الفوهرر

🪦الفوهرر🪦 16

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل: 14

رجعات بيها داكرتها لليوم المشؤوم كل شخص عندو لحظات في حياته تمثل نقاط تحول ومن ورا دوك لحضات تاحاجة ماكتبقا ولا كترجع بحال لول.
حياتها كاملة فالمغرب عاشتها مع إمرأة رباتها بعد موت واليديها إسمها مريم كانت كتاجر فالمخدرات والكحول، كانو كتر من مايسورين الحال ولكن بساب طبيعة خدمتها فلوسهم ديما مخبية على الأنضار... وفيوم من الأيام غبرات مريم لمدة تلت يام ومن لي عيطات لأيسل قالت ليها بلي بوليس جايين لعندها للدار وبلي لاكاف basement عندها معمل صغير لعقاقير لهلوسة للمزوجة بلمخدرات وشحال من مواد محضورة دوليا ماشي غير وطنيا ولا لقاوها لبوليس غاتمشي فيها للحبس..
قالت ليها تحرق دار وبكل سداجة سمعات كلامها وفعلا أضرمت نار فالمكان وهربات بصعوووبة من لي حاصراتها النيران لإنفجار بشباب دوك لمواد مكانش عادي وكون مكانش حداهم محل صباغة لي تلام على تفجير كانت غادي مسكوها بجرم تخلص من أدلة مهمة فقضية كبيرة...

آيات مركزة معاها: <ماكنضنش لي كانو وراك بوليس أما تاحاجة ماتمنعهم يدخلو يشدوك>

تنهدات كتحاول تمالك أعصابها وماتبكيش: لبوليس كيقلب على مريم ماشي عليا واصلا مشكلتي ماشي مع بوليس...
عينيها كيحرقوها تاني، بكل حزن جمعات يديها قدامها وعينيها فلأرض: كان عندي صديقي لمفضل كتر من خويا خالد ماكنتفارقوش داك نهار لحريق من لي جاو بوليس جا معاهم خوه وقاليا بلي كان كيهضر مع خالد من لي شاف لحريق ودخل يعتقني وكيسول فيا فين خوه. أما انا صدمة كلامو خلاتني فقدت لوعي من لي فقت كنت فسبيطار وأخ خالد بقا كيتسناني ويوميا كيتعقبني كيلومني على موت خوه وكان شاك فيا انا سباب لحريق هادشي خلاني نخوي لبلاد تحت التهديد منو ...

ماتمالكاتش أعصابها ونهارت بلبكاء هاد ليلة مع هاد لبنت لغريبة عليها كانت من أصدق ليالي في حياتها رتاحت من بعدها وعوناتها آيات توصل حتى لدارها وخلات ليها معلوماتها إلى حتاجت لأي حاجة

رجعات للمكان لي كارية هي وليلى (المرأة لي عايشة معاها دابة) دخلات لقاتها كلها خوف وقلق على غيبتها نهار كامل وهي مختفية على الأضار. وفحضنها كملات لبكى وهي كتعاود ليها اشنو وقع معاها ليوم، ليلى عارفة كلشي على أيسِل والأحداث لي وقعو ليها وهي لي جابتها معاها من المغرب بعد وصية من مريم...حاطة يدها فوق راس أيسِل وكتمسح على شعرها بلطف لحنان لي كتحس من عندها أول مرة تعرفو علاقتها بمريم لي رباتها كانت بعيدة كل بعد عن أم وبنتها بلعكس كانت بحال خدامة عندها ...

<ليلى: ماتقسيش على مريم تاهي لعالم بيها الله فينها!!>

تنهدات بعصبية داك لإسم غير كينرفزها: <بسبابها حياتي ضاعت من لي حليتي عيني عليها وهي كتستغلني، كنت نقدر نكون فلحبس ولا ميتة فشي بلاصة اخرى>

<ومع دلك عزيز علك وعندك محبة ليها فقلبك حيت نتي هاد لقلب عندك لبيض ماكيعرفش يحقد>

<حتالين غانبقا هاكة لي جا فحياتي يستغلني ومشي وخليني>
هزات ليها ليلى راسها حتى جاو عينيهم فعين بعض وبكل جدية قالت <بغيتي صراحة؟؟> أيسِل أومات راسها بمعنى اه...
<أكبر مشكلة عندك هو أنكي كتفضلي لهروب على أنك تواجهي مشاكلك فاص وتحليهم ماقدرتيش حتى تهضري مع خو خالد الله يرحمو!! وتشرحي ليه اشنو وقع>

<مايمكنش مايمكنش نهضر معاه مانقدرش>

<شوووو صافي غير تهدني.... دابة مدام رجال تابعينك غايكون عرفك فين كاينة ودابة غير مسألة وقت حتى يجي حتى لبابنا..... أش غاديري؟؟ ... أشنو رأيك تمشي لديك أكادمية؟؟>

<هاديك أكادمية حاجة أخرى مانقدرش نقبل نمشي لبلاصة لمعلومات لي كاينة عليه ماتلقايها غير فدارك ويب هادا فحد داتو كيخلع واش عارفة ناس لي كيكونو فهاد دارك ويب؟؟..... خفت نهرب من مشكل ونطيح فمشكل أكبر منو>

<أيسِل راه أكادمية اش غايكون فيها متلا لقتالة هههههه غير لوسواس دابة كيلعب لك بعقلك>

<لا لا أنا متاكدة مشكوك فأمرها!! واش وزارة تعليم فبلادهم وماعندهاش معلومات كافية أويلي واللهما نتيق ولا هزيت راسي ومشيت وتخطفت وعمرني نرجع؟؟
لا ماغانمشيش اصلا بداو واقلة بلموسم دراسي كان خاصني نمشي ول بارح ...فيها خير >