فوق جمرات الأنتقام

الفصل الثامن

#بقلم إيـزابيـل
#الفصل الثامن
#فوق جمرات الأنتقام
..
ياجماعه قبل لتقرون لبارت تابعو الكاتبه
Shahrazad___1995

بدون مراجعه
..

قوت

مريت هواي بأيام متنحجي من كد بشاعتهه وصبرت وتحملت لان ببساطه ماعندي غير حل
فـ جنت اتقبل الأمور غصباً ماعلى راسي واقنع
نفسي الجاي احلا انه مو اول وحده تتزوج رجال اكبر منهه بقرن ولا اول وحده تشتغل حتى تعين عائلتهه رغم صغر سني بس شلت على اچتافي هموم يابو اهموم ََ..

بس مثل حقارة هاليوم ماشفت اسمعه بأذني يساوم رجال عليه وارجف..؟ هذااا زوجي اي اي هو نفسه زوجي جاي يبيعني ويبيع شرفه..

وكع المشط من ايدي وشعري نفل بس ابلع بريكي
ماكدر انطق حرف عبالك توقفت كل حواسي... الهث بقوه ولازمه بالكومدي حتى ما اوكع..

نفتح الباب ودخل رجال اشقر طويل يباوعلي ويبتسم ومخلي ادي بجيبوب بنطرونه..

الدموع نزلت من عيني رغم ملامحي ما جانت تدل على الحزن اشرت بأيدي على الباب وكتله بصوت غاضب : اطلع برا

ضحك بسخريه
: والـ ٢٠٠ منو راح ينطينياهه..

تنفست بضيق ووفرطت بالبجي ووكعت للكاع بصف الكومدي واشهك ولحد هسه مامستوعبه الصار اكيد انه بحلم اي اي حلم..

تقرب عليه وكف فوك راسي ودنك عليه كال
: على فكرة ماجنت متوقعج هيج صغيره هههههه ومتزوجه ذاك العجوز..

رفعت راسي وانه امسح بدموعي وصحت بصوت اعلى من قبل : الكل يعرفني اذا حجيت شيء ما اتردد واسوي مهمى  جان وهسه الك عشر دقايق اذا ما شوفتني عرض اكتافك اكتلك وما اهتم..

ضحك بصوت عالي ورافع راسه ليفوك هذا شبي؟
رجع باوعلي بنظره جديه : باعلي لج ذني لتبيعيهن براسي تشتغلون انت وزوجج هيج شغل وتكليلي اطلع برا اضاهر تردون اكثر مو..؟

كتله بقهر
: والله لا لا انه تزوجته لان مالي غيره وحتى ماعندي علم شجاي يسوي اطلع وانه انطيك الـ٢٠٠ واكثر..

لزمني من اچتافي وضغط عليهن بقوه ويباوع بعيوني بتحدي
: يعجبني الصعب ولو اني اعرف امثالج يبيعن نفسهن بكلاص مي بس اضاهر انت تختلفين..

بعدت ادي بتقزز وضليت ادفع بأدي واصرخ وووخر اطلع بره حيوان..

خله ايده على حلكي ومنع صوت شهكاتي يطلع
ودموعي تصب من دون شعور وهذا مكتفني وماكدر اتحرك جنت مغمضه عيوني وابجي بقله صبر من سمعت الباب نفتح مره ثانيه باوعت بفزع شفت واحد ثاني دخل..

دفعت  الحاضن اديه ورجعت ليوره بخطوات بطيء وانفاس تتسابق اعاين الهم واحد يأشر للثاني ويتهامسون..