الفوهرر

🪦الفوهرر🪦 21

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

ايسل: 17

وصلو لمناء كبير شوية خاص بلجزيرة، مرفأ كلو يخوت فاخرة، كل واحد يخليك تنسى لآخر لي لمحتي قبلو... ضفة لأخرى لي قريبة ومرئية لناضري فيها دراري على ألواحهم كيمارسو surf...
ولثاني مرة كنحل فمي فلعربات صغير لي كتشبه سيارات صغار لي كيكونو فناديات الكولف (golf)، بقيادة كريس لي أصر نبرك حداه ونخليو دراشتي ورانا وقفنا قدام مبنى فاخر كانه من لعصور لوسطى هاد لمرة حليت فمي كنمتع عيني بالمنضر الخارجي قبل ماندخل لهاد لعالم خاصني نخلي أيسِل لقديمة ونحاول نكون شخص جديد....
كريس همس حدى ودني:
<خليتي فمك فلأرض ورانا ههههههههههههههههه (تمشى قدامي بكل عجرفة) ياله نوصلك لغرفتك>
ورانا مزال كنسمع صدى صوت كعبها لعالي وهي تابعانا وعينها غير على تيليفونها، بطبيعة لحال غير فكرت فتيليفونها لاحضت كريس هز تيليفونو شاف فيه وضار عندها خنزر فيها، وراها بخمسة دقايق اكتضت لممرات لي كانت فارغة تماما... وكلشي عينيه عليا وسط ملابسهم لفاخرة ومجوهراتهم لي كتلمع، كنحس براسي فحال لحمل الوديع وسط قطيع ذئاب....

#رافا

فوهرر ماعرفتش شكون اول واحد عطاني هاد لإسم ولكن ساهل توقع السبب، واش صعيبة على عقل بنادم ان يتفهم بلي انا غير ، بلي أنا مكنحتاجش رأيهم فيا؟!!
في أيام صغر كانو كيخلعونا بالوحوش باش نسمعو لكلام... وفيوم توقفت عن البحت على دوك الوحوش لي فلعادي قصصهم كتقول كيكونو تحت سرير ولا فالحمام... علاش وقفت البحت؟؟ حيت عرفت بلا مسكنهم داخلنا.
لي خاصهم يفهمو انه بالنسبة ليا تاحاجة ماكتهم ماتقدرش تهددني بأي حاجة ومهما تكون قوي ماتقدرش تآديني...بكل بساطة لاأخاف الموت ولا أخاف الغذر أي حاجة توقف فطريقي كندمرها...

اشنو لخطأ فأنني كنكره لي كيحاول يفهمني؟؟
انا بسيط كندير لي بغيت وقتما بغيت اشنو فيها صعيب الفهم؟؟
لحب؟!! ماكنحبش الأغبياء لي كاينين غهاد العالم مكنآمنش بلحاجة لغير ملموسة...
بلا قلب؟!! قلبي ينبض وهادي هي المهمة ديالو، واش ضروري يبقاو فيا ناس لي قتلت ولا عذبت باش نوصل لفين انا؟؟
متلاعب؟! أنا فقط أغتنم الفرص وقتما اتاحت قدامي الفرصة لاغير.
كذاب؟!! علاه ماشي كلنا كدابين بطريقة أو اخرى؟
نرجسي؟!! علاش لعالم والناس ضروري يكونو مستائين لأني أحب نفسي فقط وأهتم بصمعتي لاغير...
معتل إجتماعيا؟!! علاش ناس ديما كيخافو من القائد لي كيقود لمجتمع او نخبة من الناس؟؟
وي ماكيهمنيش رأيكم في ولا حتى مشاعركم .... لي كيهم هو أنني لفوق ونتوما لتحت!!
هزيت عيني فهاد الدمية لي قدامي كل حركة منو كتكون بأمر مني ومن لمستحيل يعصي أوامري ولكن بعض لمرات كنبغي نقتلو ونتهنى من هاد لغباء المفرط...

<احم رافا ضروري نهضرو على شروط لي كتبتي بالنسبة لدوك عشرة طلاب لي جاو بالمنحة ديالك>
<شروط مفهومة كنضن فين لمشكل؟؟>
<احم غير لبعض منهم ماتقبلوهمش و..>
<عرفتي نهار لول قلت لك عجبتيني كتسمع لكلام واخة كتعجبني عندي رغبة كبيييرة نقتلك دابة >
تفاحة آدم فحلقو تحركات لخوف تملك قلبو: <ا ااا أ ناا غ غييير...>
قاطعو بصوت كلو عصبية ونفاذ صبر <واش سناو ولا لا؟؟>