فوق جمرات الأنتقام

الفصل السادس والاربعين الجزء الثاني

#بقلم إيـزابيـل
#الفصل السادس والاربعين الجزء الثاني
#فوق جمرات الانتقام
..
سما

رجعنه من السماوه البغداد امي حالتهه تدهورت جابت الطريق بجي ونحيب على شنو ماعرف اسألهه شبيج

تكلي انه من اول ما ماتت اختي ووصتني على ولدهه وكالت بأمانتج كبرتهم كدامي برهان ربى بين اديه مروان سهرت علي وكأن ابني واعز باسل داريته وحطيته بروحي وحتى معاذ وواتزوجت ابوهم علمودهم هيج يجازوني ليش هاي تالي تعبي...لا ابوهم ووفه ولا همه صار بعينهم..

سما : يمه انت ماشفتي برهان شلون وكف ضد ابو وودافعلج وانت تدرين همه كلهم يعزونج وويحبونج بعد شنو هالتفكير..

خالده : لو يحبوني صدك جان ماخلو ابوهم يسوي كل هل عمايل والمصايب وسكتوله شو ما تسكتين اجيت ووكعدت ووبتت ومروان طوله ما شفته كاعد يم مرته قوت الي سحلته سحل خدامه وتعلكت بذياله لو باسل الي لعب بيج طوبه حار شلون يأذييج چانه يحبني على الاقل لخاطري  قدرج ووما عافج بنص الطريق..

تنهدت ووخليت ايدي على چتفهه
  : عوفيهم شعلينه بيهم همه ولد ابوهم قابل شتردين يصيرون الج.

حجيت هيج بس حتى اسايرهه والله انه ابد مو وياهه برهان ابد ما عافنه من رحنه الهم ووماقصر وقام بالواجب وكلهم يحبونه وويهتمون النه واحد يحجي هيج لو هيج ماعدى باسل هذا لو مدري شيسوي كل خيراته اشوفهن سيأت..

وصلنه ووكبل بوجهي بدلت ورحت للجامعه طبينه بغداد سته ونص لان طلعنه الفجر..
..
بس مريت على البيت سبحت ووبدلت ملابسي اخذت كتبي وانتضرت الخط ووصل ودعت امي ووحلفتهه ماتبجي وومشيت..
..
طبيت الكليه لكيت بنين صديقتي بوجهي اجت عليه حطت ايدهه بعكسي ووحضنتني وتمشي بصفي : صباح الخير..

جاوبتهه ببرود : صباح النور

بنين : شلونج ليش غبتي اول البارحة

: صار عندي ظرف ، رايحه اراجع 

سحبت ايدي منهه بقوه ووتمشيت بخطوات سريعه للكفيتيريا اخذت كوب كابتشينو حيل احبهه كعدت على ميز يطل على الحديقه مال الجامعه الشمس عاكسه بشكل عمودي ووصايره بعيني قربت الكوب من شفايفي وواخذت رشفه..

بديت افتح بصفحات الكتاب ووارجع على اقل من مهلي بعد تقريباً ربع ساعه  للمحاضره..

َانه عادتي من اقره لو اهز بنفسي لو اهز برجلي
ووالبك لبك ووارفع راسي كل شويه واغمض عيوني..

سمعت صوت يكول
: شكد قلقه انتَ

فتحت عيوني راساً شفته دكتور فاظل كمت فورا
على حيلي خله ايده بجيب بنطرونه االاسود الكلاسك ووابتسامه على وجهه كال
: ليش هلكد تهزين من شنو قلقه..

كلت بتوتر: ااا لا مو قلقه تفضل دكتور ..

سحب كرسي ووكعد كدامي درت على الطلاب كلهه تباوع علينه وانه ابلع بريكي شلون ورطه هسه شيكولون يكعد يمي ووبعد ماكو شيء رسمي بيناتنه..