الفوهرر

🪦الفوهرر🪦 3

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل: 2
#الحاضر

اخر حاجة نوريها ليه هي لخوف من بعد لوقت لي دوزتو معاهم فهداك الجحيم خلاني تاحاجة مابقات كتأثر فيا، لكان كيتوقع أيسِل ديال الأكادمية فراه غالط، بتاسمات وبكل برود ضورات عينها على شكلو لي تغير نوعا ما وباستهزاء فنبرة صوتها قالت:

صدفة قلتي؟؟!! كنضن هادي داري!! ولا غير حيت دارك كانت بحال ديال ق**ب ديما محلولة كتصحبني بحالك؟!!

قرب ليا وعينيه كلهم شر يدو تجمعات على لفك ديالي وزير بجهد:

قلتي كااااااااانت نيت فلماضي وبسبابك نتي مابقاتش (ورك على فكي بقوة أكتر وبكل استهزاء قال) بسبعة رواح نتي شحال من محاولة قتل خاصنا نديرو باش تنجح لمهمة هههههههه أيسِل ياأيسل it's time for payback
(جا وقت لخلاص)

هزيت ركبتي بلخف وضربتو لحجرو غوت وطلق مني هربت باقصى سرعة ولكعب لعالي لحتو ولكن للاسف غير كافي، حسيت بلألم فشعري من لي جرني بجهد رجعني لعندو تخبطت على صدرو، خصلات شعري ملفوفين بين أصابعه.
كان قراري نخلي شعري طوال ونصبغو عامين لولة دازت صعيبة باش نسا أش وقع ليا في أنجيليس ولكن دابة عام ونص أخر وانا هربانة من نهار عرفتهم هربو من سجن الفدرالي ومن اول لمهام ديالهم أنهم يلقاوني...

لإستفزاز عمرو كان من شيمي ولكن هاكة قلبي كيبرد وكنحارب أي مخاوف عل اقل كنحاول نخرج منها بكرامة، قبل مانحاول نخرج كلامي لي واقف فحلقي... يديه كانو على عنقي دفعني للحيط بجهد حتى حسيت بسائل ساخن نازل من جبهتى شاق طريقه لفوق شفايفي وخرجت لساني أتذوق لآخر مرة طعم لإهمال ديالي لي يقدر يكون سباب موتي.
بسرعة لوا دراعي ورجع ردخني على لحيط تاني، طريقة كلامو حافضاها من نبرة صوتو عرفتو غايكون مبتاسم ضحكتو لمريضة كتردد على مسامعي:

هههه تدوقي طعم دمك تاني تقدر تكون هادي أخر مرة تشربي شي حاجة فحياتك

ضباب وضلام كتاسحو رؤيتي عينيا كيتحلو بزز من لألم لي فراسي حسيت بيديه ترخاو وسرعان مالأرض ستاقبلاتني بين أحضانها لقاسية، تحول لألم لصداع هزيت راسي بشوية لقيتو هاز صاك ديالي ديال جيم حط تحت دراعو وبتاسم ليا بشر، فردي ديالي بعيد ولبنية الجسمانية ديالي بمقارنة معاه إلى حاولت شي حاجة غير كنحكم على راسي بالموت من حدو باقي ماقتلنيش يعني تعليماتو يديني حية....
اخر حاجة عقلت عليها هزني فوق كتفو بحال وزني بالنسبة ليه ماكيسوا والو وسط ضباب أخر حاجة شفتها طوموبيل كحلة، اخر امل عندي هزيت راسي كنشوف فديور لي مقابلة معايا سرعان مالمحت شخص مم شرفة ديال هاز كاس نبيذ فيدو دار ليا اشارة *نخبك* وبتاسم بشر....

ههههههههههههههههههه ز**ل هو لي عرفني ههههههههههههه من إمتى كتخدمو زو**ل

ضحكاتي بقاو كترددو وسط الأزقة لخاوية من حس اي انسان بآخر قوة عندي قلت دوك زوج كلمات وستسلمت للضلمة لي ستحودات على عقلي..

بس: ضروري تركزو معايا فلحقبة الزمنية كتبت فاول جزء الحاضر وفينما غانبدل لحقبة غانكتبها... إلا نقزتو اي تفاصيل تقدرو ماتفهمونيش....