعرف..

خابرت على علياء بنت خالتي بسمه شويه وجاوبتني : الوو حبي شلونج

علياء : هلاو سومه وين هالغيبه اني الحمد الله وانت

: زينه اني بس مشغوله ب الدراسه ووتعرفين صعبه حيل .

: الله يوفقج حياتي ذاك اليوم حتى من اجيتكم ماشفتج لان جنتي نايمه..

: اي صح نمت ومن كعدت لكيتج رايحه صدك علياء اريد اكلج على شيء..

: اي كولي حبي