الفوهرر

🪦الفوهرر🪦 15

الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل: 13

كتحس بشي حاجة باردة على وجهها حلات عينيها بشوية كتستوعب هي فين وأش واقع معاها...
لبنت لي باركة على ركابيها قدامها: أيسِل أيسِل كتسمعيني
هاد لأخيرة رجعات بلور من لي سمعات سميتها وهي متأكدة مقالتش سميتها...عقلها ماستوعبش أن لبنت هضرات معاها بالدارجة
> كنعتادر متخافيش تهدني!!
كنتي فحالة غريبة خفنا علك قلبنا صاكك على عنوانك نعيطو لشي حد يساعدنا ومن لي عرفتك مغربية قلت نساعدك!!>
بركات بشوية عليها كتحس بالألم فرجليها هزات عينيها للزاج لي كيطل على برا مبان ليها تاحد تنهدات بنوع من الراحة، ضمات ركابيها لصدرها وخشات راسها وسط عنقها حتى خرجوها من سخوتها كلمات بصوت عذب...
<أيسِل لباس عليك؟باش كتحسي>
وقفات بسرعة فنيتها لهروب كيما ديما أنسب حل ليها ولكن دوخة لي شداتها حالت بينها وبين مهمتها، هزات عينيها بتعب:
<اشنو سميتك؟؟>
<آيات>
ضورات عينيها فلمتجر تنهدات ودموعها قربو يخرجو من قهرتها على حالتها، دارت وشدات لآيات فيدها: ٧فاك ممكن نشري من عندكم سباط ولا صندالة لي كان غير باش نرجع فحالي..
وقفات قدامها آيات كتمعن فحالتها قطعات قلبها من المنضر لي دخلات بيه حسات بيها وعرفاتها فمأزق، من يدها لي باقة شداها جراتها بركاتها فغرفة تغيير الملابس خرجات بلاما تقولها كلمة ولكن سرعان ما رجعات فيديها قرعة لما حلاتها وحطاتها ليها فيدها.
جمعات يدها على لقرعة وشربات لقدر لي روى ضمأها وبتاسمات بزز: شكرا!!
بتاسمات ليها وهي كتحاول تهدئتها: <أيسِل اسم غريب على مغربية>
<كيقولوها لي فالمغرب بزاف، للأسف حتى انا ماعرفتش سر هاد الإسم>
مابغاتش تجبد عليها موضوع أخر لي يقدر يقلقها <ماكيهمش!! إسمك زوين.. اش كديري فإيطاليا >

كانو هاد لكلمات لأخيرة سبابها فإنهيار أعصابها وطلقات لعنان لدموعها لي وقت طويل وهوما كيحرقوها داخل عينيها، حياتها كاملة دازت فصراعات وديما هروب بغات نهار واحد ترتاح نهار واحد ماتفكرش فغدا... حسات بحضن ضمها صوتها تبع دموعها بحزن كيعبر عن ليكيدور داخلها، ثوتها كيتحبس كل مرة طلع نفس عميق على شكل شهقات متتالية...
آيات بحضنها ضماتها أكتر كتحاول تخفف عليها من طيبة قلبها ماكرهاتش تهز شوية من همومها وتشاركها تنهدات وقالت...
<إن مع العسر يسرا...لاتقنطي من رحمة الله>
باستهزاء وكل انهزام تسمع صوتها:
<الله تخلى عليا شحال هادا >
أعوذ بالله ماتقوليش هاكة لعني شيطان وتفكري كلام الله عز وجل (بسم الله الرحمن الرحيم): <وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)> سورة البقرة
<عندك شك بأن الله تخلى علك؟؟ وشكون وصلك لعندي باش نقولك هاد لكلام فنضرك؟؟>

<خرجات من حضنها وهاد لمرة ابتسامة بريئة حزينة على محياها: من لي كنت صغيرة وانا كندعي عمرو استجاب ليا>

ماعرفتتش ضروف هاد الأنثى المنكسرة لي قدامها ولكن متأكدة انها غير شدة وتزول كيف لا وهي بنفسها مرت من لعديد ديال تجارب وإبتلائات:
<كوني قوية بقربك من الله عمرو مايتخلى علك...(سكتات لمدة) خوي قلبك ربما محتاجة لودن تسمعك..>