🪦الفوهرر🪦
بقلمي: أريا ستارك
⚰الموسم الأول:من دم إلى تراب⚰
أيسل:24
<واش من نيتكم غاتلوحوني من بالكو>
فيكي vicky هازة تيليفونها كتفرج فيديو وتابعاهم:
<عندك زهر مالاحوكش ونتي جتة عل اقل تقدري تبقاي حية هادشي إلا كتعرفي تعومي>
أيسِل كترطى فوق من كريس:
<فاك ريحي لرض عصبتي ديمي>
<حطني لأرض نزلنيييييي>
نيك وقف قدام لباب دخل كود لي خباه عليهم بجسمو وتوجه ديريكتمو للشرفة عينيه مشاو للضفة لأخرى ديال لبحر شاف رافا واقف مربع يديه وكيتسنى، كان متأكد بلي هاد لبنت شي حاجة أخرى بالنسبة ليه وعاد كيزيد يتأكد كل مرة من تصرفات صاحبو... إلا كان عارف شي حاجة على صاحبو هي أنه عمرو كيقول لي فبالو حتى يقرر هو إمتى وكيفاش...
كريس وقف حداه وحط أيسِل لي غير قاست لأرض هزات يدها على شكل قبضة ديريكت لوجهو، مكانش متوقعها صدمة بانت من عينيه وفنفس اللحضة لي قبضتها تلاقات مع نيفو مكانش عندو وقت يتفاداها ...
<فاااااااك>
زادت بخطوة غادة لعندو: <اشنو كتصحبني قطيطة زوينة ماغاندير والو ونبدا نبكي؟؟!!>
شدها نيك من وراها كتفها من يديها ولكن برجليها ضربات فلحيط لي قدامها ودفعات بكل جهدها ورجعات لور حتى تخبطو مع لحيط لي موراهم بزوج بيهم، اي واحد يقدر يفقد سيطرة على قبضة ديالو لي شادها بيها، ولكن ماشي نيك بقا شادها وغير زادت عصباتو أما لآلم منعدم...
<طلق مني نزلني لكنتي راجل نشوفوو>
كريس رجع حداهم ووقف قدامها:
<بنت ل*** كون مكنتيش مزال ماسنيتي دوك وراق نقتل **** مك دابة نيت>
نيك خنزر فكريس باش يسكت ودور عينيه لفيكتوريا:< واجدة نتي نساليو هاد ل****>
فيكتوريا أومات راسها بأه وتحركات لعند ايسل: <ايسل بليز تكالماي وسمعيني؛ واخة باقة مكتعرفينيش للمصلحتك غونقولك بليييز ...غير جاري الموقف غاتشدي فيدي ونقزو بجوج ولا ماكتعرفيش تعومي أنا نعاونك واقلة ماعرت على حساب لامواج ولوزن ديالك ممممم بلاتي نفكر...>
لاحضات من طريقة فيكي للتعامل مع الموقف بلي مامنو هروب مافهمتش اش واقع فهاد اكادمية ولكن خاصها طول معاهم باش على لأقل تكون عندها فرصة... خاصها تبرد الموضوع ولكن ماغاتنساش هادشي لي دارو وغير ترجع غاتمشي تشكى للمدير او لعميد، ماشي غير حيت لباس عليهم يتعداو علينا....
<كنعرف نعوم ماشي هدا هو مشكل>
كريس بابتسامتو لمريضة دفع فيكي من طريقو وهز ايسل من بين يدين نيك: <مزيان من لي كتعرفي تعومي تلاحي بردي على قلبك هههههه>
اخر حاجة سمعاتها صوت نيك قاليهم :<كريس هاني غادي نهز اليخت نتلقى ليهم>
لأول مرة عاد كترد لبال شحال بعيد لبالكو على لبحر عينيها خرجو وبلا هواها صراخها تسمع مكانتش معولة عليها دابة.. ضارت فلهوا كتحاول تقاد باش ماتوعتش راسها، لي معروف على لما انه يقدر يكون بصلابة لأرض إلا تلاحيت من علو شاهق وطحتي بطريقة لي تقدر تقتلك ولا تشللك..
وصلات للما وتخشات فيه بشكل مستقيم قلل من صدمة لما على جسمها..ومع دلك حسات برجليها ضروها...
من لي خرجات من لما شافت فيكتوريا فطريقها للما كتغوت بحماس ماشي بلخلعة: ووووووهووووووو
راقباتها حتى وصلات للما وهي مبتاسمة، من لي خرجات من لما عامت أيسِل قربات ليها وهي ضاحكة من عفوية هاد لبنت، رغم لخلعة وصعوبة الموقف ولكن هاد لبنت بكترة هضرتها وعفوتها خلاتها تبتاسم بلا هواها:
<واش نتي صافا با مسطية بحالهم ولا شنو؟>
<ماشي مسطية بحالهم ولكن عندنا بزاف مشترك>
<فيكي شرحي ليا اش واقع فهاد لأكادمية>
<أول حاجة ياله نعومو شوية راني ماتعشيتش وبدا كيبرد لجو وخليت تيليفوني لفوق وانا منقدرش نعيش بلا تيليفون...نسمح فلماكلة وتيليفوني لا ههههه>
YOU ARE READING
الفوهرر
Hành động. 🚫حصريا على مجنونات القلم🚫 ⛔ممنوع النشر⛔ 🪦الفوهرّ🪦 الفوهرر لقب أسكن الرعب في قلوب الملايييين إسم كان ولازال مرتبط بشخصية أقوى قادة العالم في التاريخ **أدو...
