فوق جمرات الأنتقام

الفصل التاسع والاربعين الجزء الثاني

#بقلم إيـزابيـل
#الفصل التاسع والاربعين الجزء الثاني
#فوق جمرات الانتقام
..
غزلان

نزل برهان وي ام احمد وضليت كلي شوق اعرف منو ذول الضيوف نومت ليلى وونزلت وراهم..

راح برهان للأستقبال وانه دخلت للمطبخ الي
بي شباك صغير يطل على الاستقبال اكدر اشوف كلشي منا..

ام احمد واكفه تباوع عليه بضيق ماهتميت الهه جبت كرسي وكفت علي بس على ركبي..

ووبقيت استنط..وانصدمت من شفت شيخ عشيرتنه موجود وويحجي وي برهان وفالح..

: انه ادري بيك ناس والنعم من اصلكم ولد اچاويد وينحلف براسكم وماتغلطون بحق احد وخاصا المرأه..

برهان : شيخنه انه اعرفك على شنو جاي انت وشتريد بالضبط  ووادري كلش زين رواء موجود يمكم..

الشيخ : اذا تدري ليش تمد ايدك على مره ووتتجاوز عليهه عيب عليه اقبل مره من عشيرتي ومني وبيه تتنظرب  من رجال غريب ووابقى ساكت...

برهان : رواء تستاهل ولو يرجع الزمن بيه اسويهه مره ثانيه وما اتردد ولعلمك شيخ انه هسه اكدر اروح للمركز اشتكي عليهه اخليهه تعفن بالسجن بس الخاطر زوجتي ووامهه ساكت

فالح: برهان شكو.

الشيخ : شكوو احجي بدون اللغاز ووفهمنه..

برهان : المحروسه جان الهه ايد بموت ابني الي حتى مالحك يشوف الدنيا وويفتح عيونه عليهه..ماعرف شنو غايتهه غيره حقد لو سبب ثاني..

شهكت وخليت ايدي على شفايفي عزا معقوله؟

:وشنو الي يثبت هذا الكلام منو يكول انت ماجاي تتبلى عليهه..

ضحك بسخريه وكال انطيني ثواني وراجع الك..
كام طلع من الاستقبال وصعد لغرفتنه.
بقيت انه متجَمده بمكاني وماعرف شحجي بس الدمعه تلالي بعيني..

هيج بشر معقوله عنده ضمير صاحي توكله تشربه ووتكعده وتأوي ويغدر بيك ويطعن بضهرك..

جسمي كله كام يرجف رجع برهان ووكعد كبال الشيخ ووطلع ورقه من جيبه فتحهه وقراهه..

برهان : هذا وصل مال صيدليه بي رقم الصيدليه واسم رواء وونوع العلاج؟؟ ومثل ما واضح هذا العلاج يسبب مضاعفات للحمل واساسا هو للأسقاط حضرتهه مبدلته بعلاج زوجتي الي هي نفسهه بنت عمهه..

واذا عندك شك نتصل على صاحب الصيدليه وونحاجي..

ضل يبلع بريكه ووالعرك واضح على كصته ووماعرف شيحجي ضل يتعذر وامسحهه بوجهي ووانه هسه هم ابتليت ابوهه جنت اعرفهه من زمان وواجت كعدت يمي تكلي انت شيخ عشيرتنه ووخبز وملح وي ابوي ماعندي مكان ثاني اروح اله..

وبعد عملته هاي مستحيل اخليهه ولا ثانيه يمي َما اكعد مجرمه ببيتي..

نصدمت من برهان كله جيبهه يمي صعد لدم الراسي هذا صدك يحجي هيج بودي ادخل عليهم وواصرخ بوجهي تريدهه تقتلني من جديد شكو جايبهه يمي..