🪦الفوهرر🪦
بقلمي: أريا ستارك
⚰الموسم الأول:من دم إلى تراب⚰
أيسِل: 16
راسها بين ركابيها ودموعها شلال كتدعي الله إلا كان باقي كيسمع دعواتها...كلام آيات كيتردد فودنها ولكن دماغها واقف على نفكير ماقدراتش تفكر شي آية ولا دعاء كتحس بالضغط فراسها بحال غاينفاجر بالنسبة العالية ديال الأدرينالين وعاد دقات قلبها للمتسارعة...
سرعان مادفع عمر باب لبيت دخل لعها فين مكمشة فلأرض هزها من شعرها حتى غوتات وحطات يدها فوق يدو....
<عمر عفاااك عمر....>
صرفقها حتى سكتات وبكل غضب قال: <ماتنطقيش بإسمي ولا باسم خويا نتي قتلتيه نتي لي حرقتي ديك دار أنا متأكد نتيييي سباب حياتي لي تقلبات نتيييي>
دفعها على لحيط لوا يدو على عنقها كيخنق فيها:
<نتي لي كان خاصك تموتي ماشي خويا>
مابقاتش قادرة تنفس نقاط سوداء بداو كيضببو الرؤية أوكسجين قل فجسمها كتقمش فيدو وكتحاول توصل لوجهو والو بدات كترخى وكتستسلم لمصيرها وفآخر لحضة قالت فنفسها هاد دعاء...
**ياربي لكنتي باقي كتسمعني سيفط ليا شي حد يعتقني وانا كنواعدك غادي نبدا نواجه مشاكلي ومانبقاش نهرب عفاك يالله غير هاد لمرة غير باش نعرف باقي عندي امل فهاد دنيا يااااربي يااااربي**
جسمها بدا كيستسلم ولقتال توقف وبدات كترخا بين يديه بينما هو مبتاسم...عينيها تسدو ودماغها استسلم عوض دعاء قالت شهادتها فنفسها وهي كل أمل الله يغفر ليها...
فآخر لحضة طاحت وطاح عمر فوق منها، ليلى لاحت بقايا لفاز لي هرسات فوق راسو وهي كلها فرحة انه فعلا داخ، تلاحت على ركابيها كتدفع فيه من فوق ايسل وجراتها لعندها ودموعها شلال ويديها كيرجفو فوق لقياس...
أما أيسل حالة عينيها دموعها كيهبطو كتشهق لأوكسجين لي كان محروم منو جسمها وكلها سكينة أن الله باقي فجنبها وان كلام ديك لبنت لغريبة كان ليه فضل كبير يعزز تقتها بالله...
سرعان مادخلو بوليس وراها فنفس لوقت عمر بدا كيفيق وبهستيريا بغا يتلاح عليها تاني هاد لمرة لبوليس لي شدوه وداوه معاهم، ولكن ضروري أيسِل وليلى كان خاصهم يمشيو معا لبوليس يلقيو بأقوالهم ...واخة باين من لباب لي لقاوه مهرس وطراس يديه على عنقها....
داز عليهم وقت طويل وهوما عند لبوليس أخيرا سالاو وخارجة شادة فدراع ليلى لي باقة مامتيقاش اش وقع معاهم ليوم...
<أيسِل متكعايش مني ولكن عندي احساس غادي يخرج منها راك شفتي كيفتش لمحامي ديالو كيتكلم وتايق من نفسو...>
تسنات لوهلة فإنتضار اي كلمة منها من لي ماجوباتش كملات تسلسل أفكارها...
<يقدر يتحبس لقليلة عام حيت مايقدرش يخرج من تهجم على دارنا وافساد ممتلكات ولكن تهمة محاولة قتل ماكينش شي دليل من غير عنقك وراك شفتي كيفاش ماتحركوش ومحاولوش يشوفو أو ياخدو بصماتو من على عنقك و.....>
<ليلى بليييز نفسيتي ماكتستحملش، غير خليني علك>
وقفات وشداتها من يديها: <ولكن أيسِل اش غانديرو؟؟>
قبل ماتجاوب وقف حداهم واحد شخص كبير داير نضاضر قاع كاس وكيهضر بلإيطاليا...
<Signorina, possiamo supplicarla
آنسة ممكن نسولك>
<Wee, possibile signore
<تفضل سيدي>
أبنتي هاد لورقة مانقدرش نقراها ممكن تشوفي ليا اشنو مكتوب فيها؟؟
ليلى شدات من عندو لورقة فعوض ايسل قراتها وخرجات عينيها وفمها تحل على آخرو وبكل عصبية واندفاع قالت...
<شكون نتا أسيدي.... اش هاد لورقة>
أيسِل خطفات لورقة من يدها قراتها وحتى هي عينيها خرجو....
《Maybe it's better for you to go far... faraway...... maybe you should go to that school for your own sake...》
《واقلة من أفضل ليكي تمشي بعيد..بعييد بزاااف.....
ربما من أحسن تمشي لديك لمدرسة غايكون فصالحك لو تمشي لتم...》
أرائكم بليييز البنات 🥺
YOU ARE READING
الفوهرر
حركة (أكشن). 🚫حصريا على مجنونات القلم🚫 ⛔ممنوع النشر⛔ 🪦الفوهرّ🪦 الفوهرر لقب أسكن الرعب في قلوب الملايييين إسم كان ولازال مرتبط بشخصية أقوى قادة العالم في التاريخ **أدو...
