فوق جمرات الأنتقام

الفصل واحد والثلاثين

#بقلم إيـزابيـل
#الفصل الواحد والثلاثين
#فوق جمرات الانتقام
..
 انه المامش خيال ايوالم اخياله
انه الضحكن اجروحه بوجه جتاله
..
السلام عليكم

بنات ما معقوله ناسين العاشته حوراء بين ادين داعش..؟ واستغربتو البارحه ب مقطع النزيف..

الناسي الاحداث رجاءً خل يراجعهه اعرف من زخم القصص الي تقرونهه ربما تتلخبط عندكم..

بس تره اصعب موقف عاشته الي هو تسبب الهه بتشوه داخلي + نزيف ويحتاج الهه عمليه َ..
شنو متتذكرون مشهد الحديده الي مشتعله نار

عموما الي ناسي يراجع 💕💕💕قراءه متروسه متعه

...

حوراء

اجه قائد فتح الباب وكعد بمكانه كال
: جوعانه بيج شيء ليش وجهج اصفر

هزيت راسي ب لا وبداخلي غصه مستحيل اوصل لبيتنه سالمه

نزلت دموعي فوراً على خدودي تصب نصعق
كال : شبيج يول

شهكت وواجتافي نهزت بقهر
: قائد راح اموت...

توسعت عيونه بصدمه وندار عليه بفزع
: شكوووو.؟

كلت بخجل : جاي انزف وحتى ماكدر اكعد عندي ألالم وبطني توجعني..

ضل صافن بيه بأستغراب
: من يمتى هذا الحجي..؟

حوراء : هواي من جنه يم داعشي اول ما تعرضلي البنات انه جنت انزف بس قليل وهسه كثر

عاط بيه
: فين الله حضج تخبلتي ليش لهسه ساكته؟

شهكت جان يمسح وجهه ويستغفر جان الطريق فارغ ووالشارع يصوصي طبك السياره على صفحه..
فتحت الباب ونزل وَكف بصف السياره  جر موبايله وواسمعه يحجي..

قائد : شلونك دكتور انه قائد ماعرفتني هههه ممنون منك بس عندي استفسار بسيط.. ولو انت مو دكتور نسائي بس بلكي تسأل النه زوجتك...

واسمعه يحجي اله على النزيف العندي دنكت راسي لحضني والعب بأضافري والله اذا ماموتني النزيف اموت من الوجع عبالك ابر وتبز ببطني....

مفتوحه الجامه والهوى يلعب بشعري من اجيت هنا حتى شالي خرب..؟ من جنت يم داعش صح انطوني نقاب وحجاب بس فور ما طلعنه ماتحملت ابقى بملابسهم القذره حركتهن..

اجه تمشى تجاهي فتح الباب ودنك علي خله الموبايل على اذني ووهزلي راسه بمعنى احجي
مدنك عليه ووايده متجيهه على السياره..

سمعت صوت بنيه ناعم تحجي وياي
: الووو

جاوبتهه وانه اتحمحم
: الو